Hiburu 12:2 - BAṈARA KO VAIRU AMA LEVELEVEO

² Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 12:2 Marejeleo ya Msalaba

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Maka 14:36

nio vota eri kiolake, “A Mama ṉa, kiadama quli ti pui tapata ikio ṉokasi. Sole tala vatutika komia upotuqu ko kapa aṉa kasi azo. Melai pui ṉo erekou aṉako zario kikolani, melai vaeka tu ko ereilo ṉoko vatolo kikolani jari.”

Maka 16:19

Ni so keru vo Lekasa Jisu o paikake mati pesipesito se, ti vo Baṉara ta obe koivievake inio vo aukale. Ni sai nio vota o papuake vo Baṉara ko palo rana vasia rana tu o lekasa puo.

Maka 9:12

Nio Jisu ta eri kiolake sekasi, ‘Tuvevo Ilaija inio o kilou kuleto tu o korokorotikou kiadama quli. Melai noi sole inio ko Tabu ama Riki ta eri kikola, aṉa maba a eveni lala ta a dolailou ni kelai kaikuapou se maba madu?

Maka 9:24

Ni voa mama kala ta ota matu zaivotake, ni eri kiolake, “Aṉata oqu salala, melai a baseṉa ṉo tu ṉota pizatika mata aṉako oqu!” kiolake.

Luke 17:5

Nio se apositolo madu ta eri kikelake Lekasa Jisu kasi, “Ṉela pizatika eṉeko oqu,” kikelake.

Luke 23:11

Nio Herodi ni voko solodia madu ta kevai balebaleitake ni ke zarazaraevake vo, ni seta kevai kiakake ko ileile ama rosia sabosabo ni ke vaitoevake Paelati kasi.

Luke 24:26

Noi nio pui qe paqumuka kota ko malezika tu vo Baṉara o pitoevani Pakio ta tapata o toraeka ni o vouva saita inio vota okai amaqeovou voko ṉaṉaidara?”

Jone 1:29

Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

Jone 12:24

Tuvevo avole aṉata a bazuemela me, vuiti ko sisu pui ko papailou miduku kale ni pui ko vouvou, ta omadeu pado sisu pala kobeta elou. Melai ko vouvou ta matu kubo sisu ko erekou.

Jone 12:32

Ni so keru aṉa ke zolaelou keru miduku kale azo inio aṉata a badoemou kiadamu a ṉavi kasi,” kiolake.

Jone 13:3

Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio.

Jone 6:40

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

Jone 8:56

Mevo taite Ebarahami ta ota zolei so keru vo o paqumuke keru ta vota o kelou aṉako kilo miduku kale. Ni vota o keve ko ni ota zoleike,” kiolake.

Iruruputo 2:36

“So sole kiadama Izireli amu mela ta kai nianiiomo komi ko tuveano, ta vo Jisu meme vouvaeveni korosi topi, vo inio voa Jisu, vo Baṉara Lekasa ni Pakio o iveni!” ma kiolake vo Pita.

Iruruputo 3:15

Ni meta me vouvaeve vo vo tuvevo ama saevo kale o odikatani, melai vo Baṉara ta o saevive vo voukale azo, ni eqeta qe veake vo voko tova saevo kale.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

1 Koriniti 1:18

Ako vo Karisito ko vou korosi topi ama ko Bazu ta utube ama quli noqola tolailo kale ke ziovo amu kasi, melai anime me bakiziani mela ta koa Bazu ikio ko kaseka vo Baṉara ko pizato anime kasi.

1 Koriniti 1:23

melai eṉeta ṉevai bazuta vo Karisito korosi topi o vovini, koa bazu ko kuvaruvarua kelo ama se Jiu amu kasi, ni se pui Jiu amu sarube ama ka kikelako.

Epesasi 2:16

Ako vo Jisu ko vou korosi topi ama ikio ko dokolikake Jiu mu ni pui Jiu amu ko kanaekinio ni kokale vota omadeu qoqono o imake ni o mati odouvikiniake se Baṉara kasi.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Pilipai 1:6

Ni aṉata a uria kai nianiia, vo Baṉara vo o taniekeni ereko koa uri ama quli mekasi ta obeta ziovou ereko ko ti kota kobeta okotou vo Jisu o vaitou keru.

Pilipai 3:20

Melai animeko ṉisa peuru ta aukale. Ni animeta mebe tareva animevo Pakio, animevo Lekasa Jisu Karisito vo o kilo ala aukale azo.

