Hiburu 8:13 - BAṈARA KO VAIRU AMA LEVELEVEO

¹³ Baṉara ko kai pesio kale koa vairu ama leveleveo vota tana o ikake koa kuleto ama pado leveleveo; ni ko quli lula tana ko evako ni lula lekuleku ama ta taukavole kota muluatou.

Hiburu 8:13 Marejeleo ya Msalaba

Matiu 24:35

Au ni miduku ta kota ruvurou melai aṉako bazubazu ta maba pui ti pui kopa ruvurou,” kiolake.

Luke 22:20

Ni koa omadeuvo jari, koa vuato ko tova inio vota o katimake ko kapa vaini ko ju sama, ni eri kiolake, “Komia kapa vaini ko ju sama ta ko mamola pueka aṉako dara, koko rereovo ama tu ko pakiemelo me, ni komia aṉako vou kio ko vinaeko ama vo Baṉara ko vairu ama leveleveo maba poso kasi.

1 Koriniti 13:8

Roquano ta noqola kama. Melai komia kiadama quli ta kota paitou, koa pidokato ko bazu poso ni koa edoloma vekalo pesio kai pesio ko pizato, ni nianiio.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Hiburu 1:11

Ko quli poso ta kota ruvurou, melai ṉota noqola ṉo elou; Ko quli poso ta suma jaria rotizio kota elou.

Hiburu 12:24

Meta lula meda baroa vo Jisu kasi vo o pizatikeni ko vairu ama leveleveo vo Baṉara o erekema maba poso kasi. Voko dara ikio koko pirupusaima, ko kasa ko ikako akoekato sama roquano tu anime kaqe, koko taka qulepako vo Ebolo ko dara vaitotola sama.

Hiburu 7:22

Ako koa kejo kale Jisu ta tuvevo saṉa ni vinavina o ika ko leveleveo ni vokale kude animeta meqai nianiia ta kota kokai paloasa ko lulama leveleveo.

Hiburu 8:6

Melai erisaṉa animeta me baqumuka vo Jisu o erekako iruruputo ta kokai paloasa sea siama madu ke erekako iruruputo kasi azo, omadeuvo jari vo Jisu o erekema leveleveo Baṉara ni maba ko tiania ta qulepo ama, ako koa leveleveo ta ko vinaiva rakimato qulepo ama quli kale sole, vo Baṉara o mela ereko kiolako.

Hiburu 8:8

Melai Baṉara ta o keake ko sarueko voko mabamu tona so sole vota eri kiolake, “Ko kilo ama ṉaniu poso kale aṉata a erevou kala pado vairu ala leveleveo se aṉako maba madu se Izireli amu kasi ni se Jiuda amu kasi.

Hiburu 9:15

Sokale avo inio vo Karisito o lojoani Baṉara ni maba ko tiania, ta o ereka ko vairu ama leveleveo tu vo Baṉara o pitoemeni maba poso ta ke kovou koa uri ama quli vo Baṉara lula oma inainaekako tu o katimo se tu seta noqola ṉeamuko ke elou. Komi quli ta kota ereilou ako Karisito ko voukale se maba poso ta ke rupasiovi ruqe ama quli kale azo seke erekema seko lulueko kale kuleto ama leveleveo.