Jone 15:16 - BAṈARA KO VAIRU AMA LEVELEVEO

¹⁶ Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 15:16 Marejeleo ya Msalaba

Matiu 21:22

So sole meta me duvevo putou nio meta me qovou ko quli meme basekako quli meko vararaito kale,” kiolake vo Jisu.

Matiu 7:7

“Pasekomo uri ama quli Baṉara kasi inio meta me qovou, vailikomo vokasi inio meta me qelou, tubitubitomo inio vota o mela veukou ko veutu.

Luke 6:13

Ni koko raneo kale inio vota o nokaemake vo ke lulueveni ni vota o pitoemake toni omuqa madu, se apositolo madu ma kioveni.

Jone 13:18

“Aṉata pui mea kiada mela ta soa maurumaurua mela kiala, ako aṉata amai nianiia se sidopu amu aṉa lula a bitoemani sole. Melai ko Tabu ama Riki ko kasekema ta tuvevo ko elou ko eri, ‘Voa maba o kuani aṉako sailao aṉa sase ta o jaṉarilou aṉa voko mauta kale’.

Jone 15:19

Meta peuru ma peuru ko maba poso jaria mela tea, peuru ma peuru ko maba poso ta ke ṉavi jaria roquemelo inio ke elo. Melai aṉata lula a bitoemele me komia peuru ma peuru ko maba poso kale azo, ni meta pui koko mela, Sokale inio ko peuru ma peuru ko maba poso ta ke melai kideipa.

Jone 15:5

“Aṉata koa vaini siakona jaria lala ni meta koko kata poso jaria mela. Vo me azo o nasoilo ala aṉa tona, aṉata a elou vo tona, ni vota koa kata matu epamatoma jari o elou, ako meta pui me rovea ereko kama quli aṉa pide sole.

Jone 6:70

Nio Jisu ta eri kiolake sekasi, “Aṉa a ṉavi nio lula a bitoemela mea toni omuqa, melai kala me azo ta Setani vo maba inio!” kiolake.

Iruruputo 1:24

Nio seta ke vararaitake, “Lekasa, ṉota ṉoqai nianiia kiadama maba poso ko bulo kale ama kerukeru, sole ṉota ṉela kaseva eṉe lala pado nioqia omuqa maba azo inio ṉota lula ṉo bitoeva

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

Iruruputo 10:41

pui kiadamu kasi nio, melai eṉe kasi vo Baṉara lula o pitoeṉeleni ṉela tu eṉeta ṉe qelo ni ṉeqai bazubazuto ko, eṉe ṉe vati vuateni ṉela ni ṉe vati nozuteni ṉela voko mata saevo voukale azo ama ko tova.

Iruruputo 22:14

Ni vota eri la kiolake, ‘Se animeko taite poso vo Baṉara ta lula o pitoeṉe ṉo tu ṉota ṉoqai nianiiovou voko vatolo, nio ṉo veala vovo Sidopu ala Nabulu, ni ṉoda va viqala voko pesio.

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Romu 1:13

A visi poso mela, aṉata aqai zaria tu melai bazueko ko eri, aṉata aqa zariani lala inio kilo soipimelole me, tu aṉako iruruputo ta ko epamatou mekasi, omadeuvo kota lula ko epamata jari se pui Jiu amu kasi. Kubo taku aṉata aqa zaria soipimelo me, melai koko noqoelako quli aṉa ta ikoana.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Romu 15:4

Kiadama quli koko rikiziovima Tabu ama Riki topi ta ko rikiziovi tu kota ko nianiiekimelo anime, tu animeta me ṉeamuko ko noqola kama saevo ko keru, koa pizaka lojo elo kale ni koa zuvarato kale Tabu ama Riki ko katimelako.

Romu 9:21

Ako voa maba koa raro o erekani nio o kati lulueka o vatolo koa miduku, tu vota okai ereko omuqa ijatiniama miduku raro, kala ta matuma taku keru ala ni kala pado ta kiada keru vai iruruputo kaqe.

1 Koriniti 10:11

Kiadama komi quli poso koko ereima se tona ta kama uri ama balauvato ikio ko evema anime kasi, ni kota ko rikiziovi lula tu animeko bazu kaqe. Ako komia lulavo ko ereima quli ta ko zuatike vo Karisito ko tuveano, ni anime inio lula ko melai baroani mela koa tuveano sole.

Qelesia 1:15

Melai vo Baṉara ko pakiezato sama roquano kale inio vota o pitoele aṉa, puliako aṉa alilo, ni o nokaele aṉa tu ava nabuluputo vo. Ni vota o vatoekake

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

1 Timoti 2:7

Sokale avo inio aṉata a joroiva kala apositolo lala tu a nianiiekimo se pui Jiu amu, tu aqai bazubazuto ko oqu ni tuveano ko bazu. Aṉata ada tuveana, pui a lipata!

2 Timoti 1:11

Vo Baṉara ta o pitoele aṉa tu aṉata kala apositolo a elo ni kala nianiiekato ko maba a elo tu aqai bazuto ko Uri ama Bazu,

2 Timoti 2:2

Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

Taitasi 1:5

Aṉata a vaeṉe ṉo Kiriti udu kale, tu ṉota ṉo uria korotikou ko pui nio ko paizaivako iruruputo, ni ṉo bitoemou se lotu tanamu peuru poso kale. Ṉota ṉo qerukeruekou aṉako bazu poso, ko eri kio sama.

Hiburu 11:4

Oqu kale inio vo Ebolo, Adami vo visi ala meqora, ta o kativake vo Baṉara ko siqasiqa Keini vovo kaka ko siqasiqa kokai paloasako. So sole Baṉara ta ova zoleike voa maba ni vota ova nokaekake sidopu ala, ako vota o tuvevo puevake vo sole. Baṉara ta zakaremu o ike ko anime kasi ako vota o baroekike koa katizato poso Ebolo o kativema vo sole. Voko tuvevo puto kale, Ebolo ta obeta pesia jari erisaṉa anime kasi, vota ota vovi melai.

Jemisi 3:18

Ni seke mati bulekikiniani edolomu ta ke tauvema se tu sidopu ke elo. Kota omadeuvo kala maba jari vo o papakani ko uri ama rui ni ota ka kajorikani koko uri ama epa.

1 Pita 3:15

Melai ilusivomo vo Karisito meko bulo kale ako vo inio mevo Lekasa sole. Ni inainaomo kiada keru tu ma rupasikomo seke mela kuiriko amu me tu mema zakaremu puekou meko tuvevo puto sama kerukeru tu kovo noqola kama saevo.

1 Pita 3:2

Ako seta ke kelou sole meko uri ama kalo ni meko matu tava paṉao vo Baṉara.

1 Jone 4:10

Ni tuvevo ama roquano ta vo Baṉara ko roquano anime kasi ama ikio, ni pui animeko roquevo vo Baṉara. Ako vo Baṉara inio o roquemele ni o soroeve vovo Meqora tu ota mela akoeko animeko sarueko poso vovo Meqora ko voukale.

1 Jone 4:19

Animeta me roqueva vo Baṉara, ako vo Baṉara inio o roquemele anime kuleto sole.