Hiburu 7:6 - BAṈARA KO VAIRU AMA LEVELEVEO

⁶ Melekizedeki ta pui Livai ko toutou kale ala inio melai vota o koe ko toni ama Ebarahami kasi azo ni so jari vota o maurumauruevake vo Ebarahami, vo Baṉara lula ova kasekeni voko leveleveo poso.

Hiburu 7:6 Marejeleo ya Msalaba

Iruruputo 3:25

Vo Baṉara o inainaekema quli o kasekema se poropita madu kale kude ta me kaqe, ni koa korokoroti vo Baṉara o erekema meko taite poso kasi ta meko leveleveo, ko eri ka kiovema Ebarahami kasi, ‘Noko vikuvikula kale aṉata mauru a imou kiadama toutou poso peuru ma peuru kale amu.’

Romu 4:13

Ni so keru vo Baṉara o vati korotike keru vo Ebarahami ko peuru ma peuru ta vo ni voko vikuvikula ko leveleveo ikio kio, vota so o ikake, pui vo Ebarahami ko zoriko kale ko Bazu, melai vo Ebarahami ta o tuvevo putake nio vo Baṉara ta sidopu ala va kiolake.

Romu 9:4

Se inio vo Baṉara ko maba madu ni se inio voko meqora poso o imeni, ni omai kasa puekeni voko ṉaṉaidara kama pizato; ni se inio mata omai vikuekeni voko piza kama leveleveo poso ni o katimeni Mosese ko Bazu; ni se inio ke ṉeamukeni ko tuvevo ama ilusato ko keve; ni se inio mata vo Baṉara leveleveo oma ikeni voko pakio.

Qelesia 3:16

Ni vo Baṉara ta o erekake voko leveleveo Ebarahami ni voko vikuvikula kale ala kasi. Melai vo Baṉara ta pui eri kiolake, “ṉo ni ṉoko vikuvikula kale amu kasi” ta pui so kiolake, ako so kio ta matu kubo maba poso inio sole. Melai Baṉara ta eri nio kiolake, “ṉo ni ṉoko vikuvikula kale ala kasi,” kiolake. Ako so kio ta omadeu pado maba sole ni vo inio vo Karisito.

Hiburu 11:13

Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.

Hiburu 11:17

Oqu kale inio Ebarahami ta siqasiqa kaqe o ivo kiolake vovo meqora Aisake so keru vo Baṉara o madoeve keru vo Ebarahami. Ebarahami ta kala pado maba vo Baṉara lula o kativeni ko vario ko leveleveo, melai vota o inainaoke tu vota ovai ereko ko siqasiqa vovo pado meqora kiolake.

Hiburu 7:1

Voa Melekizedeki ta Selema peuru kale lekasa o eveni ni Matu Raura kala Baṉara vo siama. So keru Ebarahami obeta vaita keru pazokinio kale azo opa ruvurime keru ariku lekasa, so keru inio Melekizedeki ta opa toraevake vo, ni vota o maurumauruevake vo,

Hiburu 7:7

Animeta me baqumuka ta vo mauru o ikazateni ta raura kala vo mauruto o koeni kasi azo kio.