Iruruputo 2:43 - BAṈARA KO VAIRU AMA LEVELEVEO

⁴³ Ni se apositolo madu ta ke erekake kubo urikato ni aqasiele ama iruruputo, so sole kiadama maba poso ta komai sukatake vo Baṉara tava paṉao.

Iruruputo 2:43 Marejeleo ya Msalaba

Maka 16:17

Ni seke tuvevo puto amu ta Baṉara inio o katimou se ko pizato ni ke erekou aqasiele ama iruruputo. Ni seta ke rerikou ko ziolo poso aṉako ṉikale, ni seta kekai pesiovou azaazama pesio.

Luke 7:16

Ni sea kiadamu ta keta matu ṉake, ni seta ke rauraevake vo Baṉara ni eri kikelake, “Matula poropita ta o purata anime kasi!” kikelake, ni mata “Baṉara ta lula o kueva tu o pakiemo voko maba poso!” kikelake.

Luke 8:37

Nio kiadama maba poso koa Qerasa zaekale ke evani ta ke pasevake vo Jisu tu vota o vaemo se, ako sea kiadamu saizamu ta keta ṉake sole. So sole vota ota zazuke kala koaka topi tu o vaemo se.

Jone 14:12

Tuvevo avole aṉata a bazuemela me, vo tuvevo o ilani aṉa ta vo melai o erekou koa iruruputo aṉa a erekako—tuvevo, koa iruruputo vo o ereko ama ta kokai paloasou aṉa a erekako iruruputo poso, ako aṉata a zio a Mama kasi sole.

Iruruputo 2:22

“Me Izireli amu mela, meta viqomo komia bazu! Vo Baṉara ko vai zoleilo ni kativo voko iruruputo Nazareti ala Jisu ta ko uria purata mekasi kiadama aqasiele ama urikato ni aqasiele ama iruruputo kale vo Baṉara o erekema vokale. Me ṉavi meta meqai nianiiani mela ko quli, ako kota kota erei koi mekasi sole.

Iruruputo 4:33

Ni matuma pizato kale se apositolo madu ta kekai bazutake vo Lekasa Jisu ko mata saevo voukale azo, ni vo Baṉara ko mauruto ta komai raibiziake sea kiadamu.

Iruruputo 5:5

Nio so keru Ananaiasi o viqa keru ko, vota ota piake ni ota vouvake. Nio kiadamu seke viqeni koa bazu ta keta matu ṉake.

Iruruputo 9:34

Nio Pita ta eri kiolake vokasi, “Iniasi, vo Jisu Karisito ta o urikiṉa ṉo. Loje ni lokieka ṉoko kobo,” kiolake. Nio Iniasi ta taukavole o lojoake.

Iruruputo 9:40

Ni Pita ta o saqorimake sea kiadamu koa lose kale azo, ni o iqeiqeake ni o vararaitake. Ni vota o lilitake koa vouma tupu kasi ni eri ka kiolake, “Tabita, loje!” kiolake. Ni kota ko leqosikake ko vilu, ni kota ko veake vo Pita, ni kota kota papuake.