Jone 11:25 - BAṈARA KO VAIRU AMA LEVELEVEO

²⁵ Nio Jisu ta eri kiolake kokasi, “Aṉa inio ko tuvevo ama saevo ni voukale azo ama mata saevo lala. Vo o tuvevo puelani aṉa ta o saevou, vota o vouvou melai mata o saevou,

Jone 11:25 Marejeleo ya Msalaba

Luke 23:43

Nio Jisu ta eri kiolake vokasi, “Tuvevo avole aṉata a bazueṉa ṉo ta vairutu inio ṉota ṉo zomanou aṉa sase Paradaisi kale,” kiolake.

Jone 1:4

Voa Bazu ta saevo ko raki; ni koa saevo ta ko kati kuevi vo Baṉara ko zakaremu maba madu kasi.

Jone 14:19

Kama puju ama taku ta ikoana ti se maba poso komia peuru ma peuru kale amu ta pui mata kepa lelou aṉa. Melai meta mata me lelou aṉa, ni aṉako mata saevo voukale azo ama kale ta me melai me jaevou.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

Jone 5:26

Vo Mama ta saevo ko raki nio vota so jaria saevo ko raki o ilake aṉa vovo Meqora lala.

Jone 6:35

Nio Jisu ta eri kiolake sekasi, “Aṉata saevo ko bereti lala, sole vo o kilo ala aṉa kasi ta pui opa luapou, ni vo o tuvevo puelo ala aṉa ta pui opa rokauvou.

Jone 6:44

Puliala ta o roveovou kilo aṉa kasi, aṉavo Mama pui o odievou tu o kilo aṉa kasi, vo o soroeleni aṉa. Ni aṉata a jaevivou vo o kilo ala aṉa kasi tovama ṉaniu kale.

Iruruputo 3:15

Ni meta me vouvaeve vo vo tuvevo ama saevo kale o odikatani, melai vo Baṉara ta o saevive vo voukale azo, ni eqeta qe veake vo voko tova saevo kale.

Romu 4:17

omadeuvo ko Tabu ama Riki kikolani jari, “Aṉata taite a iṉa ṉo kubo toutou poso vo ṉa.” So sole koa leveleveo ta uri ama vo Baṉara ko vilu kasa, vo Ebarahami ovai oquini—voa Baṉara vo o saevimani se voumu, ni voko bazu kale o puratikani ko pui kopa ereima quli.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

1 Koriniti 15:18

Ni so tea se lula ke vouvani vo Karisito kevai oquani melai noqola tolailo keta eva.

1 Koriniti 15:29

Zio, kerukeruemomo sea maba poso se kekai bapitaiso puivani se puliako bapitaiso elo ke vouvani ko bapitaiso. Noi sole inio seta so ke kavani? Ako tuvevo ko elou, kake kikelani, ko se voumu ta pui kepa saevou voukale azo kio tea, noni kale inio seta kekai bapitaiso puiva se puliako bapitaiso elo ke vouvani ko bapitaiso?

2 Koriniti 4:14

Ako eṉeta ṉeqai nianiia ko vo Baṉara vo o saeviveni voukale azo vo Lekasa Jisu, vo inio mata o saeviṉelou eṉe voukale azo tu Jisu sase ṉe elou, ni o odieṉelou eṉe ni so jari omadeu odiemelo o elou animea kiada mela voko tanama kale.

Pilipai 1:23

Ako kota matu tapata aṉa kasi tu a bitoeko sole koa omuqa quli. Aṉako zario ta a zio ni Karisito sase a elou, ako ko ikio ko matu qulepo ama quli sole.

Pilipai 3:10

Ako aṉako matuma zario ta aṉata avai nianiiovou vo Karisito ni voko mata saevo voukale azo ko puratikako pizato, ni aṉata aqai zomanou voko tolailo, ni aṉata aqa zaria tu talio zoripato ko keve vo jari ti kobe lati baro aṉako vou.

1 Tesalonaika 4:14

Ako animeta me duvevo pueka vo Jisu ta o vovi ni mata o saeve voukale azo, so sole animeta mata tuvevo me ika vo Baṉara ta o vaitoemou vo Jisu sate seke vouvani se lula ke tuvevo puevani vo.

Kelokelozato 1:18

Aṉata noqola saevo a evani lala! Aṉata lula ada vovini lala inio melai erisaṉa ta a jaeva tu noqola saevo a elou latau ṉaniu ni ka ṉaniu. Aṉata pizato salala tu aṉata mata a jaevimou se voumu, ni aṉata pizato salala tu aṉata a jaqorimou se voumu seke piriziakoi kale azo.

Kelokelozato 20:5

Melai sea kiadamu ke vovini ta pui kepa saeve ti kobeta paloase koa omadeu vuro sabere. Ni ke lezuemeni ko mata saevo ko kiada ikio ko kuleto ama mata saevo voukale azo ama.

Kelokelozato 21:4

Vota ota ma zautekou kiadama seko deumu seko vilu kale ama. Puliama vou ta kopa elou, ni puliama upotuqu, ni zialo ni tola kopa elou. Ako lulama quli ta lula kota paraka sole,” kikolako.

Kelokelozato 22:1

Ni vo mateana ta mata ola kasekake aṉa ko noqola kama saevo ko katimako orori ko ju, koko saqorako qelasi jaria simanamana kama Baṉara ni Sipi Meqora ko papupapu kasi azo,

Kelokelozato 22:17

Vo Tabu ala Auvana ni vo Jisu ko reko ta eri kiqola, “Kua, Lekasa Jisu!” Ni uri tu kiadamu ke viqani komi ta mata “Kua, Lekasa Jisu!” kikevou. Kua, ṉoṉo rokauvani ṉa tu pa koa ko noqola kama saevo ko katiṉo ama ju tabara pide ama.