Hiburu 7:1 - BAṈARA KO VAIRU AMA LEVELEVEO

¹ Voa Melekizedeki ta Selema peuru kale lekasa o eveni ni Matu Raura kala Baṉara vo siama. So keru Ebarahami obeta vaita keru pazokinio kale azo opa ruvurime keru ariku lekasa, so keru inio Melekizedeki ta opa toraevake vo, ni vota o maurumauruevake vo,

Hiburu 7:1 Marejeleo ya Msalaba

Maka 5:7

Nio vo Jisu ta o bazuekake koa ziolo tu ko saqoro voa maba kale azo. Nio koa ziolo ta kota karakararautake matuma kora kale ni eri kikolake, “Jisu, vo matu raura kala Baṉara vo Meqora ṉa! Noni ṉo ilo kinola inio aṉa? Vo Baṉara ko ṉikale, aṉata a baseṉa ṉo tu pui ṉo qoqotaelo aṉa,” kikolake.

Iruruputo 16:17

Ni kota ko lulueṉelake Paula ni eṉe upaupatole ni eri kikolake, “Nia maba poso inio vo Matu Raura kala Baṉara ko nabulu madu! Ni se inio ke mela kasekani me pakio ko keve!” kikolake.

Hiburu 6:20

Jisu o kiada inio lula o amaqeovini sai anime kaqe, ni noqola kala ṉisa siama o eveni, Melekizedeki jari.

Hiburu 7:2

nio Ebarahami ta o kativake vo koko toni ama koa lomaloma poso ko, vo sai opa koema. (Kuleto ama Melekizedeki ko ṉi ko kio ni kalo ta “Sidopu ko Lekasa,” ni seta mata kevai nokaeke “Bule ko Lekasa,” ako vota lekasa o eve Selema peuru kale sole, ko Hiburu pesio kale “Bule” kekai nokaekema.)

Hiburu 7:3

Tabu ama Riki kale ta pui kopa rikiziovi ko lainioqa inio voko niania ni mama, ni pui kopa kasei vota ukoa vikuvikula kale ala inio kio, ni pui kopa kasei voko alilo ni voko vou. Sole vota Baṉara vo Meqora jari ala, ako voko siama iruruputo ta noqola kobeta eva.

Hiburu 7:6

Melekizedeki ta pui Livai ko toutou kale ala inio melai vota o koe ko toni ama Ebarahami kasi azo ni so jari vota o maurumauruevake vo Ebarahami, vo Baṉara lula ova kasekeni voko leveleveo poso.