Maka 2:2 - BAṈARA KO VAIRU AMA LEVELEVEO

² Nio matu kubo maba madu ta keta padoivake koa pade kale ni keta sukatake, ni veutu ko kupekupe melai puliama rora. Nio so keru vo Jisu obe kai bazubazuta keru vo Baṉara ko bazu nia maba poso kasi,

Maka 2:2 Marejeleo ya Msalaba

Matiu 5:2

Sai nio vota o taniekake nianiiekimo se, ni eri ma kiolake:

Maka 1:14

Ni Jone Bapitaiso ke pirieva ko tova, nio Jisu ta ota olake Qalili ranama peuru poso kale ni okai bazubazutake vo Baṉara ko Uri ama Bazu.

Maka 1:33

Ni kiadama maba poso koa matu peuru kale amu ta ke padoivake koa pade ko taqo kale.

Maka 1:37

ni so keru seke vea keru vo, seta eri kikelake vokasi, “Ṉoela, kiadamu ta ke vailiṉa ṉo,” kikelake.

Maka 1:45

Melai so keru voa maba o vaita keru, vota o taniekake kai bazubazuto koa kiadama zae poso kale. Ni Sokale avo inio Jisu ta pui o roveake talio maba ko vilu kasa koa peuru poso kale. Melai vota o evake koa peuru poso ko kupekupe, sai maba poso pui ke evakoi, melai sai melai sea maba poso ta kebe vai olaolaitake seke kuevani azaazama peuru poso kale azo.

Maka 2:1

Ni kama ṉaniu poso ko tova inio Jisu ta mata ota vaitake Keponeami, ni kiadama maba poso ta keta va viqake voko bazu, ta vota pade kasi.

Maka 2:13

Ni vo Jisu ta mata ota vaitake Qalili toupa ko keta kale. Ni matu kubo vaki ta kevai kuevake vo, ni vota o nianiiekimake se.

Maka 6:34

Nio so keru Jisu o saqora keru vaka topi azo, vota o meake sea matuma vaki, ni vota o matu roquemake se ako seta puliama vilua pikopiko samu jari sole, omadeuvo ko sipi puliama koko vijaro ko maba sama jari. Nio vota o mati nianiiekikake matu kubo bazubazu.

Luke 12:1

So maqa inio kubo vuro maba ta ke padoivake, ni seta keta matu ibaibaekiniake ni keta jutujutuekiniake, nio eri kiolake vo Jisu kuleto voko disaipeli madu kasi, “Tama balauvomo se Parese madu, ako seta lipalipa kamu sole.

Luke 5:17

Ni omadeu ṉaniu kale Jisu ta o nianiiekatake, nio kake se Parese madu ni se Mosese ko Bazu kekai nianiiekatani ta kebeta papuake sai seke kuevini kiadama peuru poso kale azo Qalili ni Jiudia, ni Jerusalema azo. Ni vo Baṉara ko pizato Jisu tona ko evako kale vota o urikimake se vere amu.

Luke 8:1

Ni kama taku poso ko tova inio Jisu ta o lipilipitake matuma ni silo ama peuru poso kale, ni okai bazubazutake ko Uri ama Bazu vo Baṉara ko lekasa puo ko. Ni sea toni omuqa disaipeli ta ke olake vo sate,

Luke 8:11

Ni vo Jisu ta obeta olake pesio ni eri kiolake, “Komi kio koa podepodeti pesio ko kio ni kalo. Koa rui ta vo Baṉara ko bazu.

Iruruputo 11:19

Ni kake seke tuvevo putani se azama buara ke eveni Sitiveni ke vouvaeve keru ko ereima matuma niumaniumato kale ta ke keve vaṉama peuru ni udu poso kale omadeuvo Ponisia, Saipirasi ni Anitioko, ni seta kekai bazutake ko Uri ama Bazu se Jiu amu kasi pala.

Iruruputo 14:25

Sai nio nioqata qo bazubazutake Peqa peuru kale, ni qota saqorake Atalaea zavaṉa kale,

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 8:25

Nio Pita ni Jone ta qo pikairikake qo ṉavi qo kevema quli vo Jisu o erekema ni qokai bazubazutake Lekasa ko bazubazu, ni koko tova inio nioqata qota vaitake Jerusalema. Ni nioqako zio keru sai nioqata qokai bazubazutake ko Uri ama Bazu Jisu ko kubo Sameria ma peuru poso kale.

Romu 10:8

Koa Riki kikolani ta eri nio; “Vo Baṉara ko bazu ta ṉoko sipole, kota ṉoko suto kale ni ṉoko bulo kale ama tuvevo puto kale” —kota ko kaseka koa oqu ko bazu ko eṉe ṉeqai bazubazutako.

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.