Matiu 10:5 - BAṈARA KO VAIRU AMA LEVELEVEO

⁵ Ni vo Jisu ta o soroemake sea toni omuqa apositolo madu komia bazu sate ni vota eri kiolake, “Meta pui me ziovou se pui Jiu amu kasi ni pui me ziovou Sameria mu ko peuru poso kale.

Matiu 10:5 Marejeleo ya Msalaba

Matiu 22:3

Nio vota o soroemake voko nabulu madu tu kepa nokaemo se maba madu vo lula o taipazimeni tu ke zio koa ṉojola kale. Melai seta pui keka zariake zio.

Matiu 4:15

“Zebuloni ni Napitalai toutou ko miduku kalea mela toupa kale ko baroako keve kalea mela, sai Jodani ka pake Qalilia mela, sai se pui Jiu amu ke evakoi zamela.

Maka 6:7

Ni vota o nokaemake sea toni omuqa disaipeli madu omadeukoi, ni vota o soroemake se omuomuqa kidi. Ni puliako vo soroemo se vota o katimake ko pizato tu ke reriko ko ziolo poso,

Luke 10:1

Koko tova inio vo Lekasa Jisu ta o pitoemake mata sikeura toni omuqa maba poso ni o soroemake omuomuqa kidi voko kuleto kiadama peuru ni zae poso kale ko mainio o ṉavi opa kai ziovo ama tova ka kiolake.

Luke 10:33

Melai kala Sameriala maba ta obeta taliake sai kude ni o baroake ni o veake vo ni vota o matu roquevake vo.

Luke 17:16

Ni vota o loqunake vo Jisu ko kiti raki kasi ni vota o kasekake voko uriavo. Voa maba ta kala Sameriala maba inio.

Luke 9:1

Ni vo Jisu ta o padoemake sea toni omuqa apositolo ni vota o katimake ko pizato ni zariekato kiadama ziolo poso kai akoeko ko male ama ni vere poso kai urikiko ko.

Luke 9:2

Ni vota o soroemake se tu kekai bazubazuto vo Baṉara ko lekasa puo ni ke urikimo se vere amu.

Jone 17:18

Aṉata lula a joroema se bazuemole komia peuru ma peuru ko maba poso, omadeuvo ṉoṉo ilenia soroelo jari komia peuru ma peuru kale.

Jone 20:21

Ni Jisu ta mata so kiola sekasi, omuqama taku kale, “Bule mekasi. Omadeuvo vo Mama o soroele aṉa jari, aṉata a joroemela me,” kiolake.

Jone 4:20

“Eṉe Sameriamu ṉela ko taite poso ta ke ilusive vo Baṉara komia sopu kale, melai me Jiu amu mela ta Jerusalema ikio koa zae sai anime me ilusivoa koi vo Baṉara kimelani,” kikolake.

Jone 4:5

Ni vota o baroake kama pado Sameriama peuru kale, sai Saika ka kikelakoi, pui vaṉa vo Jekopi lulavo o kativema zae vovo meqora Josepa kasi azo,

Jone 4:9

Nio koa rekoreko ta ko vati tiorikake vo, “Koe ṉoela, ṉota kala Jiu ala ṉa, melai aṉata kama pado Sameriama rekoreko lala—noni ko roveo nio ṉota ṉolai paseka aṉa ko ju?” kikolake. So kai kikovevo ta se Jiu amu ni se Sameriamu ta pui ke lolopareani sole.

Jone 7:35

Nio se Jiu ama tanatanamu ta eri kikelake ke ṉavio kude, “Lai nio vo o ziovoa koi inio animeta pui meba roveovo avo velo vo? Ota ziovou nio se Quriki amu ko matu peuru kale sai Jiu amu ke evakoi, tu opa nianiiekimo se Quriki ama maba poso kio?

Jone 8:48

Nio se Jiu ama tanatanamu ta eri va kikelake vo Jisu, “Eṉe kiṉelani ta tuvevo ikio, ṉota utube ala Sameriala maba ṉa ni oṉai onobatani ṉa kala ziolo!” kikelake.

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

Iruruputo 10:45

Ni se Jiu amu seke tuvevo putani seke kuevini Jopa peuru kale azo Pita sate ta matu aqasiele kekai evake vo Baṉara ko katimo se pui Jiu amu melai voko Tabu ama Auvana.

Iruruputo 8:1

Ni voa Saula ta oka zoleike Sitiveni ko vouvaevo. Ni koa ṉaniu kale inio Jerusalema ama lotu qoqono ta ko tanitake tapata elo ruqe ama naqunaquto kale. Ni kiadamu seke tuvevo putani ta azama buara keta evake koa pado ama Jiudia ni Sameria ma peuru poso kale, melai se apositolo madu ke kiada ta Jerusalema kebeta evake.

1 Tesalonaika 2:16

Se inio mata sea maba poso seke dokoliṉelo eṉe kikeveni kai bazuto kale me pui Jiu mu mela kasi vo Baṉara ko pakio ko borikako bazu. Koa keve kale inio seta ke ereka matuma boutare ko kobe kai paloasako kiadama seko sarueko poso seke erekako kiada keru. Ni kokale inio vo Baṉara ko matuma korakorailo ta vairutu pado kobe mai baroa.