Iruruputo 2:11 - BAṈARA KO VAIRU AMA LEVELEVEO

¹¹ Jiu amu melai, pui Jiu amu seke luluekani Jiu amu ko lotu melai, ni kake mela anime ta Kiriti ni Arebia azo—melai animea kiada mela ta mebe tama viqa se kekai bazubazutake quli me navinavi ko maba pesio kale koa matuma quli vo Baṉara o erekako!” kikelake.

Iruruputo 2:11 Marejeleo ya Msalaba

Iruruputo 2:10

ni Pirijia, ni Pamipilia azo, ni Ijipi azo ni Libia ranʼazo Sairini peuru ko sipole. Kake mela anime ta Romu azo,

Iruruputo 2:12

Seko vuzeilo ni niuniala kale seta keta kuimaekiniake ke ṉavio kude, “Loma ikio komi ko kio ni kalo?” kikelake.

Iruruputo 27:12

Ni koa titiana ta pui uri ama tu kai elo sabere ko sarosororo ko taku kale ama taku kale; so sole kubo maba madu ta keka zariake tadao koa titiana kale azo tu ke madoekou tu kekai barolo ko Poenikisi ni sai ke elo koa sarosaroro ko taku kale. Poenikisi ta kama pado Kiriti udu kale ama titiana sama peuru ikio, koko ṉaniu ko sulupakoi vasia rana ko evako, palo ni made rana veukaveuka sama. Sai nio uri ama daipadaipa sakoi koa sabere ko taku.

Iruruputo 27:13

Ni uri ama ururu ta kota tanitake puzeto, nio sea maba poso ko kerukeru kale ta keta roveovou talio kikelake, sole seta ke koiviekake ko titi, ni seta ke babatake Kiriti udu ko keta ko sipole.

Iruruputo 27:7

Ni eṉeta matu oluoluavole tepe kale ṉe daliake kubo ṉaniu ni koa talio ta matuma tapata kale kude inio eṉeta ṉe varerikake Kanaidasi peuru kale. Kapea ururu kale ta pui ṉe roveake togarao, nio eṉeta pui sidopua talio ṉe evake, so sole eṉeta ṉe bakeake Kiriti udu ko daipadaipa vasi, ni ṉeqai alokatake ko Salomone kelekele.

1 Koriniti 12:10

Vota o kativa mata kala maba aqasiele ama iruruputo ko pizato, ni mata kala ta o kativa vo Baṉara kasi azo ama bazu poso kai pesio ko pizato, ni mata kala ta o kativa ko pizato tu o nianiieko ko soama bazu poso ta Tabu ala Auvana kasi azo ko kuevako ma ziolo kasi azo ko kuevako kio. Mata kala ta o kativa kai bazuto ko pui okai nianiiako pesio poso ko pizato, ni mata kala ta o kativa ko pizato tu o rupasiko ko lula ko kaseivako koa pesio poso kale.

1 Koriniti 12:28

Vo Baṉara ta lula o vaemela animea kiada mela me ṉaviṉavi ko zaekale voko lotu qoqono kale. Kuleto ta se apositolo madu, omuqama pado zaekale ta o vaema se poropita madu, ni zouke ala pado zaekale ta o vaema se nianiiekato ko maba madu. Koko tova ta se aqasiele ama iruruputo ko maba poso, koko tova ta se urikato ko maba poso, ni seke tauvemani edolomu, ni seke korokorotimani se lotu qoqono azaazama iruruputo kale, ni se kekai pesiani pui kekai nianiiako pesio kale.

Qelesia 1:17

Ni aṉata pui aba keve Jerusalema melole se lula apositolo ke evani aṉa puliako apositolo elo, melai koa ziole ti ada olake Arebia, ni koko tova nio a vaitake Damasikasi.

Qelesia 4:25

Sole kota Sainai sopu jari Arebia ni kota mata ko mamola pueka komia miduku kale ama Jiu mu ko matu peuru Jerusalema. Ako Jerusalema matu peuru ta mabaku niania jari, ni saizama maba poso Jiu mu ta koko mabaku meqora poso jari, vo Mosese ko Bazu ko mabaku madu.

Taitasi 1:12

Kala pado Kiriti ala maba, vo ke ṉavivo poropita o eveni, inio ota ka kasekeni koko tuveano so keru eri kiove keru, “Se Kiriti amu ta lipalipa kamu kiada keru, ni kade amu ni lupalupa kamu ni vuaṉaroṉaro amu.” Komi kale avo ṉota matu riqaema se tu seta vairu ke ikou seko oqu,

Taitasi 1:5

Aṉata a vaeṉe ṉo Kiriti udu kale, tu ṉota ṉo uria korotikou ko pui nio ko paizaivako iruruputo, ni ṉo bitoemou se lotu tanamu peuru poso kale. Ṉota ṉo qerukeruekou aṉako bazu poso, ko eri kio sama.

Hiburu 2:4

Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako o ṉaviko vatolo kale.