Hiburu 13:5 - BAṈARA KO VAIRU AMA LEVELEVEO

⁵ Meta pui roqueko ko takula, ni meta maleziomo ko quli meme ṉeamukako quli kale, ako Baṉara ta eri kiove sole, “Aṉata maba pui aba vaemelou me ni aṉata pui uteo aba imelou me,” kiolake.

Hiburu 13:5 Marejeleo ya Msalaba

Matiu 6:19

Nio vo Jisu ta obeta olake bazubazuto ni eri kiolake sekasi, “Meta pui padoeko meko batiro miduku kale, ako sai nio kota moatakou ni ko narakou, ni sai ta se kuilokuilo amu ta ke puraekou ko pade, ni ke kuilikou ko batiro sole.

Matiu 6:25

“So inio aṉata a bazuemela me tu meta pui tiṉoliṉoli kai elo ko quli meme quovo ama ni me nozueko ama quli ko meko tupu ko saevikako, ma ko quli meme qiako ama quli. Ako saevo ta kobe qulepa sailao azo ni tupu ta kobe qulepa sabosabo azo sole.

Matiu 6:34

So sole meta pui matu kerukerueko ko lea ko ereilo ama quli tu upotuqu ko imelo. Lea ko ereilo ama ta ko ṉavi leama, kiadama ṉaniu ta ko kati kueva ko ṉaviṉavi ko tapata ṉaniu ko sole.”

Maka 7:22

ni o zavemato, ni o pazapazailo ni o ereko mata koa ruqeruqe ama quli, lipalipato, olavo, konoilo, sekeseketato, aikailo, ni sarube puto.

Luke 3:14

Ni kama pazokinio ko maba poso ta mata ke kuimaevake vo ni eri kikelake, “Noi nio eṉe? Loma ikio eṉe ṉe erekou, tu kasa ṉe ikou eṉeko lilizio eṉeko sarueko kale azo?” kikelake. Nio vota eri ma kiolake se, “Meta pui kovo ko takula zuruzuruto kale ni lipalipaevo kale kala. Melai meta noqoimo meko tabara kale!” ma kiolake.

Luke 8:14

Ni koa rui koko piako rikosasana ko qotupakoi ta ko mamola puema seke viqani, melai seko riteraite kai elo ko batiro ni komia peuru ma peuru ko utu zoleilo ta ko piriema se ni seta pui ke epamata.

Romu 1:29

So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio

1 Koriniti 5:11

Ko aṉa a qasekema quli aṉako leta kale mekasi ta meta pui me vati baerebaereovou kala vo eri kiovo ala, “Aṉa inio meko lotu tamania kalea lala,” kiovo ala maba melai vota pauvezato ma ruqeruqeto ko maba inio, ma viluloqu o evani, ma beku o ilusikani, ma maba okai ruqe pesiani, ma saposapoito ko maba, ma kuilokuilo ala. Meta maba pui me zomanou vuato soala maba sase.

1 Koriniti 6:10

ni pui seke kuilani, ni pui se viluloqu ke evani ni pui se piza kama ju doilili kekai evani, ni pui se kemai tirazani edolomu, ni pui se kuilokuilo amu ta kepa roveovou amaqeo vo Baṉara ko lekasa puo kale.

2 Koriniti 4:9

matu kubo kana poso ta ikoana, melai eṉeta vo ṉe baerebaere satea ṉela; ni kama taku eṉe ta matuma tabi ṉe eva, melai eṉeta pui ṉe vouva.

Epesasi 5:3

Ni meta lula vo Baṉara ko maba poso mela meda eva so sole meta vaekomo ko pauvezato ni rusurusuavo puto, ni pui viluloqu me elou. Ako komi quli ta pui kopa melati mabuvou sole vo Baṉara ko tabu ama maba poso mela.

Epesasi 5:5

Ni meta meqai nianiiovou ko eri: puliala maba ta opa kovou voko reketekete vo Karisito ni Baṉara ko lekasa puo kale vo o erekani ko pauvezato ni rusurusuavo puto ni vo viluloqu o evani. Ako vo viluloqu o evani ta vota voko beku o ika inio sole ko quli vo viluloqu okai evako quli.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

2 Pita 2:14

Ni kiadama taku seke kea keru ko reko seta viluloqu kekai eva. Seko ka zario ereko ko boutare ta pui ko korotima, ni seta ke aveavema lekuleku ama maba poso boutare ko sipata kale. Ni seta kekai matu nianiiani tu seta ke muino. Melai Baṉara ta o koqotaemou sea maba poso.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

Jiudi 1:11

Matu ṉaloṉalo ama quli kio komai barolou se! Ako seta ke lulueka vo Keini ko keve sole. Ni takula ko kovo ko kio kale seta ke lulueka koa saruilo vo Beilami o erekema. Seta ke pikipikinio puta Kora o kaevo pikipikinio puto jari ni vo jaria vou keta eva.