Jemisi 4:1 - BAṈARA KO VAIRU AMA LEVELEVEO

¹ Loma ikio koko raki koa kiadama pazokinio ni aivekinio meme erekako me ṉavio kude? Kota meko bulo kale ama ruqe ama zario kale azo ko kuevako.

Jemisi 4:1 Marejeleo ya Msalaba

Matiu 15:19

Ako vo maba ko bulo kale azo inio ko saqora voko ruqe ama vatolo tu vota o vouvato ni o zavemato ni o pauvezato ni o kuilo, ni o lipalipato, ni o sekeseketato sole.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Romu 7:23

Melai aṉata a qea edoloma bazu aṉako saevo kale ama koko pazokake koa aṉako kerukeru ko tuvevo ko ikako bazu. Kota ko piriela aṉa sarueko ko bazu kale koko iruruputako aṉako tupu kale.

Romu 7:5

Ako puliako anime lilizio sarueko kale azo, inio koa sarueko, ko Mosese ko Bazu ko pizatikema, ta ko irurupute animeko saevo kale, ni animeta me uria ka nabulupute ko vou.

Romu 8:7

So sole voa maba vo o vaekani voko kerukeru komia tupu ko saevo kale ama zario tona ta vo Baṉara vo kana ota eva, ako vota pui o zorika vo Baṉara ko bazu sole, ni tuvevo avole vota pui o rovea zoriko ko kikolani sole.

Qelesia 5:17

Ako animeko bulo kale ama kerukeru ko ruqe ama zario ta pui ijatinia ko kati eva sole vo Baṉara ko auvana kale ama zario, ni komia omuqa quli ta kota kanaekinia. Sole meta odiziomo Baṉara ko Auvana kale tu pui ereko meko ruqe ama kerukeru kokai zariovo ama quli ereko.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

2 Timoti 2:23

Melai taka papariovi koa utube ama ni sarube ama pesipesi, ako ṉota ṉoqai nianiia kota zolizoliekinio ni aivekinio sama ikio sole.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

Taitasi 3:9

Melai taka papariovi ko sarube ama aivekinio, ni ko rosi ama koilokoilo poso ko aivekinio, ni vo Mosese ko Bazu kai ketuketuekinio. Ako koa kiadama ti utube ama ni kalo pide ama sole.

Jemisi 1:14

Melai voa maba ta voko zario kale inio o koani ko zolizolito ni ko tataeva vo ni ko jouraeva o ṉaviko ruqe ama kerukeru roa kale jari.

Jemisi 4:3

So keru meme baseka keru, meta pui me qoa ko quli meme basekako quli, ako meko zio ta edolovo sole, ako meta me baseka ko quli me ṉaviko zario ko quli pala sole.

1 Pita 1:14

Ni meta zorivomo vo Baṉara mevo Mama, ni pui mata kai zario ruqe ama quli ko meme erekema ko paloasako taku kale, me puliako vai nianiio vo Baṉara.

1 Pita 2:11

A baerebaere poso, erisaṉa meta pui komia ruqe ama peuru ma peuru ko kunialea mela. So inio aṉata a mela zaivota me tu meda ka balauvou meko tupu kokai zariako ereko, ako komi quli ta ko kati kanaekimou sole meko auvana poso.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

2 Pita 3:3

Ni matu qulepo ama quli tu meta meqai nianiiovou ko quli ko ereilo ama quli tovama taku kale. Se maba poso ta ke melai niureovou me ni seta kebeta erekatou ko ruqeruqe ama kalo seko tupu ko zario ko lulueko kale.