Matiu 11:23 - BAṈARA KO VAIRU AMA LEVELEVEO

²³ Ni me Keponeami peuru kale amu mela ta raura kamela ta be kimela kio, melai meta me risailou heli kale! Ako koa aqasiele ama iruruputo koko ereivake mekasi ta ko erei Sodomo amu kasi tea, koa peuru ta kobeta elo inio vairutu.

Matiu 11:23 Marejeleo ya Msalaba

Matiu 10:15

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo ni Qomora peuru kale amu ke kovo ama koqotato.

Matiu 16:18

“So sole aṉata a bazueṉa ṉo, Pita, ṉoko ṉi ko kio ni kalo ta lado ikio, ni omadeuvo kala ta o orumuka voko pade lado ko vola topi, so jari nio aṉata a orumukou aṉako lotu ṉo topi, ni vou melai pui kopa niumaekou.

Matiu 17:24

So keru Jisu ni voko disaipeli madu ke baroa keru Keponeami matu peuru kale, se maba poso Jelepade ko takisi ke koani ta ke olake Pita kasi ni eri kikelake, “Mevo nianiiekato vo maba ta o tabarikani nio ko Jelepade ko takisi, kio?” kikelake.

Matiu 4:13

Vota o olake Nazareti peuru kale, melai sai kazo inio ota vatutake tu o elo Keponeami peuru kale Qalili toupa ko ketaketa, koa omuqa toutou Zebuloni ni Napitalai ko vikuvikula miduku kale.

Matiu 8:5

Ni vo Jisu ta o amaqeake Keponeami peuru kale inio kala Romu ala sirula ta o olake tutumazi avole Jisu kasi nio vota ovai zaivotake ni eri kiolake,

Luke 10:15

Ni me Keponeami peuru kale amu mela ta raura kamela ta be kimela kio, melai meta me risailou helid kale!” kiolake.

Luke 14:11

Ako vo Baṉara ta zara o ivou vo o raurarauraivani, melai vota raura o ivou vo o zarazaraivani sole,” kiolake.

Luke 16:23

ni o evosikake voko vilu heli kale, o koake sai matuma tola, ni o tadatake nio o veake vo Ebarahami matu vaṉa vasi, Lazarasi ta voko papara obeta evake.

Luke 4:23

Nio vota eri kiolake sekasi, “Aṉata a melai nianiia me, ta meta eri la kimevou ko aṉa koa podepodeti pesio kale, ‘Dokita ṉa ṉo elou ta, ṉota urikiovi ṉo ṉavi. Ṉota ereka koi ṉo ṉaviko ṉisa peuru kale sai Keponeami ṉo erekema aqasiele ama iruruputo jari ama, ko eṉe ṉe viqema’ la kimevou.”

Iruruputo 2:27

ako ṉota pui ukaka ṉoba ilou voumu ko zaekale sole; ṉota pui ṉoba zarielou aṉa ṉovo tabu ala nabulu lala tu aṉata a japeo niami kale.

Iruruputo 2:31

Devita ta o keve vo Baṉara ko mata saevivo voa Pakio voukale azo ko kilo ama taku kale ama, so sole vota okai pesiovi ko, nio vota so kiolake, ‘Ṉota pui ukaka ṉoba ilou voumu ko zaekale sole; ṉota pui ṉoba zarielou aṉa ṉovo tabu ala nabulu lala tu aṉata a japeo niami kale.’

Jiudi 1:7

Meta kerukeruekomo ko Sodomo ni Qomora peuru ni koko ketaketama peuru poso kale amu se sea mateana ko kalo jaria kalo ke eveni, seke pauvezateni, ni se ke ṉavio kude ke erekateni lasive amu. Seta ke tolaiva koa paito pide ama uza kale koko siqaeko ama se boutare samu, ni kota ko katimela animea kiada mela ko balauvato.

Kelokelozato 1:18

Aṉata noqola saevo a evani lala! Aṉata lula ada vovini lala inio melai erisaṉa ta a jaeva tu noqola saevo a elou latau ṉaniu ni ka ṉaniu. Aṉata pizato salala tu aṉata mata a jaevimou se voumu, ni aṉata pizato salala tu aṉata a jaqorimou se voumu seke piriziakoi kale azo.

Kelokelozato 11:8

ni nioqako tupu ta ko tekuvou koa matu peuru ko keve tona, sai nioqavo Lekasa o vovikoi korosi topi. Koa peuru ko ṉi koko mamola puekako koko ruqe ta Sodomo ni Ijipi.

Kelokelozato 20:13

Ni ko ivere ta ko puratime se voumu sai ke vovini. Vou ni Heli, ta qo puratime se voumu nioqa qo mati vailani. Sea kiadamu ta ke koe koko reketekete se lula ke erekako ruqe ni uri kale avo.

Kelokelozato 6:8

Nio aṉata a veake sai kala daledale ala hose. Ni voa maba vo ovai zazuani voa hose ko ṉi ta Vou, ni Heli, ta mata kala vo sate ala. Nioqata qo koake ko pizato, tu nioqata qo vouvaemo matu kubo maba poso, ariariku maba poso kale azo omaomadeu maba ta qo vouvaemou komia peuru ma peuru kale pazokinio kale, ni luapo kale, ni piru ama biaṉa poso kale.