Hiburu 6:1 - BAṈARA KO VAIRU AMA LEVELEVEO

¹ So sole animeta me zuato koa nianiiekato, ko muqaro ko imelo ama anime auvana kale, tu pui me noqoeko pala ko kuleto ama quli lotu ko. Koa kuleto ama quli lotu ko ta pui me dova tanieko zakaremu pueko, ko eri ama: ko lilizio utu ama iruruputo ko ereko kale azo, koko melati ziovo ama auvana kale ama voukale; vo Baṉara vai oqu,

Hiburu 6:1 Marejeleo ya Msalaba

Matiu 21:29

Melai nea meqora ta ota lupaoke zio, melai koko tova vota o besiekake voko kerukeru ni ota olake iruruputole.

Matiu 21:32

Kota so ko kava ako meta pui tuvevo meba ive sole vo Jone Bapitaiso, vo o kuevini mela kasekole ko sidopu tu meta me erekou. Melai se takisi ke koani ni seke sasave putani inio ke tuvevo pueve, melai meta mebe keve seko kalo, melai meta pui meba besieke meko kerukeru tu me duvevo puevo vo sole,” kiolake vo Jisu.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 5:48

Melai meta uria sidopu emo, ni roquemomo kiadama maba poso meko pado ama bulo kale, omadeuvo jari mevo aukale ala Mama ta sidopu ala ni vota soa roquemo inio o evani sea kiadamu.”

Matiu 7:25

Nio ko nioro ta ko pia, ni nioqololo ta ko saqora, ni ururu ta ko buirita ni ko puzeka koa pade. Melai kota pui ko pia, ako kota vinavina kama oruorumu sama sole lado topi.

Maka 1:1

Komia Uri ama Bazu ta Jisu Karisito, Baṉara vo Meqora ko kasevako,

Maka 6:12

So sole seta keta olake ni ke bazubazutake tu maba madu ta ke liliziovou seko ruqe kale azo.

Luke 6:48

Vota kala pado maba vo o ereveni kala pade jari ala, vo matu saqoro o ikeni ko soqili ni o papuekeni koko vola lado topi. Ni ko nioqololo ta ko saqorake ni ko ibaekake koa pade melai kota pui ko viliake, ako kota lula uria vinavina ereere ama sole.

Jone 12:44

Ni vo Jisu ta mata o kuevake ni oma puratake sea vaki, ni vota o velavelaoke ni eri kiolake, “Vo tuvevo o ilani aṉa ta o tuvevo pueva vo aṉa o soroeleni voko tuvevo puelo kale aṉa.

Jone 14:1

Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa.

Jone 5:24

“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Iruruputo 26:20

Kuleto ta Damasikasi ti Jerusalema ni koa pado ama Jiudia ni mata se pui Jiu amu kasi aṉata aba bazubazute sai tu seta ke lilizio seko sarueko poso kale azo ni ke lilizio Baṉara kasi ni ke ereko ko quli seko lilizio kasa ko iko ama.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

1 Koriniti 13:10

melai so keru ko barolou keru koa pado ama, ta koa kobu pala sama ta kota paitou.

1 Koriniti 2:6

Melai aṉata a qaseka ko raura kama nianiio ko bazu se piza kama oqu samu kasi, melai kota pui komia peuru ma peuru ni koko lekasa poso ka kikelako nianiio, seke noqola tolailo amu.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

2 Koriniti 7:10

Ako koa duki vo Baṉara o erekako ikio ko besiekako meko bulo ni ko odiemelako pakio kale, ni meta pui upotuqu meba kai elou koa duki vo Baṉara o melai pakiekako me! Melai vo pui o tuvevo putani maba ko duki ta pui ko besieka voko bulo ni kota ko odieva vo noqola kama tolailo kale.

Epesasi 2:1

Ni koko paloasako taku kale meko auvana ta vouma meko boutare ni pui zoripato kale.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Epesasi 4:12

Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

Kolosi 3:14

Kiadama koa uri ama kalo poso ta kai iruruputomo roquano kale, ko omadeu tubo ko iko ama koa kiadama, tu pulia quli ta ko niumaekou meko omadeu elo.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

1 Timoti 6:19

Komia keve kale kude inio seta noqola kama batiro saṉa ke elou ti ke kovou koa noqola kama saevo, koa tuvevo ama saevo.

2 Timoti 2:19

Melai vo Baṉara ko maba poso ko vinavina kama vola vo Baṉara lula o erekema ta puliala o rovea vezokiko, ni ko topi ta ko rikiziake komia pesio: “Vo Baṉara ta omai nianiia o ṉaviko madu” ni “Se eṉe inio ko vo Baṉara ko maba madu ṉela kikelani ta ke lilizio ko ruqe ama iruruputo ko ereko kale azo.”

Hiburu 11:6

Puliala maba ta o rovea zolevo vo Baṉara oqu pide ala, ako vo oka zariani kilo Baṉara kasi ta o tuvevo puevou vo Baṉara ta inevoana, ni o tuvevo puekou ta vota reketekete saṉa o imani seke vailivani vo.

Hiburu 12:13

Pizaka talio emo sidopu ama keve kale tu se pui ke paqumukani seko oqu ta pui utu amu ke elo Baṉara kasi tu seta mata ke pizatou auvana kale.

Hiburu 7:11

Livai madu ko siama elo ko taku keru inio se Izireli amu ta ke koake ko Mosese ko Bazu. Melai sea siama madu ko iruruputo ta pui nio ko male, so sole kala pado siama ta o puratake, vo inio vo Jisu Melekizedeki ko keve o luluekeni, pui Eroni ko keve.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Jemisi 1:4

Meta pizaka lojo emo kiadama taku keru, tu meta sidopu ni muqaro me elou, ni pulia quli ta meba ka lilililitou.

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.

1 Jone 4:12

Ako puliala maba inio o veani sole vo Baṉara. Melai animeta me roquekiniou, nio vo Baṉara ta o elou anime tona. Ni animeta me roquekiniou muli, inio voko roquano ta ko maba puratou animeko kalo kale.