Jone 15:21 - BAṈARA KO VAIRU AMA LEVELEVEO

²¹ Seta ke melai erekou me koa kalo aṉa kale avo sole, ako seta pui kevai nianiia vo aṉa o soroeleni sole.

Jone 15:21 Marejeleo ya Msalaba

Matiu 10:18

Aṉako luluelo ko kio kale sole meta ke melati ziovou titizimelole qavuna madu kasi ni aikovakova poso kasi, tu meqai bazutou vo Baṉara ko Uri ama Bazu sekasi ni se pui Jiu ama maba poso kasi.

Matiu 10:22

kiadama maba poso ta ke melai kaikuapou, ako meta aṉa me luluelani mela sole. Melai vo o pizato ala, ti obeta barolo ala koa taku ko paitopaito kale, vo inio o pakiovou.

Matiu 10:39

Vo o madoekani tu pakieko o ṉaviko saevo ta vota o niumaeka inio voko saevo tovama saevo kale ama. Melai vo o ṉamuko ala voko tupu kale ama saevo aṉako luluelo kale ta o kovou noqola kama saevo.

Matiu 24:9

“Ni koa taku kale inio maba poso ta ke noqoemelou ni ke tolaemelou ni ke vouvaemelou me, ni kiadama maba madu ta ke melai kaikuapou, ako meta aṉa me luluelani mela sole.

Matiu 5:11

“Ni meta me zoleilou kiadama taku, so keru maba poso ke mauluemelou keru ni ke naquemelou keru ni ke melai kuirikou keru kiadama lipalipa kama quli kale aṉako luluelo ko kio kale avo.

Maka 13:13

kiadama maba poso inio ke melai kaikuapou, ako meta aṉa me luluelani mela sole. Melai vo o pizato ala ti obeta barolo ala koa taku ko paitopaito kale, vo inio o pakiovou.”

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Luke 21:17

ni kiadamu ta ke melai kaikuapou, ako meta aṉa me luluelani mela sole.

Luke 6:22

Meda zoleiva tisoiko so keru se maba madu ke melai kideipou keru, ni ke kupemelou keru me, ni ke maulumauluemelou keru, ni ruqea mela mela kikevou keru meko luluelo kale avo aṉa maba a eveni lala!

Jone 15:24

Aṉata pui aba ereke koa iruruputo sekasi ko puliala maba opa roveovima ereko tea, puliama ikio seko sarueko. Melai seta lula ke kea aṉa a erekako quli melai inio seta ke qelai kideipa aṉa ni a Mama.

Jone 16:3

Se maba madu ta ke melai erekou ko quli ako seta pui kevai nianiiani aṉavo Mama ni aṉa sole.

Jone 17:25

Sidopu ala Mama, peuru ma peuru kale amu ta pui keṉai nianiia ṉo, melai aṉata aṉai nianiia ṉo, ni nia maba poso aṉako madu ta kelai nianiia ta ṉo inio ṉo joroeleni ṉa aṉa kio.

Jone 8:19

Nio seta eri kikelake, “Lai ta vo ṉovo mama?” Ni Jisu ta eri kiolake, “Meta pui melai nianiia aṉa ni pui mevai nianiia aṉavo Mama. Meta lula melai nianiia aṉa tea meta mevai nianiio nio mata aṉavo Mama,” kiolake vo Jisu.

Jone 8:54

Ni Jisu ta o mati tiorikake, “Aṉata a rauraiva a ṉavi tea, aṉako raurailo ta kalo pide ama ikio. Melai vo o rauraelani aṉa ta a Mama inio, vo mevo Baṉara va kimelani.

Jone 8:55

Meta maba pui me baqumuva vo, melai aṉata avai nianiia vo. Melai aṉata pui avai nianiia kiala tea, aṉata kala lipalipa kalala inio, me jari. Melai aṉata avai nianiia vo ni a zorika voko bazu.

Iruruputo 17:23

Ako aṉata a dalia meko peuru kale ni lula a qea koa zae poso meme ilusikakoi azaazama baṉara poso, ni lula a qea ko sara ko eria rikizio ko evema, ‘Vo puliala ovai nianiiani baṉara kasi’. So sole vo me pui paqumuvole melai mebe ilusivani, vo inio aṉa a melai bazuevani me.

Iruruputo 26:9

“Lulali aṉa melai a qerukerutake ta sidopu ikio tu aṉata a erekou kiadama quli aṉa aqai kanaekiko ama vo Nazareti ala Jisu ko ṉi.

Iruruputo 3:17

“Lolo poso, aṉata aqai nianiia ta me ni meko vilua pikopiko poso me erekema quli vo Jisu kasi ta meko pui paqumuvo vo kale inio.

Iruruputo 4:17

Melai animeta bazu me qatikou nioqia omuqa maba tu nioqata mata pui qo kasekou kama quli voa Jisu ko ṉikale. So inio pui ko aerou komia bazu vaṉa buti ama maba poso kasi,” kikelake.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Iruruputo 9:14

Vota o kuela Damasikasi se raura kama siama madu ko pizato ni zariekato sate tu o noqoeṉelo eṉea kiada ṉela ṉo ṉe ilusiṉani ṉela,” kiolake.

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Romu 1:28

Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko.

1 Koriniti 15:34

Kai vaitomo meko sidopu ama kerukeru ni epezomo lulueko ko sarueko sama keve poso. Aṉata a bazuemelou me tu kota ko quratimelou, ko kake mela ta pui nio mevai nianiia vo Baṉara sole.

1 Koriniti 2:8

Puliala kala pado lekasa komia peuru ma peuru kale ala ta opa vakakuke komia raura kama nianiio ko bazu. Ako seta lula ke paqumuke ko tea, pui nio kepa patoevo animevo ṉaṉaidara kala Lekasa korosi topi.

2 Tesalonaika 1:8

ni uza ko urusana kale. Nio vota o koqotaemou se keta va lupaovani vo Baṉara ni se pui ke zorikani ko Uri ama Bazu vo animevo Lekasa Jisu Karisito ko.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

3 Jone 1:7

Ako seta lula ke taniekako ikio sole seko talio kale va nabuluputo vo Karisito, ni seta pui keta mai zaria se kutumana kamu ko tauvezato.

Kelokelozato 2:3

Meta me bizaka lojoa, ni lula ko tolaemela ko tapata poso aṉako ṉikale avo, melai meta pui koqo me eva.