Luke 23:38 - BAṈARA KO VAIRU AMA LEVELEVEO

³⁸ Ni voko lezu ko topi vasi o korosi topi ta ke patoekake riki sama papani eri kikolako pesio sama, “Nei nio se Jiu amu vo Aikovakova,” kikolako.

Luke 23:38 Marejeleo ya Msalaba

Matiu 2:2

Nio seta eri kikelake, “Lai nio voa meqora se Jiu amu vo aikovakova o elo ala o alilakoi? Ako eneta lula ṉe qeve voko alilo ko mamola puekako suti ṉaniu ko peatakoi vasia rana, nio eṉeta ṉe queva tu ilusivole vo,” kikelake.

Matiu 27:11

So maqa vo Jisu ta o lojoake vo Paelati Romu ala Qavuna ko tanama kale, ni vo Paelati ta o kuimaevake vo ni eri kiolake, “Ṉo inio se Jiu amu vo Aikovakova ṉa kio?” kiolake. Nio Jisu ta o vati tiorikake ni eri kiolake, “Tuvevo ṉo kiṉolani jari,” kiolake.

Matiu 27:37

Ni seta ke vaeke ka pado bazu, ko quli se kevai kuirikako, voko korosi topi. Ni koa bazu kikolani ta eri, “Nei nio vo Jisu se Jiu amu vo Aikovakova.”

Maka 15:18

Sai kazo inio kevai balebaleitake rauraevo ni eri kikelake, “Raurai, se Jiu amu vo Aikovakova ṉa!” kikelake.

Maka 15:26

Ni seta ke vaekake ka pado bazu, ko quli se kevai kuirikako, voko korosi topi. Ni koa bazu kikolani ta eri, “Se Jiu amu vo Aikovakova.”

Maka 15:32

Sole uri tu me velo nea Baṉara o soroevani Pakio se Izireli mu vo Aikovakova o saqorou ta koa korosi topi azo erisaṉa, so inio tuvevo me ivou!” kikelake. Ni omuqa kuilokuiloa nioqa ke patoekeni nioqa Jisu sate nioqako omuqa korosi topi melai qo ruqeruqe kasevake vo.

Luke 23:3

Nio vo Paelati ta o kuimaevake vo, “Ṉo inio se Jiu amu vo Aikovakova ṉa kio?” kiolake. Nio Jisu ta o vati tiorikake ni eri kiolake, “So ṉo kiṉolani tisoiko,” kiolake.

Jone 19:3

ni seta ke kuevake ni eri kikelake, “Raurai se Jiu amu vo Aikovakova ṉa!” kikelake. Ni seta ke pazovake vo.