Hiburu 13:21 - BAṈARA KO VAIRU AMA LEVELEVEO

²¹ Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

Hiburu 13:21 Marejeleo ya Msalaba

Matiu 12:50

Vo o ereko ala aṉavo aukale ala Mama okai zariako quli tu o ereko, vo inio aṉavo lasive ala visi ni reko ama visi ni aṉako niania,” kiolake vo Jisu.

Matiu 21:31

Sole lala pado nioqa tamania inio o zorikake nioqavo mama ko zario?” kiolake. Ni seta ke vati tiorikake ni eri kikelake, “Vo kaka kala meqora, vo o keveni iruruputole,” kikelake. Nio Jisu ta eri ma kiolake se, “Tuvevo. Sole tuvevo avole aṉata eri kiala mekasi, so inio se takisi ke koani ni seke sasave putani ta ke mela paloasa me seko amaqeo kale Baṉara ko lekasa puo kale.

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Matiu 7:21

“Pui sea kiadamu se eri la kikolani aṉata sevo Lekasa lala inio kepa amaqeovou vo Baṉara ko lekasa puo kale, melai seke erekani aṉavo aukale ala Mama oka zariako quli tu ke ereko inio ke amaqeovou sai.

Jone 17:23

Koa omadeu elo ta eri, aṉata se tona ni ṉota aṉa tona, tu seta tuvevoa omadeu ke elo aniṉo tona, Sokale inio se peuru ma peuru kale ama maba poso ta kekai nianiiovou ko ṉo inio ṉo joroeleni ṉa aṉa kio, ni ṉo roquemani ṉa seke tuvevo puelani aṉa aṉa ṉo ilani jaria roquelo kio.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Romu 11:36

Ako vota lula o ereke kiadama quli, ni kiadama quli ta kobeta eva vokale tu kota voko. Sole animeta me ṉaṉaidara puevou vo Baṉara latau ṉaniu ni ka ṉaniu! Emeni.

Romu 16:27

Voa omadeu pado Baṉara, vo okai nianiiani kiadama quli, ta ṉaṉaidara me ivou vo Jisu Karisito kale latau ṉaniu ni ka ṉaniu! Emeni.

2 Koriniti 9:8

Ako vo Baṉara ta o roveovou katimelo me voko matu kubo mauruto, so inio meta me qovou kiada keru ko meme male ama quli tu me ṉavi kaqe ni koko topi tiniavo tu kiadama meko uri ama iruruputo kaqe.

Qelesia 1:5

So sole ko ṉaṉaidara ta vo Baṉara ko ikio, latau ṉaniu ni ka ṉaniu. Emeni.

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Pilipai 2:11

ni eri kikevou, “Jisu Karisito ta animevo Lekasa inio,” kikevou. Ni so inio kiadamu ta ke rauraevou vo Mama Baṉara.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Pilipai 4:13

Ako vo Karisito inio o pizatilani sole. So inio aṉata a rovea kai zoleilo kiadama quli ko a doraeko ama quli kale.

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.

Kolosi 3:20

Ni me meqora poso mela, meta zorimomo meko mama ni niania poso kiada keru, ako ko ikio vo Baṉara ko zolevako quli sole.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

1 Tesalonaika 3:13

So inio vota o pizatimelou me meko bulo ni saevo kale ni meta ruqe pidea mela me elou meko tabutabuo kale vo Baṉara animevo Mama ko tanama kale, so keru animevo Lekasa Jisu o vaitou keru kiadama voko maba poso sase.

1 Tesalonaika 4:3

Ako vo Baṉara ta o mela zaria me tu meta tabu me elou ni uria lapaso me elou ko pauvezato ni ruqe ama iruruputo kale azo.

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

2 Tesalonaika 2:17

Eṉeta ṉe melati vararaita tu vota o zuvarimelou me ni o pizatimelou me, tu mebe erekou ni mebe kasekou ko uri ama quli kiada keru.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

1 Timoti 5:10

ni se kota ma kaseivani seko uri ama iruruputo poso, ni seke mati uria vailani seko meqora poso, ni seke baroekimani se edolomu seko pade kasi, ni se keta ma panaovani ti kema koidipani seke luluevani vo Karisito, ni se lula ke tauvezatani tapata keru, ni se dikidauputole ke erekani kiadama uri ama iruruputo. Se ke kiada inio.

