Luke 1:17 - BAṈARA KO VAIRU AMA LEVELEVEO

¹⁷ Vota o ziovou vo Lekasa ko kuleto, Baṉara ko piza kama Auvana sala omadeuvo vo poropita Ilaija jari. Vota mata o tova odouvimou se mama poso ni se meqora poso; ni vota o lilimou se bikobikoirato ko maba poso se sidopu amu ko nianiiekato kasi, ni vota inaina kamu o imou kama qoqono vo Lekasa kaqe,” kiolake vo Baṉara vo mateana.

Luke 1:17 Marejeleo ya Msalaba

Matiu 11:14

Ni meta me duvevo puekou se kikovevo, ta nea Jone inio ke kaseveni seko eri kio kale, ‘Vo Ilaija ta mata ota vaitou,’ va kikeveni.

Matiu 14:4

Eri sole inio o ereke ko quli: Vo Jone Bapitaiso ta pui o lalamatake bazuevo vo Herodi ni eri kiolake, “Kota pui korokoroti ikio ṉota ṉoda va raeka ṉovo kaka ko reko,” kiolake.

Matiu 3:3

Jone Bapitaiso inio voa maba vo poropita Aisea o kaseveni vo eri va kioveni, “Kala maba ta o velavelaova lealea kama zaekale matuma kora kale, ‘Meta va inainaekomo vo Baṉara ko keve, ni sare ikomo koa keve sai vo o taliovoa koi,’ ” ka kiovema.

Matiu 3:4

Vo Jone ko sabosabo ta kameli ko toukale ke erekema ni vota okai bibuliovini tabarioma tupu biaṉa ko, ni voko sailao ta sesekalau ni piru ama variqore ko epa.

Luke 1:16

Vota o vaitoemou matu kubo Izireli ama maba madu vo Baṉara sevo Lekasa kasi.

Luke 1:76

“Ni ṉo aṉavo meqora ṉa, ta vo Matu Raura kala Baṉara vo poropita keṉai nokaekou. Ṉota ṉo elou puliako vo Baṉara ko pakiezato elo ni ṉota ṉova inainaekou voko keve,

Jone 1:13

Seko Baṉara ko meqora poso elo ta pui dara ni tupu kale ama alilo kale pala, ni pui kala miduku kale ala mama ko alilimo kale, melai vo Baṉara inio sevo Mama.

Jone 1:34

Aṉata lula a veve vo, ni aṉata a bazuemela me ta vo inio vo Baṉara vo Meqora,” kiolake vo Jone.

Jone 3:28

Meta me viqe aṉa kiavevo, ‘Aṉata pui vo Baṉara o soroevani Pakio lala’ pa kiave, ‘melai aṉa inio a joroini lala kuleto vo puliako kilo,’ inio kiavevo!

Iruruputo 10:33

So sole aṉata a joroemala se ṉokasi maba koa taku kale, ni matu uri ṉota ṉo rovela kilo. Nio erisaṉa ta eṉea kiada ṉela ta ṉebeta eva koi vo Baṉara ko tanama kale ṉebe tareka tu ṉe viqo ko quli vo lula oṉai bazuekako ṉo tu ṉo ṉelai bazuekou eṉe,” kiolake.

Romu 9:23

Ni vota mata oka zariake kasa iko voko ṉaṉaidara ko pui ko lalamatake, koko taloima anime kasi anime me qoeni mela voko akoekato sama roquano, ni anime mata o inainaemeleni mela tu me zomanou voko ṉaṉaidara kale.

Kolosi 1:12

Ni meta kativomo meko uriavo vo Baṉara animevo Mama, ako vota lula o malezimela me tu meta me qovou meko kena koa uri ama quli ko lula ko inainaivako tu voko maba madu mela kaqe vo Baṉara ko zakaremu kale me evani mela.

2 Timoti 2:21

Voa lotu maba vo o saqaivani o ṉavi kiadama koa ruqe ama quli aṉa abe kasekako kale azo, ta kala maba qulepo ala vo Baṉara ovai iruruputo ala matuma quli kale, omadeuvo koa qolo ni siliva kama lomaloma jari, ako vota lula tabu ota eva vovo Lekasa ko iruruputo kaqe, ni lula o inainaiva tu vota o ereko kiadama uri ama iruruputo sole.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

Kelokelozato 20:4

Sai nio aṉata a qeake kama lekasa ko papupapu poso, ni sea maba poso sai ke papuani; seta ke koake ko titizato ko pizato tu seta ke ereko ko titizato. Ni aṉata mata a qeake seke lezuemeni maba poso ko auvana se kekai bazubazuteni koa tuveano vo Jisu o puratikema ni vo Baṉara ko bazu. Se pui kepa ilusiveni vo biaṉa ni voko beku, ni se pui kepa koeni vo biaṉa ko mamola seko kape poso topi ni seko ṉase poso topi. Se inio ke saeve ni aikovakova poso ke eve ni ke lekasa puake vo Karisito sate omadeu vuro sabere ko tiania.