Hiburu 2:17 - BAṈARA KO VAIRU AMA LEVELEVEO

¹⁷ So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

Hiburu 2:17 Marejeleo ya Msalaba

Romu 15:17

Sole aṉako omadeu vati elo vo Jisu Karisito kale, aṉata ada rovea ka zoleilo aṉako va nabuluputo vo Baṉara.

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Epesasi 2:16

Ako vo Jisu ko vou korosi topi ama ikio ko dokolikake Jiu mu ni pui Jiu amu ko kanaekinio ni kokale vota omadeu qoqono o imake ni o mati odouvikiniake se Baṉara kasi.

Kolosi 1:21

Lulavo, meta meda pitasiovi Baṉara kasi azo, ni kana me eve, meko ereko kale koa ruqe ko meme qerukeruekema,

Hiburu 10:21

Animeta mata me ṉeamuva kala pado matula Siama, vo inio vo Jisu, vo o mati vailani Baṉara ko qoqono madu.

Hiburu 2:11

Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

Hiburu 2:14

Anime vo sasarusu mela mela kiolani mela, ta me jaevani mela marabau ni dara kale, so sole o ṉavi Jisu ta anime jaria maba o evake ni okai saevake ko tupu kale ama saevo. Vota maba o evake tu voko voukale ta o niumaevo vo Setani, vo vou ko pizato sala.

Hiburu 2:16

Ako tuvevo avole vota pui o tauvema se mateana madu animeko tauvemelo kale, melai ko Tabu ama Riki kikolani jari, “Vota o tauvema vo Ebarahami ko vikuvikula,” kikolako.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

Hiburu 3:2

Vota kerula kala Baṉara kasi, vo o pitoeveni tu o ereko koa koidi, omadeuvo vo Mosese kerula ereko o eve jari voko iruruputo Baṉara ko qoqono kasi.

Hiburu 3:5

Mosese ta kerula kala nabulu o eve Baṉara ko qoqono kasi voko mai bazueko kale se maba poso ko quli Baṉara o kaseko ama quli.

Hiburu 4:14

So sole animeta pizaka noqoe me elo ko oqu ko anime me ṉeamukako. Ako animeta kala Matu Ṉisa Siama samela sole, vo o koivini aukale Baṉara ko tanama kale, ni voa animevo Matu Ṉisa Siama inio vo Jisu, vo Baṉara vo Meqora.

Hiburu 4:15

Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.

Hiburu 5:1

Kiada keru vo ṉisa siama ta o pitoiva voko mabamu kale azo tu vota ova nabuluputo vo Baṉara sekale avo, tu vota o kativo ko siqasiqa seko sarueko poso ko akoeko kaqe.

Hiburu 5:10

nio Baṉara ta o pitoevake vo tu vota ṉisa siama o elo, omadeuvo vo Melekizedeki voa siama jari.

Hiburu 5:2

Vota lekuleku o eva kubo quli kale, so sole vota o rovea tu baisemo se pui kai nianiio kale ke erekani ko sarueko ni seke saruivani maba poso.

Hiburu 5:5

So jari nio vo Karisito ta pui opa pitoi o ṉavi tu vota raura o elo ni ṉisa siama o elo. Melai vo Baṉara va kiovevo ta eri, “Ṉota aṉavo Meqora ṉa, vairutu aṉata a bazueṉa ṉo, ta aṉata ṉovo Mama lala.”

Hiburu 6:20

Jisu o kiada inio lula o amaqeovini sai anime kaqe, ni noqola kala ṉisa siama o eveni, Melekizedeki jari.

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

Hiburu 7:28

Mosese ko Bazu kale ta ke pitoi se maba madu, se sarueko kekai zomaneni ereko, tu seta ṉisa siama madu ke elo; melai Baṉara ko kejo sama leveleveo ta ko baroake Mosese ko Bazu ko tova, ni kokale inio vota o pitoevake vo Meqora, ni noqola sidopu ala Ṉisa Siama o ivake, so sole vo inio voa Ṉisa Siama animevo male ala.

Hiburu 8:1

Ko matuma quli aṉa a qasekako ta animeta lula me ṉeamuva vo Ṉisa Siama, vo inio vo Jisu, vo o papuani Baṉara ko papupapu ko palo rana vasia rana aukale, sai vo Baṉara o lekasa puakoi pizato sate.

Hiburu 8:3

Kiadama Ṉisa Siama madu ta ke pitoivake tu seta ke kativo vo Baṉara katizato poso ni biaṉa kale ama siqasiqa, so sole animevo Ṉisa Siama melai o puariko kama quli vo Baṉara kasi.

Hiburu 9:11

Melai komia taku vo Karisito ta lula Ṉisa Siama okai eva ko uri ama quli ko lula ko baroako. Vota lula okai amaqea koa qulepo ama ni korotoma tepe pade. Koa tepe pade ta pui maba madu kepa erekema ni kota pui komia peuru ma peuru ko kama kena.