Kolosi 4:2 - BAṈARA KO VAIRU AMA LEVELEVEO

² Pui lalamato vararaito vo Baṉara kasi meko zakaremu ama kerukeru kale, ni meta kativomo meko uriavo vo Baṉara.

Kolosi 4:2 Marejeleo ya Msalaba

Matiu 26:41

Meta vailomo ni vararaitomo nio pui me amaqeovou zolizolito kale. Ako meta meqai zaria ereko ko sidopu, melai meta lekuleku ama maba poso mela.”

Maka 13:33

So sole meta vailomo ni inainaomo, ako meta pui meqai nianiia sole koa taku ko barolou keru.

Luke 18:1

Jisu ta omai bazuekake voko disaipeli madu kama pado podepodeti tu o nianiiekimo tu seta ke vararaito kiada keru, ni pui niaba ke elou.

Luke 21:36

So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.

Iruruputo 1:14

Seta ke padoiva mati ni ke vararaita omadeu poukale, rekoreko sate ni Mere Jisu ko niania ni voko visi poso sate.

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

Pilipai 4:6

Ni meta pui tiṉoliṉoli ka elo kama quli, melai kiadama meko vararaito kale meta pasekomo vo Baṉara kasi ko quli me meqai zariovo ama quli meko uriavo sama bulo sate.

Kolosi 1:9

Sokale avo inio eqeta qe melati vararaita me vo Baṉara kasi so keru qeta mela viqe keru azo meko bazu, qe paseva tu meta meqai uria nianiiovou voko vatolo kiadama voko auvana kale ama nianiio ni paqumato kale, vo o katimelako me.

Kolosi 2:7

Meta rakimatomo ni vinaekomo meko saevo vo tona, ni pizatomo meko oqu kale, ko lula me viqema nianiiekato jari. Ni meta kativomo vo Baṉara meko uriavo kiadama quli kale.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.