Hiburu 5:12 - BAṈARA KO VAIRU AMA LEVELEVEO

¹² Erisaṉa meta lula ko male tu nianiiekato ko maba elo, melai meta pui nio me ereka. Edolomu inio kebe melai nianiiekika ko kuleto ama bazu poso vo Baṉara ko bazubazu Jisu kale avo. Meta me male kuo ko zokele ama sailao se muqaroma maba poso jari, melai meta mebeta nozuta ko susu.

Hiburu 5:12 Marejeleo ya Msalaba

Matiu 17:17

Nio Jisu ta eri kiolake, “Mea maba poso komia taku kalea mela ta puliama oqu samela ni sarusarua mela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!”

Maka 9:19

Nio Jisu ta eri kiolake, “Mea maba poso mela komia taku kalea mela ta puliama oqu samela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!” kiolake.

Iruruputo 7:38

Vo inio vo vo o eveni Izireli ama qoqono sase seko padoilo kale lealea kama zaekale, vo inio sai o eveni animeko taite poso sase ni voa mateana sase vo o pesiovini Sainai sopu kale, ni vo inio o koeni vo Baṉara ko saevoma bazu ni vo o melai vikuekeni anime.

Romu 3:2

Tuvevo kota matu uri ama quli tu Jiu elo! Ako se Jiu amu inio vo Baṉara o mati keruini o ṉaviko bazubazu sole.

1 Koriniti 14:19

Melai ko lotu padopadoilo kale ta aṉako rukueko sike pado zakaremu ama rukuruku poso, koko tauvemo ama se edolomu, ta kokai qulepa aṉako kai pesio kale vurovuro pui ko paqumuako pesio kale.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

Qelesia 4:3

Ni anime melai so inio lula animeta se meqora poso jari. Puliako Karisito kilo animeta mabaku jari me evake animeko vai nabuluputo kale vo Baṉara piza kama bazu poso ko lulueko kale.

Pilipai 3:1

A visi poso, komi ta aṉako tovatovama pesio mekasi; meta matu zoleimo vo Baṉara kale. Ni pui tapata ikio aṉa kasi tu aṉata a rikieko koa omadeuma quli mata mekasi tu ko tauvemelo me meko pakio kale.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Hiburu 10:32

Meta kerukeruekomo lulama taku so keru me kuleto meqai nianiiovi keru vo Jisu vai oqu. Koa taku meme doraeke keru ko matuma tapata melai meta me bataite ni me bizate tapata kale.

Hiburu 5:11

Kubo quli ta mata ikoana ko anime meqa zariako kaseko vo Karisito ta omadeuvo Melekizedeki jari ala inio kio, melai kota tapata tu kaseko mekasi, ako meko paqumato ta matu oluoluavo sole.

Hiburu 5:13

Vo o nozuekani ko susu ta molele obeta eva, puliama kai nianiio sate ko sidopu ni sarueko.

Hiburu 6:1

So sole animeta me zuato koa nianiiekato, ko muqaro ko imelo ama anime auvana kale, tu pui me noqoeko pala ko kuleto ama quli lotu ko. Koa kuleto ama quli lotu ko ta pui me dova tanieko zakaremu pueko, ko eri ama: ko lilizio utu ama iruruputo ko ereko kale azo, koko melati ziovo ama auvana kale ama voukale; vo Baṉara vai oqu,

1 Pita 2:2

Melai meta kai zariomo ko bulebule ama ni tuvevo ama nianiiekato, omadeuvo se molele poso jari se kekai zariani ko susu, ako so inio meta me rapukou meko auvana kale ni me bakiovou.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.