Matiu 11:7 - BAṈARA KO VAIRU AMA LEVELEVEO

⁷ Ni vo Jone o soroekeni nioqa qo vaeva keru vo Jisu inio Jisu ta ovai bazubazutake vo Jone koa matuma vaki kasi, ni eri kiolake, “So keru meme qeve keru lealea kama zaekale viqole Jone ko bazubazu ta noni ala maba inio me meba velou va kimeveni? Kala lekuleku ala maba, seulele ko leko jari ala ko ururu ko viliviliekako? Pui!

Matiu 11:7 Marejeleo ya Msalaba

Matiu 11:8

Sole noni ala maba inio me meva keveni velole? Kala maba batiro ala uri ama sabosabo sala? Pui! Se soama sabosabo samu ta pui lealea kama zaekale ke evani nio melai seta raura kama maba poso ko pade kale inio ke evakoi!

Matiu 12:20

Omadeuvo vota pui opa daukorikou ko lula ko loquloqutako pinapina ni mata pui opa vouvaekou ko joatou kikolako juke, so jari nio vota oluoluavole o imou se lekuleku amu seko tupu ko saevo kale ni seko oqu kale. Ni vota obeta ziovou ti kobeta barolou ko taku tu maba poso ta ke erekou ko sidopu voko vatolo ko lulueko kale.

Matiu 21:25

Sole lala inio o kativake vo Jone koa pizato, inio vota bapitaiso o imake se maba poso. Vo Baṉara inio o kative koa pizato ma maba inio?” ma kiolake. Nio seta ke taniekake zolizoliekinio ke ṉavio kude ni eri kikelake, “Ako ‘Vo Baṉara inio o kative koa pizato vo Jone’ kimevou, ta vota eri nio mela kiovou, ‘Ta noi sole inio meta pui meba tuvevo pueve vo?’ inio mela kiovou.

Matiu 3:5

Nio matuma vaki ta ko padoivake vokasi Jerusalema azo ni pado ama Jiudia ranʼazo ni Jodani sukuru ko sipole ama peuru poso kale azo tu ke didieko voko bazubazu.

Luke 8:18

“So sole meta kati vailomo ko meme viqako quli, ako vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio ka kiolake kobe evako vo tona,” kiolake.

Jone 1:38

Ni Jisu ta o lilitake ni o keake nioqata qope luluevake, nio o kuimaekake, “Loma ikio qeqe vailika?” kiolake. Nio nioqata qo vati tiorikake, “Titisa, lai nio ṉoṉo evakoi?” kiqolake.

Jone 5:35

Jone ta kala juke jari o eve, ni vota o taloekiko ko zakaremu, ni meta meqa zariovi tu ko zolemelo voko zakaremu puju ama taku kale.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Jemisi 1:6

Melai so keru meme vararaitou keru, meta tuvevo putomo ni pui niuniala elo. Vo niuniala o evani maba ta omadeuvo ko ivere kale ama vate ko qiloqiloeka ni ko alazikako ko ururu jari.