Iruruputo 26:23 - BAṈARA KO VAIRU AMA LEVELEVEO

²³ vo Baṉara o soroevani Pakio ta o vouvou ni vo inio kuleto ala maba vo o saevo ala voukale azo, tu o katimo ko pakio ko zakaremu se Jiu amu ni pui Jiu amu,” kiolake.

Iruruputo 26:23 Marejeleo ya Msalaba

Luke 24:26

Noi nio pui qe paqumuka kota ko malezika tu vo Baṉara o pitoevani Pakio ta tapata o toraeka ni o vouva saita inio vota okai amaqeovou voko ṉaṉaidara?”

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

Kolosi 1:18

Vo inio koko lezu voko lotu qoqono, ni vo inio koko raki koko saevo, vo inio vo kuleto ala vo o saeveni voukale azo, tu vo o kiada ta raura o elo kiadama quli kale azo.

Hiburu 2:10

Baṉara inio o ereke kiadama quli ni o kati vaila, so sole ko male vota o okotikake vo Jisu ko sidopu voko tolaevo kale, tu voko meqora poso mela ta kubo mela me elou voko ṉaṉaidara kale. Ako vo Jisu inio vo o odiemelani anime pakiezato kale.

1 Koriniti 15:3

Aṉata a melai pakeke me ko quli ko lula aṉa a qoako a ṉavi koa matu qulepo ama bazu, eri kikolako: Vo Karisito ta o mela vovi animeko sarueko poso kale avo, Tabu ama Riki kikolani jari;

Luke 2:32

Vota kala zakaremu tu kasa o ikou ṉoko vatolo kiadama peuru ma peuru kale ama qoqono poso kasi ni vota o kati kilou ko ṉaṉaidara ṉoko mabamu Izireli mu kasi!” kiolake.

Jone 10:18

Puliala ta o rovea tala kovo aṉako saevo aṉa kasi azo. Melai aṉata a buarika aṉako saevo aṉako tuvevo ama zario kale. Aṉa inio koko raki lala tu a vaeko, ni aṉa inio koko raki lala tu mata a dova kovo. Ko ikio aṉavo Mama o lati soruekema tu aṉata a ereko sole,” kiolake.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Iruruputo 26:8

Noi sole inio me koi me evani mela ta pui me rovea tuvevo pueko vo Baṉara ta o saevima se voumu kio?

Iruruputo 13:34

Ni eri nio Baṉara ka kiovevo Jisu ko mata saevo voukale azo, ta pui opa sapeovou niami kale: ‘Aṉata a qatimelou ko tabu ni tuvevo ama mauruto ko aṉa Devita leveleveo ava kasekema,’ kiolake.

Iruruputo 3:18

Melai vo Baṉara ta lula o pidokike se poropita madu kale kude ta vo o soroevo ala Pakio ta o tolailou; ni kota tuvevo ko evake vokale.

Jone 11:25

Nio Jisu ta eri kiolake kokasi, “Aṉa inio ko tuvevo ama saevo ni voukale azo ama mata saevo lala. Vo o tuvevo puelani aṉa ta o saevou, vota o vouvou melai mata o saevou,

Luke 24:46

ni vota eri kiolake sekasi, “Kota lula ko rikiziovi ko eri, vo Baṉara o soroevani Pakio ta o tolailou ni o vouvailou ni zouke ama ṉaniu kale vota mata o tova saevou voukale azo,

Matiu 27:53

Ni seta ke vaekake ke ṉaviṉavi ko niami, ni Jisu ko mata saevo voukale azo ko tova inio seta ke olake Jerusalema, Baṉara ko Tabu ama Peuru kale, ni kubo madu ta ke uria meake se.

Matiu 26:24

Ako aṉa maba a eveni lala ta soa vou inio a elo avo ko Tabu ama Riki kikovevo sole. Melai matu ruqe ama quli kio kovai barolou voa maba vo o saiqorilo ala aṉa maba a eveni lala, ni noni kaqe inio ota alile?” kiolake vo Jisu.

Iruruputo 3:24

“Kiadama poropita madu seke bazubazuteni, Samuela ni se voko tova ke eveni ta ke kaseke so keru komia taku kale ko ereivako quli.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.