Kolosi 1:7 - BAṈARA KO VAIRU AMA LEVELEVEO

⁷ Kota lula meqai nianiiovi vo Epaparasi kasi azo. Vota kala pado eqe kale ala qe matu roquevani nabulu, ni vota ova uria nabuluputani vo Karisito eqeko iruruputo ko tauveko kale.

Kolosi 1:7 Marejeleo ya Msalaba

Matiu 18:29

Melai nea maba ta ota iqeiqeake kuleto ala pado maba ko tanama kale ni ota ziake ni eri kiolake, ‘Ṉota roquela aṉa ni katila mata kama taku tu aṉata a besiekou ṉoko lipulipu,’ kiolake.

Matiu 24:45

Ni Jisu ta mata eri kiolake, “Sole lala inio kerula kala ni nianiiola nabulu? Vo raura o iveni vovo lekasa, tu o mati vailou koa pade kale ke iruruputani ni oma puarikou ko sailao koa korokoroti ama vuato ko taku kale.

Matiu 25:21

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

1 Koriniti 4:2

Ko quli koka zariako quli nabulu poso kasi ta seta kerula kamu ke elo seko lekasa madu kasi.

1 Koriniti 7:25

Zio, ko quli me lula me rikiekake se pui ke rorotani reko poso kale avo, ta puliama bazu ada ka koa vo Lekasa Jisu kasi azo. Melai aṉata a melai bazuekou aṉako kerukeru, ni vo Baṉara ko roquelo kale aṉata a male tu lai kerumo.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

Epesasi 5:21

Ni meta zorikiniomo muli ako kokale inio meta meda va paṉaovou sole vo Karisito.

Pilipai 2:25

Vo Epaparoditasi ta aṉavo visi Karisito kale. Vota o iruruputani ni o nabuluputani aṉa sase tu eqeta qeva pazokinio vo Karisito. Ni aṉata avai zariovi nio meta me joroeve tauvelole aṉa sole aṉata mata a vaitoeva mekasi.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

Kolosi 4:7

Vo Tikikasi, animevo lotu tamania kale ala, vo eqe qe roquevani kala pado kerula kala eqe kale ala nabulu vo Lekasa ko iruruputo kale, vo inio o melai bazuekou kiadama quli aṉa a erekako.

Kolosi 4:9

Aṉata a joroeva vo Onesimasi vo sase, vo eqe qe roquevani kerula kala eqeko tamania kale ala. Vota kala pado mekale ala. Nioqa inio qo melai bazuekou me kiadama quli koko ereivako koi.

1 Timoti 4:6

Ṉota katima komia bazu poso sea lotu tamatamania, nio ṉota kala uri ala Jisu Karisito vo nabulu ṉa, ṉo ṉavi ṉo bizatiani ṉa ṉoko auvana kale koa oqu ko pesio kale ni tuvevo ama bazu kale ko ṉoṉo luluekako.

2 Timoti 2:2

Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

Pilimone 1:23

Vo Epaparasi, vo aṉa sase obeta evani pirito pade kale voko Jisu Karisito va nabuluputo kale, ta o soroeka voko roquano ṉokasi,

Hiburu 2:17

So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

Hiburu 3:2

Vota kerula kala Baṉara kasi, vo o pitoeveni tu o ereko koa koidi, omadeuvo vo Mosese kerula ereko o eve jari voko iruruputo Baṉara ko qoqono kasi.