Kolosi 1:12 - BAṈARA KO VAIRU AMA LEVELEVEO

¹² Ni meta kativomo meko uriavo vo Baṉara animevo Mama, ako vota lula o malezimela me tu meta me qovou meko kena koa uri ama quli ko lula ko inainaivako tu voko maba madu mela kaqe vo Baṉara ko zakaremu kale me evani mela.

Kolosi 1:12 Marejeleo ya Msalaba

Matiu 25:34

Ni aṉa voa Lekasa lala ta eri kiavou sea maba poso aṉako palo rana mu kasi, ‘Me inio aṉavo Mama mauru o imeloa mela, sole meta kuemo tu vo Baṉara inio o katimelou voko lekasa puo ko mauruto, ko o mela inainaekema puliako komia peuru ma peuru ereilo.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 20:17

Nio Jisu ta o bazuekake ko, “Ṉota pui kamalo aṉa, ako aṉata pui nio a qoiva a Mama kasi sole. Melai ṉota sidopu avole ola aṉako disaipeli poso kasi tu pa lai bazute sekasi, ‘Aṉata ada koilou inio vo aṉavo Mama ni mevo Mama kasi, vo aṉavo Baṉara ni mevo Baṉara kasi,’ ” kiolake.

Jone 4:23

Melai ko taku ta kobeta kueva, ni kota lula kota barola, se tuvetuve ama ilusato ko maba poso ta ke ilusivou vo Mama seko auvana kale ni tuveano kale. Se inio sea ilusato ko maba poso vo Mama oma zariani tu ke ilusivo vo.

Iruruputo 20:32

“Ni erisaṉa aṉata a vaemela me vo Baṉara ko vailo kale tu voko tauvezato sama roquano ko bazubazu ta ko melati vailou me, ni ko pizatimelou me ni ko katimelou me koa reketekete vo Baṉara oma inainaekake kiadama voko tabu ama lotu maba poso.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 11:17

Kama kata poso koa mabamaba kama Olive ore ko ta kota lopai ni kama piru ama Olive ore ko kata ta kota nasoi ko tona ni Baṉara ta o qotupike. Ṉo pui Jiua laṉa inio koa piru ama Olive ore ko kata jaria laṉa ṉoṉo nasoivani ṉa vo Baṉara ko mabamaba kama Olive ore topi tu ṉo qovo voko matuma mauruto.

Romu 15:27

Ke ṉaviko vatolo kale inio ke ereke ko; melai koko tuveano ta seko koidi ikio tu ke tauvemo se. Ako se Jiu amu ta lula ke puarike ko Auvana kale ama mauruto se pui Jiu amu kasi, so sole se pui Jiu amu ta ke male puariko ko lomaloma ko mauruto tu ke tauvemo se Jiu amu.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

Romu 9:23

Ni vota mata oka zariake kasa iko voko ṉaṉaidara ko pui ko lalamatake, koko taloima anime kasi anime me qoeni mela voko akoekato sama roquano, ni anime mata o inainaemeleni mela tu me zomanou voko ṉaṉaidara kale.

1 Koriniti 8:6

so melai animevo Baṉara ta omadeu pado inio, animevo Mama. Vo inio o erekeni kiadama quli ni animeta me jaeva vo kaqe. Ni animevo Lekasa ta omadeu pado inio, Jisu Karisito. Vokale inio ko erei kiadama quli ni animeta me jaeva vokale.

1 Koriniti 9:23

Aṉata a ereka koa kiadama tu ko Uri ama Bazu ta ko aerou, tu se sase aṉata aqai zomanou kovo koa mauruto poso koko kuevako seke luluekani koa Uri ama Bazu kasi.

2 Koriniti 11:14

Zio, pui aqasiele ama quli! Ako o ṉavi vo Setani ta o roveani edolovo elo tu kala zakaremu ko mateana jaria velo o elo!

2 Koriniti 5:5

Vo Baṉara nio vo lula o inainaeṉelani eṉe koa besizio eṉe ṉe elo avo kale, ni vo inio lula o katiṉelani eṉe voko Auvana omadeuvo koko mamola jari koko tuvevo pueko ama voko ṉela besieko eṉeko tupu.

