24 “Meta matu madoekomo tu kai amaqeomo ko riro ama veutu, koko odiemelo ama me noqola kama saevo kale, ako kubo maba madu ta tuvevo ke madoekou tu amaqeo sai, melai seta pui kepa roveovou.
“Ko tanitanila kale Jone o bazubazute keru ti kobeta baroa vairutu ta koa nianiiekato vo Baṉara ko lekasa puo ko ta ke kanaekake ni keka zariake niumaeko.
Ni voko talio kale inio kala maba se azo ta o kuimaevake vo ni eri kiolake, “Lekasa, kama poso maba madu pala inio ke pakiovo amu?” kiolake. Nio Jisu ta o mati tiorikake se ni eri kiolake,
So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.
A matu roquemelani lolo poso mela, puliako tu keu aṉata a vaemelou me. Ni meta me vaililou aṉa, melai erisaṉa aṉata a melai bazuekou ko quli se Jiu ama tanatanamu lula amai bazuekema quli, ‘Meta pui meba roveovou zio sai aṉa a ziovoa koi.’
Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.
Nio Jisu ta mata eri kiolake sekasi, “Aṉata a vaemelou ni ada ziovou, ni meta me vaililou aṉa, melai meta pui meba lelou aṉa ni meda vouvou meko sarueko poso sate. Meta maba pui meba roveovou zio sai aṉa a ziovoa koi,” kiolake.
Seta pui ke vakakukake koa keve vo Baṉara omai sidopu puekako se maba madu o ṉaviko kelokelozato kale, melai seta kekai zariake sidopu elo ke ṉaviko kalo ko lulueko kale, ni seta keta lupaovake sidopu elo vo Baṉara o pitoekako keve kale.
So sole lolo poso, Baṉara ta o nokaemele ni o pitoemele me tu o ṉavi kaqe. Sole meta matu madoekomo ni kasa ikomo ta me inio voko tuvevo ama pitopito ama maba poso mela. Ni meta me erekou ko quli ta meta maba pui meba pialou.