Jone 18:12 - BAṈARA KO VAIRU AMA LEVELEVEO

¹² Sai nio sea pazokinio ko maba poso ni sevo kuleto ala ni Jiu ama vailo ko maba poso ta ke noqoevake vo Jisu, ni ke pirievake vo.

Jone 18:12 Marejeleo ya Msalaba

Matiu 26:57

Nio se kepa noqoeveni vo Jisu ta ke vati olake vo Kaepasi Ṉisa Siama ko pade kasi, sai se vo Mosese ko Bazu ko nianiiekato ko maba madu ni se lotu tanatanamu ke padoivakoi.

Matiu 27:2

Sole seta keta va piriekake voko ṉase ni ke vati olake ni kepa vaevake vo Romu ala Qavuna Paelati ko pade kasi.

Matiu 27:27

Ni vo Paelati ko solodia madu ta ke vati olake vo Jisu Qavuna ko matu pade ko tianiama vota kale, ni sea kiadama solodia madu ta ke aramuvake vo.

Maka 14:53

Ni se kepa noqoeveni vo Jisu ta ke vati olake vo Ṉisa Siama ko pade kasi, sai raura kama siama madu ni lotu tanatanamu ni Mosese ko Bazu kekai nianiiekatani ke padoivakoi.

Maka 15:1

Omadeu vikale inio se raura kama siama madu ni se lotu tanatanamu, ni vo Mosese ko Bazu kekai nianiiekatani, ni sea kiadama matuma maba poso ta ke padoivake tu ke vatoeko Jisu ke ivo avo. Nio seta keta va piriekake voko ṉase, ni ke vati olake ni kepa vaevake Romu ala Qavuna Paelati ko pade kasi.

Luke 22:54

Ni seta ke noqoevake vo Jisu ni ke vati olake Ṉisa Siama ko pade kasi, ni Pita melai obe luluemake se, melai vaṉa inio ota ma taliake.

Jone 18:3

So sole vo Jiudasi ta o odiekake kama pado Romu ama pazokinio ko vaki nio ke olake koa ore bariki kasi, vo ni Jelepade ke kati vailani, se raura kama siama madu ni Parese madu ke soroemeni. Seta ke vakimuake ni ke borikake ko juke poso ni poru topi ama urusana juke ni pazokinio ko vakovako.

Iruruputo 10:1

Ni kala pado maba ta obeta evake Sizaria peuru kale Koniliasi va kikelani, vota kala sirula Romu ama pazokinio ko maba poso vo. Voko vakimuo ko poqala ko ṉi ta “Itali ama vakimuo ko poqala” ikio.

Iruruputo 21:31

Ni seta kebe madoekake tu ke vouvaevo vo Paula be kikelake pado inio Jerusalema ko ereivako ṉiṉoreo ko ikirato ko bazu ta ko soroivake Romu ama solodia madu ko kuleto ala kasi.

Iruruputo 21:37

Ni so keru se solodia madu kebe vati zio kikelake keru vo Paula koa idi qara ko poro kale, vota eri kiolake voa tanala kasi, “Abe roveovou pesio ṉokasi kio?” Ni voa tanala ta o vati tiorikake ni eri kiolake, “Ṉota Quriki pesio laṉa inio kio?

Iruruputo 23:10

Ni ko zolizoliekinio ta matu ti matu naizato kota evake ni voa solodia madu ko kuleto ala ta ota ṉake tu vo Paula ta silosilo pala ke ivo. So sole vota o bazuemake voko solodia madu tu ke saqoro tu ke noqoevo vo Paula, tu ke vati zio sekasi azo idi qara ko poro kale solodia madu ko zaekale.