1 Timoti 6:16

Vo o kiada ta o saevani ni pui opa vouvo ala, ni o evani koa simanamana kale ko puliala o roveako kelo. Puliala maba ta lula o vea vo, ni puliala maba ta o rovea velo vo. Animeta me rauraevou vo noqola pizato sala! Emeni.

2 Timoti 3:17

So inio koa Tabu ama Riki poso kale vo maba vo ova nabuluputani vo Baṉara ta o kovou koa bokao poso tu vota o ereko kiadama uri ama iruruputo.

2 Timoti 4:18

Ni vo Lekasa ta o pakielou aṉa kiadama ruqe ama quli kale azo ni vota o uria baroekilou aṉa voko aukale ama lekasa puo kale. Vokasi inio ko ilusato koko elo ama latau ṉaniu ni ka ṉaniu. Emeni!

Hiburu 10:36

Meta inobe emo inio meta me erekou vo Baṉara ko vatolo ni meta me qovou ko vo lula o mela inainaekako quli tu o katimelou me ka kiolako.

Hiburu 12:23

Meta lula meqai baroa koa lotu qoqono kasi sai kiadamu ta kaka kala meqora jari ke evakoi, se Baṉara ota ma rikiekeni seko ṉi poso aukale ama buka kale. Meta lula meda baroa Baṉara kasi vo o pitasimo ala kiadama uri ama maba poso se ruqe amu kasi azo. Meta lula meqai baroa koa zae sai se sidopu amu ko auvana poso vo Baṉara lula o korotimakoi.

Hiburu 12:28

So sole animeta me ilusivou vo Baṉara, ako vota lula o zomanimela anime koa toutou kale vo okai lekasa puako, ko pui ko roveako vezokato. Animeta me ilusivou vo koa keve vo ko zolevo ama kale matuma paṉao sate.

Hiburu 13:16

Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

1 Pita 4:2

So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.

1 Jone 2:17

Ni komia peuru ma peuru ta kota ruvurou ni kiadama quli se maba poso kekai zariako komia peuru ma peuru kale melai kota ruvurou. Melai voa maba vo o ereko ala vo Baṉara okai zariani nio o saevou noqola kama saevo kale.

1 Jone 3:22

ni vo Baṉara ta o katimelou ko quli anime me baseko ama. Animeta me qovou ko, ako animeta me zorika sole vo Baṉara ko bazu, ni me ereka sole vo ko zolevako quli.

Jiudi 1:25

vo omadeu pado animevo Pakio Baṉara kasi, vo Jisu Karisito animevo Lekasa kale kude, ta ko elou ko ṉaṉaidara, raurailo, lekasa puo, ni naizato, koko tanitanila keru azo ama, ni erisaṉama, ni latau ṉaniu ni ka ṉaniu! Emeni.

Kelokelozato 4:6

Ni mata voa papupapu ko kuleto vasia rana ta ivere mudamuda kama jaria kelo ama, koko kapikapitako qelasi lado jaria bulebule ama. Ni koa tianiama papupapu ko levoano koko ariku rana vasi ta kobeta evake ariku biaṉa saevoma, ko kuleto ni tova kubo vilu sama.

Kelokelozato 5:13

Ni aṉata ada ka viqake koko kora kiadama saevoma quli vo Baṉara o erekema quli aukale ama, ni miduku kale ama, ni se voumu ke piriziakoi ko evako quli, ni ivere kale ama quli, koa kiadama saevoma quli peuru ma peuru ko evako. Sea kiadamu ta ke keraovake ni eri kikelake, “Vo okai papuani koa papupapu, ni voa Sipi Meqora ta meqai rauraeka qo aikato, ni ṉaṉaidara ni pizato latau ṉaniu ni ka ṉaniu!” kikelake.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.