Jemisi 4:4 - BAṈARA KO VAIRU AMA LEVELEVEO

⁴ Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

Jemisi 4:4 Marejeleo ya Msalaba

Matiu 12:39

Melai vota o mati tiorikake ni eri ma kiolake se, “Mea maba poso mela komia taku kalea mela ta me baseka kama aqasiele ama iruruputo, melai meta ruqea mela ni pui meqa zariani mela vai nianiio vo Baṉara! Omadeu pado aqasiele ama iruruputo ko kiada ikio me qelou, koa omadeuma vo poropita Jona kova ereima jari lulavo.

Matiu 16:4

Mea maba poso komia taku kalea mela ta me baseka kama aqasiele ama iruruputo, melai meta ruqea mela ni pui meqa zariani mela vai nianiio vo Baṉara! Omadeu pado aqasiele ama iruruputo ko kiada ikio me qelou, koa omadeuma vo poropita Jona kova ereima jari lulavo,” ma kiolake. Nio sai nio vota o vaemake se.

Matiu 6:24

Nio vo Jisu ta obeta olake bazubazuto ni eri kiolake sekasi, “Puliala nabulu ta opa roveovou ka nabulupute omuqa lekasa. Vota o roquevou kala ni ovai keduvou kala. Vota ovai masapou kala, ni vota dikidauputole ova nabuluputou kala. Omadeuvo so jari nio meta pui meba roveovou omadeu ilusiko Baṉara ni batiro.

Luke 19:27

Erisaṉa se aṉako kana poso se pui kelai zariani aṉa tu ama lekasa puo ta mati kuemo koi ni vouvaemomo aṉako kuleto!’ kiolake.”

Jone 15:19

Meta peuru ma peuru ko maba poso jaria mela tea, peuru ma peuru ko maba poso ta ke ṉavi jaria roquemelo inio ke elo. Melai aṉata lula a bitoemele me komia peuru ma peuru ko maba poso kale azo, ni meta pui koko mela, Sokale inio ko peuru ma peuru ko maba poso ta ke melai kideipa.

Jone 17:14

Aṉata a qatime ṉoko bazu, Sokale avo inio se maba poso ta kemai kideipa se, ako seta pui komia ruqe ama peuru ma peuru ko madu sole, omadeuvo aṉa melai pui komia ruqe ama peuru ma peuru ko lala jari.

Jone 7:7

ako se maba madu ta pui ke rovea melai kideipo me. Melai seta kelai kideipa aṉa, ako aṉata pui a lalamata tama kaseko seko ruqe ama kalo sole.

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Romu 8:7

So sole voa maba vo o vaekani voko kerukeru komia tupu ko saevo kale ama zario tona ta vo Baṉara vo kana ota eva, ako vota pui o zorika vo Baṉara ko bazu sole, ni tuvevo avole vota pui o rovea zoriko ko kikolani sole.

1 Koriniti 1:20

So sole se nianiiomu ni seke lezumatani maba madu ta pulia quli jari, ni so jari se roverove amu kai zolizoliekinio kale seko kerukeru komia ruqe ama peuru ma peuru ko.

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

Qelesia 1:10

Noni, aṉa so kio kale ta meta me qerukeruta ta aṉata aqa zaria tu zolemo se maba poso kimela? Maba pui! Ako aṉata Baṉara inio ava zaria zolevo sole. Ni aṉata aqa zaria tu zolemo se maba madu pala tea aṉata pui vo Karisito vo nabulu lala inio.

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.