Jone 4:21 - BAṈARA KO VAIRU AMA LEVELEVEO

²¹ Nio Jisu ta o kati tiorikake ko, “Ṉoiza, ṉota tuvevo ila aṉa, ko taku ta kobeta kueva so keru se maba madu ta pui kepa ilusivou vo Mama komia sopu kale ni so jari Jerusalema.

Jone 4:21 Marejeleo ya Msalaba

Matiu 18:20

Ako sai kama zouke maba poso pala ke padoiloa koi aṉako ṉikale, melai aṉata a zomanou sekasi,” kiolake.

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Luke 21:24

Kake sea maba poso ta ke vouvaemou benisi kale, ni kake ta ke mati ziovou piripiri amu kiadama matumatuma peuru poso kale. Ni se pui Jiu amu ta kekai lekasa puovou ko Jerusalema ti kobeta okotou vo Baṉara oma zariekake taku tu ke lekasa puo,” kiolake.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Jone 16:32

Melai a bazuemela me ko eri: taku ta kobeta kueva, ni kota matu sipole erisaṉa, so keru mea kiada mela aza birebire me elou keru ni me joqoilou keru me ṉaviṉavi ko peuru kale, ni aṉata ojolou ada elou a qiada pado. Melai pui maba ojolou aba elou, ako a Mama ta o eva aṉa sase sole.

Jone 4:23

Melai ko taku ta kobeta kueva, ni kota lula kota barola, se tuvetuve ama ilusato ko maba poso ta ke ilusivou vo Mama seko auvana kale ni tuveano kale. Se inio sea ilusato ko maba poso vo Mama oma zariani tu ke ilusivo vo.

Jone 5:25

Tuvevo avole aṉata a bazuemela me, taku ta kobeta kueva ni kota lula kota baroa so keru se voumu keta la viqou keru aṉa Baṉara vo Meqora lala ko kora, ni seke viqo amu koa kora ta ke saevou.

Jone 5:28

Meta pui aqasiele kai elo komi, ako ko taku ta kobeta kueva so keru se voumu niami kale ke evani ta keta la viqou aṉako kora kio,

Iruruputo 6:14

Eṉeta ṉeda va viqala ta voa Nazareti ala Jisu ta o biresukou ko Jelepade ni vota o besiekou kiadama animeko bazu poso koko vikima anime tona Mosese kasi azo!” kikelake.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Epesasi 3:14

Sokale avo inio aṉata a iqeiqea ni a vararaita vo Mama Baṉara kasi,

1 Timoti 2:8

So sole lotu iruruputo kale kiadama zaekale aṉata ama zaria se lasive amu tu seta ke vararaito, ni tabu ama kerukeru sate seta ke roveo zolaeko seko ṉase poso vararaito kale puliama korakorailo ni zolizoliekinio sate.

1 Pita 1:17

Ako so keru meme vararaita keru Baṉara kasi ta Mama inio va kimela. Ni nea Mama inio omadeuma podepodeti kale o titiziko ala animea kiada mela ko iruruputo. So sole komia puju ama taku meme elou keru komia miduku kale meta meda va paṉaovou vo.

Kelokelozato 21:22

Ni aṉata pui a qeake kama pado Jelepade koa matu peuru kale, ako vo Kiadama Pizato sala Baṉara ni vo Sipi Meqora ta qo ṉavi Jelepade qota evake sole.