Jone 11:51 - BAṈARA KO VAIRU AMA LEVELEVEO

⁵¹ Vota pui so kiolake o ṉaviko vatolo kale, melai kota vo inio vo Ṉisa Siama koa sabere keru ala kio, so sole voko pesio ta ko pidokikake ta vo Jisu inio oma vouvo ala se Jiu ama maba poso,

Jone 11:51 Marejeleo ya Msalaba

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Jone 11:49

Nio kala pado sea tanatanamu azo, Kaepasi ṉi sala, vo koa sabere kale Ṉisa Siama o eveni, ta eri kiolake, “Meda sarubeputa!

Jone 18:13

Ni seta ke vati olake kuleto Anasi kasi ni ke lojoevake vo voko tanama kale, vo Kaepasi koa sabere kale Ṉisa Siama o eveni vo ravaza.

1 Koriniti 13:2

Aṉata Baṉara kasi azo ama bazu kai pesio ko pizato saṉa abe elou, ma abe paqumukou kiadama mutamuta kama quli ni kiadama nianiio Baṉara kasi azo ko kuevako saṉa abe elou, ma aṉata matuma oqu salala koko roveovou vatutiko ko sopu poso, melai aṉata puliama roquano salala tea, aṉata pulia quli jari nio.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Qelesia 3:13

So inio vo Mosese ko Bazu ta levezo saṉa ko imele anime, melai vo Karisito inio ota mela ṉamuke koa levezo, ni o besiemele anime koa levezo ko zaekale azo. Ako ko Tabu ama Riki kikovevo ta eri nio sole, “Seke soilo amu ore topi ta keta leveziovou,” kikovema.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.