Kolosi 3:4 - BAṈARA KO VAIRU AMA LEVELEVEO

⁴ Vo Karisito inio mevo tuvevo ala saevo, ni so keru vo o puratou keru inio me melai me zomanou kovo voko ṉaṉaidara vo sase.

Kolosi 3:4 Marejeleo ya Msalaba

Matiu 13:43

Ni vo Baṉara ko maba madu ta ke simanamanatou ṉaniu jari sevo Mama ko lekasa puo kale. Meta paqumukomo ko quli meme viqako quli!” kiolake vo Jisu.

Luke 17:30

So jari pado inio ko kalo avo aṉa maba a eveni lala kasa a elou keru.

Jone 11:25

Nio Jisu ta eri kiolake kokasi, “Aṉa inio ko tuvevo ama saevo ni voukale azo ama mata saevo lala. Vo o tuvevo puelani aṉa ta o saevou, vota o vouvou melai mata o saevou,

Jone 14:3

Nio aṉa lula a mela inainaekou koa zae Saita inio aṉata a vaitou ni aṉata a odiemelou ni a baroekimelou me a ṉavi kasi, tu meta me elou sai aṉa a eloa koi.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 17:24

“Mama! Ṉota lula ṉo qatile se aṉako maba poso, tu seta ke varolo aṉa, ni aṉata ama zaria se tu sai aṉa a eloa koi inio ke elou, tu seta ke kelou aṉako ṉaṉaidara, koa ṉaṉaidara ṉoṉo qatilema aṉa, ako ṉota ṉo roquele aṉa puliako ṉo ereko ko peuru ma peuru sole.

Jone 20:31

Melai aṉata a rikieka komia buka kale ama quli tu meta me duvevo puekou vo Jisu inio vo Baṉara o soroeveni Pakio kio, vo Baṉara vo Meqora, ni koa tuvevo puto kale meta me qovou ko tuvevo ama saevo voko ṉikale.

Iruruputo 3:15

Ni meta me vouvaeve vo vo tuvevo ama saevo kale o odikatani, melai vo Baṉara ta o saevive vo voukale azo, ni eqeta qe veake vo voko tova saevo kale.

Romu 8:18

Aṉata tuvevo a ika ta komia taku keru ama tola anime meqai evako ta pui voko ṉaṉaidara jaria pizato ama ko kasa ko elo ama anime kasi.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

1 Koriniti 1:7

Sokale avo inio meta pui nieu meqai eva kovo kiadama katizato poso Tabu ala Auvana kasi azo ama, komia taku keru so keru meme dareva keru vo animevo Lekasa Jisu Karisito kasa o elou keru.

1 Koriniti 15:43

So keru ko tupu ko mutaiva keru kota ruqea kelo ama ni lekuleku, melai so keru maba mata o saevou keru vota olaupo ama ni piza kama tupu saṉa o elou.

2 Koriniti 4:17

Ni eṉeko komia silo ama ni puju ama tola poso ikio ko odieṉela eṉe matu ṉaṉaidara kama reketekete kale, koa matuma ni paito pide ama reketekete, ko silo jaria kelo ko ikako koa kiadama tapata poso.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Pilipai 3:21

Ni vota o besiekou animeko lekuleku ama tupu, ni vota o ṉaviko ṉaṉaidara kama tupu jari o imelou anime. Vota o erekou ko quli voko pizato kale, koa pizato vo okai lekasa puako kiadama quli kale.

1 Tesalonaika 4:17

ni anime mebeta saevoa mela koa taku ta me badoilou se sate leikale tu me doraevo vo Lekasa Jisu okale.

1 Timoti 6:14

tu ṉota zorika ṉoko soru poso ni ṉo qati vailou ti kobeta barolou koa ṉaniu kale so keru animevo Lekasa Jisu Karisito o puratou keru.

2 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara ko vatolo kale, a joroini lala tu aqai bazuto vo Baṉara lula leveleveo o ikema saevo ko anime me qoako animeko omadeu vati elo vo Jisu Karisito kale.

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

Taitasi 2:13

ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Pita 5:4

So inio meta me qovou koa ṉaṉaidara kama mamola ko pui kopa niumailo ama, Jisu animevo Raura kala Vailo ko Maba o katimelo ama vo o vaitou keru.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

1 Jone 3:2

A baerebaere poso, erisaṉa animeta vo Baṉara ko meqora poso mela. Ni kota pui nio kasa ko eva noi nio anime me elo avo tova, melai animeta me rovea kai nianiio vo Karisito o vaitou keru animeta vo jari me elou, ako me uria velou vo sole voko tuvevo ama elo kale.

1 Jone 5:12

Vo o ṉeamuvo ala vo Meqora nio o kovou koa saevo. Melai voa maba vo pui o ṉeamuvo ala vo Baṉara vo Meqora ta pui opa kovou koa saevo.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;

Kelokelozato 2:7

“Uri tu meta paqumukomo meme viqako quli vo Tabu ala Auvana kiolani sikeura lotu qoqono poso kasi! Seke koqotaeko amu ko ruqe inio aṉata a qatimou ko zariekato tu ke kuo koa ore noqola kama saevo ko puarikako ko epa koko qotupako vo Baṉara ko aukale ama kiaro kale.

Kelokelozato 22:1

Ni vo mateana ta mata ola kasekake aṉa ko noqola kama saevo ko katimako orori ko ju, koko saqorako qelasi jaria simanamana kama Baṉara ni Sipi Meqora ko papupapu kasi azo,

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.