Jemisi 1:5 - BAṈARA KO VAIRU AMA LEVELEVEO

⁵ Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.

Jemisi 1:5 Marejeleo ya Msalaba

Matiu 11:20

Ni koa matu peuru kale ama maba poso sai Jisu o erekekoi voko matu kubo aqasiele ama iruruputo ta pui ke liliziake seko ruqe kale azo, so sole Jisu ta o riqaemake se koa matu peuru kale amu ni eri ma kiolake,

Maka 16:14

Ni koko tovatova nio Jisu ta omai puratake voko toni omadeu disaipeli madu kebeta vuatakoi. Ni vota o riqaemake se, ako seko bulo ta zokele ni seta pui tuvevo ke imake sole seke veveni voko mata saevo.

Jone 14:13

Ni ko quli meme baseko ama aṉako ṉikale, aṉata a mela erekou ko, tu vo Mama ta o ṉaṉaidara puilou vovo Meqora kale.

Jone 15:7

Ni meta me elou aṉa tona ni aṉako bazubazu ta ko elou me tona, inio meta me basekou ko me meqa zariako quli ni meta me qovou inio ko.

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

2 Koriniti 2:16

Koa animeko bazu ta uria tui ama bube ko tui jari seke pakiziani kasi. Melai koa bazu ta matu ruqea tui ama quli ko tui jari se noqola tolailo ke elo amu kasi. Ni kake ta esa eri kikevou, puliala ta o male ereko komia bazubazuto ko iruruputo.

Jemisi 1:17

Kiadama uri ama ni kiadama sidopu ama katizato ta ko kuevako aukale azo; kota ko saqora Baṉara kasi azo, vo o erekeni aukale ama zakaremu poso, ṉaniu ni kaboso ni Suti poso, ni voko zakaremu ta pui ko besizia omadeuvo kaboso ko zakaremu ko besizia jari.

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

Jemisi 5:16

So sole meta kai eraeraekiniomo meko sarueko poso me ṉavio kude, ni tauvekiniomo vararaito kale me ṉavio kude, so inio me urikou. Ako vo sidopu ala maba ko vararaito ta ko ereka piza kama quli sole.

1 Jone 3:22

ni vo Baṉara ta o katimelou ko quli anime me baseko ama. Animeta me qovou ko, ako animeta me zorika sole vo Baṉara ko bazu, ni me ereka sole vo ko zolevako quli.