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

Hiburu 1:13

Baṉara ta maba pui eri pa kiove kala vovo mateana kasi vovo Meqora kasi kiovevo jari: “Papi koi aṉako palo rana vasia rana ti kobeta barou ṉoko kana poso aṉa ṉoko kiti iviivi a imou keru.”

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 10:14

Omadeu pado siqasiqa ko kiada kale vota noqola sidopu o imake se lula bulebule ke evani seko sarueko kale azo.

Hiburu 10:33

Koa taku keru inio se maba madu ta ke perimele me ni seta ke niumaniumaemele me kasavole ni kama taku meta meqai zolei tu mai zomano se soama keve kale ke periziani.

Hiburu 11:36

Kake ta kemai balebaleitake ni ke pazomake ni kake ta ke piriemake seini kale ni ke vaemake pirito pade kale.

Hiburu 12:3

Meta kerukeruevomo vo Jisu, vo pui opa lupaovini tu vota o tolailo koa tola vo o koema tola se sarueko sama maba madu ko ṉase topi se kevai kideipeni vo. So sole meta pui duki ni koqo elo meko bulo poso kale.

Hiburu 13:13

So sole animeta me vaemou seke madoekani tu kati vailo se Jiu amu ko siqasiqa, ni meqai zomanou voko qurato.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

Hiburu 7:19

Ako vo Mosese ko Bazu ta pui ko roveake sidopu puto Baṉara ko kelokelozato kale, melai erisaṉa vo Karisito ko siama elo kale qulepo ama keru ta me ṉeamuka anime, ko anime sipole ko imelako vo Baṉara kasi.

Hiburu 8:1

Ko matuma quli aṉa a qasekako ta animeta lula me ṉeamuva vo Ṉisa Siama, vo inio vo Jisu, vo o papuani Baṉara ko papupapu ko palo rana vasia rana aukale, sai vo Baṉara o lekasa puakoi pizato sate.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

Jemisi 2:1

A lolo poso mela, meta mevai oquani mela vo animevo Lekasa Jisu Karisito, vo ṉaṉaidara kala Baṉara, so sole meta pui tama paṉao kake pala ni mai masapo kake seko kupekupe ama melo ko pitasimo kale.

1 Pita 1:11

Ako vo Baṉara o soroeveni Pakio ko Auvana ta se poropita madu tona ko evake. Ni voa Auvana inio oma kasekeni se voa Pakio o kovo ama tola ni vou, ni voko ṉaṉaidara o kovo ama koa tolailo ni vou ko tova. Ni se poropita madu ta ke madoekake tu kekai nianiio vo Tabu ala Auvana oma kasekema quli ta noi keru ni lave ko taku kale inio ko ereilou.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Pita 3:22

ni vota ota koivi aukale ni vota vovo Mama ko palo rana o eva. Ni sai nio vota oma lekasa pua aukale ama mateana madu ni kiadama pizato sama auvana poso.

Jiudi 1:21

ni meta emo vo Baṉara ko roquano ko poro kale, meko tarevo kale vo animevo Lekasa Jisu Karisito tu o katimelo me ko noqola kama saevo voko akoekato sama roquano kale.

Kelokelozato 1:11

Nio kota eri kikolake, “Rikieka ko ṉoṉo qeako quli, ni soroeka koa riki koa sikeura lotu qoqono kasi ko kobeta evako Epesasi, Samena, Peqamami, Taiataira, Sadisi, Piladelepia ni Leodisia,” kikovema.

Kelokelozato 1:17

So keru aṉa a veve keru vo, aṉata ada bousarake voko kiti raki kasi ni aṉata kala voula maba jari ada evake. Sai nio vota olai ivikake voko palo ṉase ni eri la kiolake, “Pui ṉalo! Ako aṉata kiadama quli ko tanitanila ni koko paitopaito lala sole.

Kelokelozato 1:8

“Aṉata kiadama quli koko tanitanila ni koko paitopaito lala,” kiola vo Baṉara, vo koko tanitanila kale o eveni, ni vo erisaṉa obeta evani, ni vo mainio opa kilo ala, vo kiadama pizato sala.

Kelokelozato 2:8

“Ni ṉota eria rikito eve sai Samena ama lotu qoqono ko mateana kasi: Eri nio koa bazu koko kuevako vo kiadama quli ko tanitanila ni koko paitopaito sala kasi azo, vo o vovini ni mata o tova saeveni voukale azo.