Hiburu 12:24 - BAṈARA KO VAIRU AMA LEVELEVEO

²⁴ Meta lula meda baroa vo Jisu kasi vo o pizatikeni ko vairu ama leveleveo vo Baṉara o erekema maba poso kasi. Voko dara ikio koko pirupusaima, ko kasa ko ikako akoekato sama roquano tu anime kaqe, koko taka qulepako vo Ebolo ko dara vaitotola sama.

Hiburu 12:24 Marejeleo ya Msalaba

Matiu 23:35

So inio me inio meda ka kovou koko tokaka sea sidopu ama maba poso ko vouvaemo kale avo, Ebolo ko vouvaevo kasi azo ti Zekaraia, vo Barakaea vo meqora, vo meme vouvaeveni koa Jelepade kale, koa sara ni Baṉara ko Tabu ama Zae ko tiania Jelepade ko taqo kale.

Matiu 26:28

komi ta ko mamola pueka aṉako dara, koko rereovo ama tu ko pakiemo kubo maba poso tu vo Baṉara ta ota ma akoekou seko sarueko, ni komia aṉako vou kio ko vinaeko ama vo Baṉara ko leveleveo maba poso kasi.

Maka 14:24

Nio Jisu ta mata eri kiolake sekasi, “Komia kapa vaini sama ta ko mamola pueka aṉako dara, koko rereovo ama tu ko pakiemo kubo maba poso, ni komia aṉako vou kio ko vinaeko ama vo Baṉara ko leveleveo maba poso kasi.

Luke 11:51

vo Ebolo ko vouvaevo keru azo ti kobeta baroi Zekaraia ko vouvaevo ko taku, vo ke vouvaeveni ko sara ni Baṉara ko Tabu Zae ko tiania Jelepade ko taqo kale. Tuvevo, aṉata a bazuemela me, komia taku kale ama maba poso mela ta o koqotaemelou vo Baṉara sea kiadamu ko vouvaemo kale avo!

Luke 22:20

Ni koa omadeuvo jari, koa vuato ko tova inio vota o katimake ko kapa vaini ko ju sama, ni eri kiolake, “Komia kapa vaini ko ju sama ta ko mamola pueka aṉako dara, koko rereovo ama tu ko pakiemelo me, ni komia aṉako vou kio ko vinaeko ama vo Baṉara ko vairu ama leveleveo maba poso kasi.

Qelesia 3:20

Melai vo tianiala maba ta puliala, omadeu pado rana ko kiada ko elou ta. Ni vo Baṉara ta omadeu pado inio.

1 Timoti 2:5

Ako vo Baṉara ta omadeu pado sole, ni vo tabu ala Baṉara ni boutare sama maba poso ko tiania o evani ta mata omadeu pado, vo Jisu Karisito o ṉi sala maba,

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

Hiburu 11:28

Nio voko vai oqu kale vo Baṉara inio vota o taniekake ko Alokato ko Ṉojola kiadama sabere poso ko ereko kaqe, ni o bazuemake se Izireli amu tu ke vouvaeko ko sipi ko meqora ni ke pirupusaeko koko dara seko veutu tonama barabara topi, tu vo vouvato ko mateana ta pui o vouvaemou se Izireli amu ko kaka kama lasive meqora poso.

Hiburu 11:4

Oqu kale inio vo Ebolo, Adami vo visi ala meqora, ta o kativake vo Baṉara ko siqasiqa Keini vovo kaka ko siqasiqa kokai paloasako. So sole Baṉara ta ova zoleike voa maba ni vota ova nokaekake sidopu ala, ako vota o tuvevo puevake vo sole. Baṉara ta zakaremu o ike ko anime kasi ako vota o baroekike koa katizato poso Ebolo o kativema vo sole. Voko tuvevo puto kale, Ebolo ta obeta pesia jari erisaṉa anime kasi, vota ota vovi melai.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

Hiburu 7:22

Ako koa kejo kale Jisu ta tuvevo saṉa ni vinavina o ika ko leveleveo ni vokale kude animeta meqai nianiia ta kota kokai paloasa ko lulama leveleveo.

Hiburu 8:13

Baṉara ko kai pesio kale koa vairu ama leveleveo vota tana o ikake koa kuleto ama pado leveleveo; ni ko quli lula tana ko evako ni lula lekuleku ama ta taukavole kota muluatou.

Hiburu 8:6

Melai erisaṉa animeta me baqumuka vo Jisu o erekako iruruputo ta kokai paloasa sea siama madu ke erekako iruruputo kasi azo, omadeuvo jari vo Jisu o erekema leveleveo Baṉara ni maba ko tiania ta qulepo ama, ako koa leveleveo ta ko vinaiva rakimato qulepo ama quli kale sole, vo Baṉara o mela ereko kiolako.

Hiburu 8:8

Melai Baṉara ta o keake ko sarueko voko mabamu tona so sole vota eri kiolake, “Ko kilo ama ṉaniu poso kale aṉata a erevou kala pado vairu ala leveleveo se aṉako maba madu se Izireli amu kasi ni se Jiuda amu kasi.

Hiburu 9:15

Sokale avo inio vo Karisito o lojoani Baṉara ni maba ko tiania, ta o ereka ko vairu ama leveleveo tu vo Baṉara o pitoemeni maba poso ta ke kovou koa uri ama quli vo Baṉara lula oma inainaekako tu o katimo se tu seta noqola ṉeamuko ke elou. Komi quli ta kota ereilou ako Karisito ko voukale se maba poso ta ke rupasiovi ruqe ama quli kale azo seke erekema seko lulueko kale kuleto ama leveleveo.

Hiburu 9:19

Mosese ta omai bazuekake se maba poso kiadama bazu poso Baṉara ko Bazu kale ko evako. Saita inio vota o koake ko vairu ama bulumakau ni qouti ko dara, ni o valuvaluekake ju sate ni vota o koake kama pado seulele papapapa ko kata, hisopi kekai nokaekako, ni o nasoekake ko diri ama sipi ko tou, ni vota o duluekake koa dara kale ni o pirupusaekake Bazu ko buka topi ni so jari kiadama maba poso topi.

Hiburu 9:21

So jari Mosese ta mata o pirupusaekake koa dara tepe pade topi, sai seke siqatakoi vo Baṉara kasi, ni kiadama quli se kekai iruruputema Baṉara vai ilusiko kale topi.

1 Pita 1:2

Vo Baṉara animevo Mama ta o vatoeke lulavo ni o pitoemele me tu vo Tabu ala Auvana ta voko tabu ama qoqono mela o imelo, ni so inio vo Jisu Karisito ta bulebule o imele voko dara kale ni meta me zorive vo. Vo Baṉara ko roquano ni bule ta ko melai avoziovou me.