Iruruputo 21:8 - BAṈARA KO VAIRU AMA LEVELEVEO

⁸ Ni koko raneo kale inio eṉeta ṉeda olake ni ṉe baroake Sizaria? Sai nio ṉe evake Pilipi ko pade kale vo okai bazubazutani vo Jisu ko Uri ama Bazu, kala pado seke pitoini kale ala ke tauvezateni Jerusalema.

Iruruputo 21:8 Marejeleo ya Msalaba

Iruruputo 10:1

Ni kala pado maba ta obeta evake Sizaria peuru kale Koniliasi va kikelani, vota kala sirula Romu ama pazokinio ko maba poso vo. Voko vakimuo ko poqala ko ṉi ta “Itali ama vakimuo ko poqala” ikio.

Iruruputo 16:10

Eria kelo o evake vo Paula koa kelokelozato, ti ṉebeta zarizari a ke inio tu ṉe zio Masedonia, ako eṉeta ṉeqai nianiiake ta vo Baṉara inio o nokaeṉela eṉe tu ṉeqai bazubazuto ko Uri ama Bazu sai ke evani maba poso kasi kiṉelake sole.

Iruruputo 16:13

Ni kala Sabati ṉaniu kale inio eṉeta ṉeda saqorake koa peuru ko veutu kale kude ni ṉeda olake kala orori ko kama rana, sai eṉe ṉe qerukeruekekoi ta koa zae ta kama pado zae sai Jiu amu ke roveakoi padoilo vararaitole. Eṉeta ṉe bapuake ni ṉe mati pesipesitake sea rekoreko poso se sai ke padoini vararaitole.

Iruruputo 16:16

Ni omadeu ṉaniu kale eṉe ṉe qeve keru vararaito ko zaekale, eṉeta ṉe doraekake kama pado mabaku ama sinaqu rusu ziolo sama, koko roveako pidokiko koko ereilo ama quli. Koa iruruputo kale inio kota koma koake matu kubo takula koko lekasa poso.

Iruruputo 18:22

Ni so keru vo o varerika keru Sizaria, vota o olake Jerusalema soipikole ko lotu qoqono sai ko evako, sai kazo inio vota o olake Anitioko.

Iruruputo 20:13

Ni eṉeta ṉebeta olake kuleto vaka kale Asosi peuru kale, melai o ṉavi Paula ta ota roraoke sai, ni eṉeko korokoroti kale eṉeta ṉe zazuevou vo sai sole.

Iruruputo 20:6

Ni eṉeta ṉe dadaoke Pilipai azo Isiti pide ama Bereti Ṉojola ko tova, ni sike ṉaniu ko paloasake inio eṉeta ṉe doraemake se Toroasi, ni eṉeta sikeura ṉaniu ṉeda evake sai.

Iruruputo 21:16

Ni kake seke tuvevo putani Sizaria mu ta ke lulueṉelake eṉe ni ke ṉelati olake kala maba ko pade kasi sai eṉe ṉe eloa koi—voa maba ta Nasoni Saipirasi ala, se kuleto ke tuvevo puteni kale ala.

Iruruputo 23:23

Nio vo solodia madu vo kuleto ala ta o nokaekake omuqa voko sirula kidi ni eri ka kiolake, “Qeta inainaemoko omuqa paizana solodia madu tu ke zio Sizaria peuru kale, sikeura toni solodia hose topi ke zazuani sate, ni omuqa paizana sopere ke borikani sate, tu ke vaekou koi oduadu ipu kale siakava koloko kale.

Iruruputo 27:1

Ni so keru seke vatoeka keru tu eṉeta ṉeda pakeo vaka kale Itali, inio Paula ni mata kake maba poso pirito pade kale ke evani ta ke vaemake kala Romu ala sirula ko ṉase topi, Juliasi o ṉi sala. Vota kala pado vo “Romu ala Matu Aikovakova ko Vaki Poqala” kale ala.

Iruruputo 28:11

Zouke kaboso sai ṉe evake inio eṉeta ṉe vaekaziake Alekezadaria ala vaka kale, modi baṉara beku votonio sala, vo koa sarosaroro ko taku kale o eveni koa udu kale.

Iruruputo 28:16

Ni so keru eṉe ṉe baroa keru Romu, seta ke zarievake vo Paula tu vota o elo kala pade kale kala solodia ko vailo kale.

Iruruputo 6:5

Nio koa pado ama poqala kale ama maba poso ta keka zoleike se apositolo madu ko kerukeru, so sole seta ke pitoevake vo Sitiveni, vo Tabu ala Auvana ovai sukatani ni piza kama oqu sala maba, ni Pilipi, Porokorasi, Nikano, Timoni, Pamenasi, ni Nikolasi kala pui Jiu ala, Anitioko ala Jiu lotu o luluekeni puliako tuvevo puevo vo Jisu.

Iruruputo 9:30

Nio so keru seke tuvevo putani ke paqumuke keru ko, seta ke vati olake vo Saula Sizaria, ivere ketaketama peuru kale, ni ke soroevake vo vaka kale Tasisi peuru kale.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

2 Timoti 4:5

Melai ṉota vinai ṉo ṉavi ṉoko uri ama kerukeru kale kiada keru, pataite tapata kale, ereka ko iruruputo vo Uri ama Bazu okai bazutani ko, ni puratika ṉoko pado ama va nabuluputo vo Baṉara.