Jone 4:48 - BAṈARA KO VAIRU AMA LEVELEVEO

⁴⁸ Nio Jisu ta eri kiolake vokasi, “Puliala me azo ta opa tuvevo putou puliako me kelo ko aqasiele ama iruruputo,” kiolake.

Jone 4:48 Marejeleo ya Msalaba

Matiu 16:1

Ni kake Parese madu ni Sadiusi madu ta ke olake Jisu kasi ni keka zariake zara ivo vo Jisu seko madoevo kale, so sole seta ke soroevake vo tu oma ereko ko aqasiele ama iruruputo, tu seta tuvevo ke iko ta vo Baṉara ta ovai zoleiva vo Jisu.

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 27:42

ni eri kikelake, “Edolomu inio o pakiemani, ta noi sole inio pui o pakia o ṉavi! Melai vota o saqora koa korosi topi azo tea animeta eri nio kimevou, ‘Koe, tuvevo vota se Izireli amu vo Aikovakova,’ nio kimevou.

Maka 13:22

Ako se lipalipa kama Pakio vo Baṉara o pitoemeni kikelani, ni se lipalipa kama poropita madu ta ke podakou ni ke erekou aqasiele ama quli ni ṉavaṉavala kama quli tu ke saruemo se vo Baṉara lula o pitoemeni, kebe mai roveovou ta.

Luke 10:18

Nio Jisu ta o mati tiorikake se ni eri kiolake, “Aṉata ada va keve vo Setani ko pialo kapi jari aukale azo.

Luke 16:31

Melai Ebarahami ta o vati tiorikake vo ni eri kiolake, ‘Seta pui keta ma viqou ni luluekou Mosese ni poropita madu kikevevo, ta seta mata pui kepa tava viqou kala vo o saevo ala voukale azo,’ kiolake.”

Jone 12:37

Vota obe erekake kiadama koa aqasiele ama iruruputo poso seko vilu kasa melai seta pui ke tuvevo puevake vo,

Jone 15:24

Aṉata pui aba ereke koa iruruputo sekasi ko puliala maba opa roveovima ereko tea, puliama ikio seko sarueko. Melai seta lula ke kea aṉa a erekako quli melai inio seta ke qelai kideipa aṉa ni a Mama.

Jone 2:18

Nio se Jiu ama tanatanamu ta pui kekai zoleike koa iruruputo vo o erekako, ni kevai liliziake nio ke kuimaevake vo, “Nonia aqasiele ama iruruputo ikio ṉo erekou inio eṉeta ṉeqai nianiiovou vo Baṉara ko kai zoleilo ṉoko butuemo nia maba poso?” kikelake.

Jone 20:29

Nio Jisu ta eri kiolake vokasi, “Ṉota ṉolai oqua, ako ṉota ṉo lea aṉa sole, kio? Maurumauru amu tisoiko se pui ke leani aṉa melai ke tuvevo putani!” kiolake.

Jone 4:49

Nio voa matula maba ta eri kiolake, “Tanala, luluela aṉa puliako aṉavo meqora vou,” kiolake.

Iruruputo 14:3

Ni omuqa apositolo ta matu tu keu elo qota evake sai, ni nioqata parani putole qovai bazubazutake vo Lekasa Jisu, vo oka tuvevo puekeni nioqako bazubazuto kale voko pakiezato sama roquano voko katiko kale nioqa ko pizato tu qo ereko aqasiele ama iruruputo.

Iruruputo 15:12

Ni koa pado ama padoilo kale ama maba madu ta pui ke kuṉubake so keru seke viqake keru Banabasi ni Paula qo kaseke keru kiadama aqasiele ama iruruputo ko bazu nioqako vo Baṉara o erekema nioqa kale kude se pui Jiu amu kasi.

Iruruputo 2:19

Aṉata a redanikou ko aqasiele ama quli aukale ni a erekou ṉaloṉalo ama quli miduku kale. Sai ta dara kota elou, ni uza, ni mota kama kolu,

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Iruruputo 2:43

Ni se apositolo madu ta ke erekake kubo urikato ni aqasiele ama iruruputo, so sole kiadama maba poso ta komai sukatake vo Baṉara tava paṉao.

Iruruputo 4:30

Kasa ika ṉoko pizato tu ṉoko urikato ni aqasiele ama iruruputo poso ta ko ereilou ṉovo tabu ala Nabulu Jisu ko ṉikale,” kikelake.

Iruruputo 5:12

Ni se apositolo madu ta ke erekake kubo piza kama ni aqasiele ama iruruputo se maba madu kasi. Ni sea kiadamu seke tuvevo puteni ta ke padoivake mati Solomone ko Sebesebe kale.

Iruruputo 6:8

Nio voa Sitiveni, vo Tabu ala Auvana ko pizato kovai sukatani ni Baṉara ko mauruto sala maba, ta o erekake matu piza kama ni aqasiele ama iruruputo maba poso kasi.

Iruruputo 7:36

Ni vota o odiemake se ni o saqorimake Ijipi azo, voko ereko kale aqasiele ama iruruputo Ijipi ni Diri ama Ivere kasi ni ariku toni sabere ko poro kale lealea kama zaekale.

Romu 15:19

ni aqasiele ama iruruputo ni urikato ko pizato kale, ni vo Baṉara ko Auvana ko pizato kale. So inio kiadama talio kale Jerusalema azo ti ko baroa Ilirikamu peuru kale, aṉata lula aqai bazubazuta ko Uri ama Bazu Karisito ko kasevako.

1 Koriniti 1:22

Se Jiu amu ta keka zaria kelo ko aqasiele ama iruruputo tu ke tuvevo puto, ni se pui Jiu amu ta ke vailivailila ko nianiio,

2 Koriniti 12:12

Koa kubo aqasiele ama urikato ni aqasiele ama iruruputo ko aṉa kiada keru a erekema mekasi ta kasa ko ika ta aṉata apositolo lala, sole ko male tu meta me duvevo pueko aṉako apositolo elo.

2 Tesalonaika 2:9

Voa matu ruqe ala maba ta o kilou vo Setani ko pizato sase ni vota o erekou kiadama lipalipa kama urikato ni aqasiele ama iruruputo tu o lipalipaemo maba poso ni vota Baṉara jaria kerukeruevo ke elou,

Hiburu 2:4

Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako o ṉaviko vatolo kale.