Luke 12:48 - BAṈARA KO VAIRU AMA LEVELEVEO

⁴⁸ Melai voa nabulu vo pui okai nianiiani vovo lekasa oka zariako quli, melai vota o erekou kama quli sarusaru ama, vota o koqotailou silo ama koqotato kale. Vo matuma koidi o koani vo Baṉara kasi azo ta ota vai zariovou vo Baṉara matuma zoripato, omadeuvo vo kubo quli o ṉeamukani ta keta va pasekou kubo quli jari.

Luke 12:48 Marejeleo ya Msalaba

Matiu 13:12

Ako voa maba vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio kobe evako vo tona.

Matiu 23:14

“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako me inio meda ma bibizikani mela naboko poso ko pade poso meko ubeubemo kale, ni koko tova me inio meqai lipalipaitani mela ko rosi ama vararaito ubutiania tu maba madu ta ke mela lelou pala!

Luke 12:41

Ni Pita ta eri kiolake, “Lekasa, eṉe disaipeli madu ṉela inio ko kaseṉela komia podepodeti ma kiada ṉela ko ikio ṉo qaseka kio?” kiolake.

Luke 12:49

“Aṉata a quevi vaekole ko uza komia peuru ma peuru, ni aṉata aqa matu zaria tu kota taukavole ko baino!

Luke 16:2

So sole voa lekasa ta o odievake voa vailo ko maba ni eri va kiolake, ‘Noi nio ko quli aṉa ṉo ada ṉa viqako? Kati kua ko iruruputo ko buka tu korotika ataeko, ako ṉota ṉo baika aṉavo vailo ko maba elo erisaṉa sole,’ kiolake.

Jone 15:22

Ni aṉata pui aba kuevi bazubazuemole se tea, seta puliama sarueko samu inio. Melai erisaṉa ta lula a bazubazuema se ni seta pui kepa kamikou seko sarueko.

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

1 Timoti 1:11

Koa nianiiekato ta ikoana ko Uri ama Bazu kale Baṉara o katilema aṉa tu aqai bazubazuto, koa Uri ama Bazu vo ṉaṉaidara ni mauruto sala Baṉara ko.

1 Timoti 1:13

rouka ruqe kasevo abe eve vo lulavo ni abe niumaniumaeve vo aṉako ruqe imo kale voko maba madu. Melai animevo Lekasa Jisu ta o matu roquele aṉa ni ota la akoeke ko, ako so keru ta aṉata pui nio avai oquke vo sole ni pui nio aqai nianiiake ko aṉa a erekema quli ta ruqe ama kio sole.

1 Timoti 6:20

Timoti, ṉota mana vailo kati eve ko lotu kale ama nianiiekato ko lula ṉoqai nianiiako. Ṉota taka lapase koa kasekasezato sama pesio ko pui ko kasevako vo Baṉara, ni taka lapase koa sarube ama aivekinio kake maba poso “Nianiio” ka kikelako seko saruilo kale.

Taitasi 1:3

ni koa tutututuki ama taku kale vota kasa o ikake voko bazu kale. Ko ikio koa Uri ama Bazu vo Baṉara animevo Pakio o katilema aṉa tu aqai bazubazuto.

Jemisi 3:1

A lolo poso mela, pui uri tu kubo mela ta lotu kale ama nianiiekato ko maba poso elo. Ako meta meqai nianiia ta eṉe lotu kale ama nianiiekato ko maba poso ṉela ta ṉe qovou ko Baṉara ko matuma kuiripato kokai paloasako se pui nianiiekato ko maba poso ke kovo ama, ruqe ṉe erekou ta.