Jone 8:51 - BAṈARA KO VAIRU AMA LEVELEVEO

⁵¹ Tuvevo avole aṉata a bazuemela me, vo o zoriko ala aṉako bazubazu ta pui opa vouvou,” kiolake.

Jone 8:51 Marejeleo ya Msalaba

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Luke 2:26

ni vo Tabu ala Auvana ta ovai puratikake vo ta vota pui opa vouvou melai vota o velou kuleto vo Baṉara o soroevo ala Pakio.

Jone 14:23

Nio Jisu ta o vati tiorikake vo, “Vo o roquelani aṉa ta o zorikou aṉako nianiiekato. Ni aṉavo Mama ta o roquevou vo, ni aṉavo Mama ni aṉa ta qe kilou vokasi ni qe elou vokasi.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

Jone 17:6

“Aṉata lula kasa a iṉa ṉo nia poqala maba poso kasi, se ṉoṉo qatileni komia peuru ma peuru ko maba poso kale azo. Seta lula ṉoko madu, ni ṉota ṉola puarime aṉa. Seta ke zorika ṉoko bazu,

Jone 5:24

“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.

Jone 6:50

Melai voa bereti vo o saqoreni aukale azo o vuovo ala ta pui opa vouvou.

Jone 8:12

Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

Jone 8:52

Nio ko quli ke viqake se Jiu ama tanatanamu nio eri kikelake vokasi, “Vairutu ta maba ṉe duvevo pueṉa ta ṉota kama pado ziolo salaṉa! Ebarahami ta lula ota vovi, ni se poropita madu melai lula keta vovi, melai ṉota eri kiṉola, ‘Vo ota la zoriko ala aṉako bazubazu ta pui opa vouvou,’ kiṉola!

Jone 8:55

Meta maba pui me baqumuva vo, melai aṉata avai nianiia vo. Melai aṉata pui avai nianiia kiala tea, aṉata kala lipalipa kalala inio, me jari. Melai aṉata avai nianiia vo ni a zorika voko bazu.

Hiburu 11:5

Oqu kale inio Inoke ta pui opa vovi, melai Baṉara ta o koivieve vo saevola aukale. Puliala ta mata opa veve vo, ako Baṉara ta o koivieve vo aukale sole. Tabu ama Riki kikolani ta puliako Inoke vati koilo, vota o zoleve vo Baṉara.

Hiburu 2:9

Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.