Jone 1:43 - BAṈARA KO VAIRU AMA LEVELEVEO

⁴³ Ni koko raneo kale inio Jisu ta ota zio kiolake Qalili rana, so sole vota o zolaike ni ota olake. Ni vota o veake vo Pilipi sai ni eri kiolake vokasi, “Luluela aṉa!” kiolake.

Jone 1:43 Marejeleo ya Msalaba

Matiu 10:3

Pilipi, ni Batolomiu, Tomasi, ni Matiu vo takisi ko maba, ni Jemisi vo Alepiasi vo meqora, ni Tadiasi,

Matiu 4:12

Nio vo Jisu ta ota va viqake Jone ta ke amaqiva pirito pade kale nio vota ota olake Qalili rana.

Matiu 8:22

Melai Jisu ta eri kiolake vokasi, “Ṉota luluela aṉa. Vaema se pui kekai baroani ko auvana kale ama saevo tu ke mutamo seko vouma maba poso,” kiolake.

Matiu 9:9

Nio vo Jisu ta o vaekake koa zae ni voko talio kale vota o veake kala maba takisi o koani o ṉi ta Matiu obeta papuake voko iruruputo ko pade kale sai maba kovai olakoi seko takisi tabarikole. Sai nio Jisu ta eri kiolake vokasi, “Luluela aṉa.” Nio Matiu ta o lojoake ni koa ziole o luluevake vo.

Luke 19:10

Ako aṉa maba a eveni lala ta a quevi vailimole ni pakiemole seke mumaivani,” kiolake.

Jone 1:28

Kiadama komi quli ta ko ereivake Betani peuru kale, Jodani sukuru ko ṉaniu ko peatakoi vasia rana, sai vo Jone o erekekoi ko bapitaiso.

Jone 1:29

Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

Jone 1:35

Ni koko raneo kale inio Jone ta mata obeta evake sai omuqa voko disaipeli kidi sase,

Jone 1:37

Nio voko omuqa disaipeli kidi ta qo viqake voko so kio, ni nioqata qo zolaike ni qo luluevake vo Jisu.

Jone 1:44

Pilipi ta Betiseida peuru kale ala, koa omadeuma peuru sai Aduru ni Pita qo evakoi zala.

Jone 12:21

Ni seta ke olake kala Jisu vo disaipeli Pilipi kasi, Betiseida ala Qalili rana, ni eri kikelake, “Tanala, eṉeta ṉeva zaria velo vo Jisu,” kikelake.

Jone 14:8

Sai nio Pilipi ta eri kiolake vokasi, “Lekasa, uria kasa ṉela iva vo Mama tu eṉeta ṉe uria vai nianiio,” kiolake.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Jone 6:5

Ni o lilililitake vo Jisu nio o keake matuma vaki kebeta kuevake vokasi, nio Jisu ta eri kiolake Pilipi kasi, “Lai nio animeta me databaraekou ko sailao nia maba poso kekai malezo ama tu animeta me niaemou se?” kiolake.

Jone 6:7

Nio Pilipi ta o vati tiorikake vo, “Koe, varimuja kaboso ko tabara kale ko tatabarailo ama bereti melai pui kepa kai malezou nia vaki!” kiolake.

Pilipai 3:12

Aṉata pui aqai rairizia ta aṉata lula vo Baṉara olai zariani jari a qavani lala, melai aṉata a zuatika tu Baṉara olai zariani jari a qalo, tu a qovo koa soama saevo ko reketekete, ako vo Karisito inio okai zaria tu aṉata a qovo sole. Ni Sokale avo inio vo Karisito ta o ṉavivo lala o ile aṉa.

1 Jone 4:19

Animeta me roqueva vo Baṉara, ako vo Baṉara inio o roquemele anime kuleto sole.