Epesasi 1:11

Ni vo Karisito kale inio animeta me bitoi tu vo Baṉara ko maba poso me elo. Vo Baṉara ta lula o vatoeke tu animeta voko maba poso me elo, ako so inio vo oka zariani sole. Ako o ṉavi Baṉara inio o korotikani kiadama quli o ṉaviko vatolo kale sole.

Epesasi 1:18

Ni aṉata a melati vararaita, tu vo Baṉara ta zakaremu o mela ikou voko tuveano. So inio meta meqai keruvou meko kovo ko uri ama quli vo Baṉara leveleveo o mela ikema tu vota o katimelo. Ni so inio mata meta meqai nianiiovou koa mauruto vo Baṉara leveleveo o ikema voko maba madu kasi koa aqasiele ama ni ṉaṉaidara kama.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Epesasi 4:6

Ni omadeu pado inio vo Baṉara kiadakiadama quli vo Mama, vo o kati vailani kiadama quli, ni vota kiadakiadakoi ni kiadama quli kale o evani.

Epesasi 5:11

Melai meta pui me erekou ko quli se kutumana kamu ke erekako quli, ako ko quli ta pui ko tauvezatako quli sole. Melai erekomo uri ama quli tu kasa ko iko se kutumana kamu ke erekako quli ta sarusaru ama.

Epesasi 5:20

Ni vo Lekasa Jisu Karisito ko ṉikale meta kativomo meko uriavo kiadama quli kale avo vo Baṉara animevo Mama.

Epesasi 5:4

Ni so jari meta pui me qovasa putou me ṉavio kude, ni pui me rukuekou sarube ama pesio ni pui meqai bazutou kuna kama balebaleito pesio ako komi quli ta pui kopa melati mabuvou sole. Melai meta me qativou meko uriavo vo Baṉara.

Epesasi 5:8

Ako koko paloasako taku kale meta kutumana kamela, melai erisaṉa meta animevo Lekasa ko zakaremu kalea mela. Ako ko zakaremu ikio ko kati kuevi sole kiadama uri ama ni sidopu ama ni tuveano sama kalo. So sole meta saevomo se zakaremu ko maba poso ko malezikako saevo kale.

Kolosi 2:2

Sokale avo inio aṉata so a qava tu meko bulo poso ta ko zuvariovou, ni meta omadeu me elou roquano kale, tu meta me uria paqumukou ko meme duvevo puekako quli. So inio meta mevai nianiiovou vo Baṉara ko mutamuta kale ama kerukeru kale o eveni, vo erisaṉa Baṉara kasa o ivani, vo inio vo Jisu Karisito.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 12:23

Meta lula meqai baroa koa lotu qoqono kasi sai kiadamu ta kaka kala meqora jari ke evakoi, se Baṉara ota ma rikiekeni seko ṉi poso aukale ama buka kale. Meta lula meda baroa Baṉara kasi vo o pitasimo ala kiadama uri ama maba poso se ruqe amu kasi azo. Meta lula meqai baroa koa zae sai se sidopu amu ko auvana poso vo Baṉara lula o korotimakoi.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Jemisi 3:9

Lenio kale inio animeta me ilusiva vo animevo Lekasa Mama ni lenio kale inio me ruqe kaseva vo maba, vo Baṉara o ereveni o ṉaviko ereere kale.

1 Pita 5:1

Me lotu qoqono ko vilua pikopiko madu mela, aṉata aqa zaria melai bazueko me kama quli aṉako pado ama bulo sate. Ako aṉa melai kala vilua pikopiko lala ni aṉa inio a qeveni lala vo Karisito ko tola ni vou sole. Ni aṉa inio mata aqai zomanoa lala voko ṉaṉaidara vo Karisito o vaitou keru. Nio aṉa inio a bazuemela me

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

Kelokelozato 21:23

Ni koa matu peuru ta pui kokai zaria ko ṉaniu ni kaboso ta kokai talolo, ako vo Baṉara ko ṉaṉaidara ta kokai taloake ko, ni vo Sipi Meqora ta koko juke ota ka evake sole.

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.

Kelokelozato 22:5

Sai ta puliama ipu kopa elou, ni seta pui kepa ka zariovou ko juke ni ṉaniu ko zakaremu, ako vo Baṉara sevo Lekasa inio sevo zakaremu o elou, ni seta aikovakova ke elou latau ṉaniu ni ka ṉaniu.