Jone 12:16 - BAṈARA KO VAIRU AMA LEVELEVEO

¹⁶ Ni voko disaipeli poso ta pui ke paqumukake koa taku kale, melai koko tova, voko mata saevo keru voko ṉaṉaidara sate inio seta ke kerukeruekake ta koa Tabu ama Riki va kikovevo ikio koko ereima quli Jisu kasi kikelake.

Jone 12:16 Marejeleo ya Msalaba

Maka 16:19

Ni so keru vo Lekasa Jisu o paikake mati pesipesito se, ti vo Baṉara ta obe koivievake inio vo aukale. Ni sai nio vota o papuake vo Baṉara ko palo rana vasia rana tu o lekasa puo.

Maka 9:32

Melai seta pui ke paqumukake voko nianiiekato kikolani, ni keta paṉaoke tu kevai kuimaeko.

Luke 18:34

Melai se disaipeli madu ta pulia quli ke paqumukake vo kiolani, koa pesio poso ko kio ni kalo ta kota ma daipaike sole, so sole seta pui kekai nianiiake vo Jisu o kasekema quli.

Luke 24:25

Nio Jisu ta eri kiolake nioqa kasi, “Qea sarubea qela, matu niuniala inio qeta eva, nio pui qe tuvevo pueka kiadama quli se poropita madu kikevevo seko riki kale!

Luke 24:45

Nio vota oma veukake seko kerukeru tu seta ke paqumuke Tabu ama Riki poso kikolani,

Luke 9:45

Melai se disaipeli madu ta pui ke paqumukake koa pesio ko kio ni kalo. Kota kota ma daipaike, so sole seta pui ke vakakukake ko, ni seta keta paṉaoke tu vai kuimaeko vo koko kio ni kalo.

Jone 12:23

Nio Jisu ta o tiorizatake ni eri kiolake, “Erisaṉa ta kota baroa ko taku aṉa maba a eveni lala ko tu aṉata a qovo ko raura kama ṉaṉaidara.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 16:4

Melai aṉata erisaṉa a melai bazueka me ko quli seke melai ereko ama quli, tu so keru ko ereilou keru soama quli, meta me qerukeruekou ko aṉata lula a bazuemele me kio,” kiolake vo Jisu. Nio Jisu ta obeta olake mati pesio voko disaipeli madu, ni eri mati kiolake, “Kuleto aṉata pui aba melai bazueke me ko quli poso, ako aṉata abeta eva me sase miduku kale sole.

Jone 17:5

Erisaṉa Mama, ṉota ṉaṉaidara ila ṉoko tanama kale, koa omadeuma ṉaṉaidara kale aṉako ko evema ṉo sase puliako peuru ma peuru ereilo.

Jone 2:22

So sole vo o saeve keru voukale azo ko tova, inio voko disaipeli madu ta ke kerukeruekake komia vo o erekema pesio, nio seta ke tuvevo puekake ko Tabu ama Riki kikovevo ni Jisu kiovevo.

Jone 7:39

Jisu so va kioveni ta Tabu ala Auvana inio, vo seke tuvevo puevo amu vo ke vovo ala Tabu ala Auvana. Koa taku keru Jisu soa pesio o eve keru ta pui nio o katiziake vo Tabu ala Auvana maba madu kasi, ako Jisu ta pui nio o koivake voko ṉaṉaidara kama zaekale sole.

Iruruputo 2:33

Vovo Mama Baṉara ta o koivieve vo Jisu aukale ni vota o papueve vo o ṉavi Baṉara ko palo rana vasia rana, ni vo Jisu ta o voake vokasi azo vo Tabu ala Auvana vo lula ova kaseveni tu o kativo. Ko erisaṉa meme qeako ni me viqako quli, ko ikio vo Jisu ko katizato vo eṉe tona o ṉelai raibikake.

Iruruputo 2:36

“So sole kiadama Izireli amu mela ta kai nianiiomo komi ko tuveano, ta vo Jisu meme vouvaeveni korosi topi, vo inio voa Jisu, vo Baṉara Lekasa ni Pakio o iveni!” ma kiolake vo Pita.

Iruruputo 3:13

Pui so inio, melai vo Ebarahami, ni Aisake, ni Jekopi vo Baṉara, vo animeko taite poso vo Baṉara, nio o erekani komi quli tu se maba poso ta ṉaṉaidara ke ivou vovo Nabulu Jisu. Melai meta me vaevake vo se Jiu ama tanatanamu ko ṉase topi, ni meta mevai kedui vo Paelati ko tanama kale, so keru vo Paelati ova zariovi tu o rupasivo vo va kiove keru.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 8:1

Ko matuma quli aṉa a qasekako ta animeta lula me ṉeamuva vo Ṉisa Siama, vo inio vo Jisu, vo o papuani Baṉara ko papupapu ko palo rana vasia rana aukale, sai vo Baṉara o lekasa puakoi pizato sate.