Jone 21:22 - BAṈARA KO VAIRU AMA LEVELEVEO

²² Nio Jisu ta eri kiolake vokasi, “Aṉata ava zariovou vo tu obeta elou ti kobeta barolou aṉako vaito keru tea, kota pui ṉoko tu ṉota ṉoqai nianiio. Ṉota luluela aṉa kio!” kio.

Jone 21:22 Marejeleo ya Msalaba

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Matiu 24:27

Ako aṉa maba a eveni lala a vaitou keru ta ke lelou kiadama maba madu omadeuvo kapi ko laqato jari ṉaniu o peatakoi vasi azo ti o sulupakoi vasi.

Matiu 24:3

Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.

Matiu 24:44

Sole me melai inainaomo, ako aṉa maba a eveni lala ta a vaitou koa taku kale ko me pui me baqumukako kale sole,” kiolake.

Matiu 25:31

Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.

Matiu 8:22

Melai Jisu ta eri kiolake vokasi, “Ṉota luluela aṉa. Vaema se pui kekai baroani ko auvana kale ama saevo tu ke mutamo seko vouma maba poso,” kiolake.

Maka 9:1

Ni vota obeta olake bazubazuto ni eri kiolake, “Kake mela me koi mebeta evani mela ta puliako vou inio meta me lelou aṉa maba a eveni lala ta a lekasa puilou komia peuru ma peuru kale,” kiolake vo Jisu.

Jone 21:19

Jisu vo vai bazueko kale ko ta noni ama voukale inio Pita ta ṉaṉaidara o ivo avo vo Baṉara. Nio sai kazo Jisu ta eri kiolake vokasi, “Luluela aṉa!” kiolake.

Jone 21:21

Ni so keru Pita o vea keru vo inio vota eri kiolake Jisu kasi, “Lekasa, nea maba ta noi nio o kalo avo?” kiolake.

1 Koriniti 11:26

Komi ko kalo ta kiada keru meme quovou keru komia bereti ni me nozuekou komia vaini ko ju ta me qasekou vo Lekasa Jisu ko vou ti kobeta barolou voko tova vaito mata.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

1 Tesalonaika 2:19

Eṉeta ṉeqa matu zariake soipimelo, ako meko sidopu ama saevo kale avo inio eṉeta ṉe qovou reketekete Baṉara kasi azo, ni me inio eṉeko zoleilo ko raki mela, ni me inio eṉe ṉe melai zoleiloa mela vo animevo Lekasa Jisu ko tanama kale so keru vo o vaitou keru.

Jemisi 5:7

A lolo poso mela, meta inobea taruano emo, ti kobeta barolou vo Lekasa Jisu ko vaito ko taku keru. Keatini, vo papato ko maba ta o uria tareka ko uri ama epa miduku ko, ni vota o uria tareka ko nioro ni ṉaniu tu ko muqariko ko sailao.

Jemisi 5:8

Meta omadeuvo soa inobea taruano emo. Meta pizatikomo meko bulo kale ama keru, ako vo Lekasa Jisu ko kilo ko ṉaniu ta sipole sole.

Kelokelozato 1:7

Keatini, vota ota kilou lei poso kale! Sea kiadamu peuru ma peuru kale amu ta ke velou vo, seke vouvaeveni melai ke velou vo. Ni kiadama maba poso miduku kale amu ta duki keva elou vo. Kota tuvevo ko elou! Emeni.

Kelokelozato 2:25

melai meta pizaka noqoeko emo ko me lula me noqoekema quli ti kobeta barou aṉako kilo.

Kelokelozato 22:20

Vo kasa olai ikeni kiadama komi quli poso ta eri kiola, “Tuvevo, taukavole aṉata a qilou.” Emeni tu kua, Lekasa Jisu!

Kelokelozato 22:7

Eri kiola vo Jisu, “Viqomo! Aṉata a qilou taukavole!” kiola. Maurumauru amu seke zorikani ko pidokato ko bazu komia buka kale ko evako.

Kelokelozato 3:11

Aṉata a qilou taukavole, so sole meta pizaka noqoeko emo ko quli meme ṉeamukako so inio puliala ta opa roveovou tamela rapeko koa reketekete, ko me koqotaeko ko ruqe kale me qovo ama.