Jone 8:15 - BAṈARA KO VAIRU AMA LEVELEVEO

¹⁵ Meta me ereka ko titizato maba ko erekako titizato kale, melai aṉata puliala a ditiziva ko meme erekako titizato kale.

Jone 8:15 Marejeleo ya Msalaba

Luke 12:14

Nio Jisu ta o vati tiorikake vo ni eri kiolake, “Baerebaere, puliala inio opa katileni aṉa koa pizato tu aṉata a ditiziko ma a qela pitasiko qe koa vikuvikula puaro.”

Jone 12:47

Kala vo o viqani aṉako bazubazu melai vo pui o zorikani ko, ta pui aṉa inio aba titizivou vo. Ako aṉata pui aba kuevi tu titizimole se maba poso sole, melai pakiemole se.

Jone 18:36

Nio Jisu ta eri kiolake, “Aṉako lekasa puo ta pui komia peuru ma peuru kale ama, melai kota komia peuru ma peuru kale ama tea, se aṉako nabulu poso ta ke pazokinio inio, tu ke tauvelo aṉa se Jiu amu aṉa ko pirielo kale azo. Melai aṉako lekasa puo ta edolokoi zama,” kiolake.

Jone 3:17

Vo Baṉara ta pui opa soroele aṉa vovo Meqora lala komia peuru ma peuru kale amu kasi tu a ditizimo se, melai vota o soroele aṉa tu seta ke pakiovou aṉa kale kude.

Jone 7:24

Epezomo pitasiko ko sidopu ni ruqe topi ama kalo kale, melai pitasikomo sidopu ama pitasato kale,” kiolake.

Jone 8:11

“Puliala, tanala,” kikolake. Nio Jisu ta o kati tiorikake ko, “Uri, aṉa melai pui aṉai kuirika ṉo, melai ola ni pui mata tova sarueko ṉo elou,” kiolake.

Romu 2:1

Melai ṉoṉo ditizimani ṉa se edolomu koa ruqe poso kale ta pui ṉoba taka zoliovou, ko ṉota kala pado ṉa inio sole. Ako so keru ṉo ṉobe titizima keru se, ṉo melai ṉobe ereka soama iruruputo seke erekako jari ama, ṉota ṉoda kuirizia inio ṉo ṉavi.

1 Koriniti 2:15

Melai vo lula o koani ko Auvana, ta kokale o rovea titiziko kiadama iruruputo tu ota ka kelo koko uri ma ruqe; melai puliala maba ta opa titizivou vo.

2 Koriniti 5:16

Sokale avo inio eṉeta pui mata ṉeba tova podetimou se maba poso komia peuru ma peuru ko podepodeti kale. Omadeuvo vo Karisito ṉe ivevo jaria podetivo komia peuru ma peuru ko podepodeti kale lulavo, melai erisaṉa ta pui soa kerukeruevo ṉe eva.

Jemisi 2:4

Sokale meta kuirikuiria mela meko tama paṉao kale kake pala meko ruqe ama kerukeru ko pitoto kale.