Hiburu 12:23 - BAṈARA KO VAIRU AMA LEVELEVEO

²³ Meta lula meqai baroa koa lotu qoqono kasi sai kiadamu ta kaka kala meqora jari ke evakoi, se Baṉara ota ma rikiekeni seko ṉi poso aukale ama buka kale. Meta lula meda baroa Baṉara kasi vo o pitasimo ala kiadama uri ama maba poso se ruqe amu kasi azo. Meta lula meqai baroa koa zae sai se sidopu amu ko auvana poso vo Baṉara lula o korotimakoi.

Hiburu 12:23 Marejeleo ya Msalaba

Luke 10:20

Melai meta pui kai zoleilo ko ziolo ko zorimelo me, melai meta zoleimo ako meko ṉi poso ta lula kota rikiziovi aukale tu meta Baṉara ko qoqono kalea mela sole,” kiolake.

Jone 5:27

Ni vota o katile ko pizato titizato ko, ako aṉata vo maba a eveni lala sole.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

1 Koriniti 13:12

Erisaṉa anime me qeako vo Baṉara ko tuveano ta omadeuvo ko parapara kama mudamuda kale ama mudamudali jari, melai tova animeta me uria velou vo o ṉaviko tanama kale. Erisaṉa animeta kama supi pala meda vai nianiia vo Baṉara, melai tova mainio animeta mevai uria nianiiovou omadeuvo vo Baṉara ta o melai uria nianiia anime jari.

1 Koriniti 15:49

Erisaṉa animeta voa miduku kale o ereini maba jaria mela, melai tova inio animeta me elou voa aukale azo ala maba jari.

1 Koriniti 15:54

Nio so keru komia lekuleku ama tupu poso noqola kama ko elou keru nio tuvevo ko elou ko Tabu ama Riki kikolani, ko eri; “Ko vou ta koqo kota eva ti kota ruvura!”

2 Koriniti 5:8

Eṉeta ṉeda matu parani puta, ni kota matu uri eṉe kasi tu ṉe vaeko eṉeko miduku kale ama tupu tu eṉeta ṉe elo vo Lekasa sase voko pade kale.

Epesasi 1:22

Ni vo Baṉara ta o vaekake kiadama quli vo Karisito ko pizato ko vima, ni kiadama quli ko lezu o ivake voko lotu qoqono kale.

Pilipai 4:3

Ni ṉo aṉavo tuvevo ala lolo ṉa aniqe omadeu iruruputo qe eveni qela melai aṉai zaria tu ṉota ṉo dauvekou nioqia omuqa reko, ako nioqa inio qo matu tauveqeleni sole aṉa ni Kelemeni ni mata kake seke iruruputeni aṉa sate kai bazuto vo Jisu Karisito ko Uri ama Bazu. Seko ṉi ta ko rikiziovi noqola saevo samu ko ṉi sama buka kale.

Kolosi 1:12

Ni meta kativomo meko uriavo vo Baṉara animevo Mama, ako vota lula o malezimela me tu meta me qovou meko kena koa uri ama quli ko lula ko inainaivako tu voko maba madu mela kaqe vo Baṉara ko zakaremu kale me evani mela.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

1 Timoti 3:5

Ako kala maba vo pui o roveani korotiko o ṉaviko saidi ta nonia roveo inio vota o kati vailou vo Baṉara ko lotu qoqono? Vo soala maba ta pui opa roveovou.

Hiburu 11:4

Oqu kale inio vo Ebolo, Adami vo visi ala meqora, ta o kativake vo Baṉara ko siqasiqa Keini vovo kaka ko siqasiqa kokai paloasako. So sole Baṉara ta ova zoleike voa maba ni vota ova nokaekake sidopu ala, ako vota o tuvevo puevake vo sole. Baṉara ta zakaremu o ike ko anime kasi ako vota o baroekike koa katizato poso Ebolo o kativema vo sole. Voko tuvevo puto kale, Ebolo ta obeta pesia jari erisaṉa anime kasi, vota ota vovi melai.

Hiburu 11:40

ako Baṉara ta lula o korotike ko uri ama vado pui se kaqe pala, melai anime ni se kaqe. Ako voko vatolo ta anime ni seta omadeu tovozo sidopu me elou, melai anime pide ta seta pui so.

Hiburu 2:12

Vota eri kiolake Baṉara kasi, “Aṉata amai bazuekou a visi poso ko ṉo lula ṉo erekako quli; Aṉata a ilusiṉou ṉo seko padoilo kale.”

Hiburu 9:27

Kiadama maba madu ta ke vouvou omadeu taku pala ni seko vou ko tova Baṉara ta o pitasimou se ruqe amu sidopu amu kasi azo voko titizato kale.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

1 Pita 2:23

Ni se maba poso ta ke ruqe kasevake vo melai vota pui oma besiekake tu mata o ruqe kasemou se; ni so keru maba poso ke tolaeve keru vota pui opa ma korakorai, melai vota ovai kerui vo Baṉara, vo inio vo sidopu ala titizato ko maba.

Kelokelozato 13:8

Kiadama maba poso peuru ma peuru kale amu ta ke ilusivou vo, sea kiadamu se pui kopa tama rikiziovini seko ṉi puliako peuru ma peuru ereilo, voa Sipi Meqora vo lula o vouvaini kasi azo ko kuevako noqola kama saevo samu ko ṉi ko buka topi.

Kelokelozato 14:4

Se inio sea maba madu se pui kepa vaeveni vo Baṉara tu ke ilusiko lipalipa kama quli, omadeuvo kala maba vo pui o vaekani o reko tu o pauveko edoloma jari. Seta ke lulueva vo Sipi Meqora kiadakoi sai vo o olakoi. Seta lula ke tatabarai ni keta pitasiovi kiadama se ruqe ama maba madu kasi azo, seta omadeuvo koa kuleto ama epa kiaro kale ama jari koko katiziako vo Baṉara ni voa Sipi Meqora kasi jari.

Kelokelozato 20:15

Ni sea kiadamu se pui kota ma rikiziani seko ṉi saevo samu ko ṉi ko buka topi ta ke risaivake koa uza ko poro kale.

Kelokelozato 6:11

Ni vo Baṉara ta o katimake sea kiadamu ko rosia tapo sabosabo, ni vota o bazuemake tu silo pala taruano inio ke elou, ti kobeta okotou seko lolo poso vo Baṉara ko nabulu poso ko ataataiti, se mainio ke vouvaemo amu.

Kelokelozato 6:9

Nio voa Sipi Meqora ta mata o rupasikake sike ama vinavina, sai nio aṉata a qeake se lula ke vovini ko auvana poso sara, ko raki kasi seke vouvaini seko kerula kai bazubazuto kale vo Baṉara ko bazu.