Hiburu 12:14 - BAṈARA KO VAIRU AMA LEVELEVEO

¹⁴ Matu madoekomo tu meta emo bule kale kiadama maba sase, ni madoekomo tu saevomo tabu ama saevo kale, ako koa tabu ama saevo pide ta pui meba velou vo Baṉara sole.

Hiburu 12:14 Marejeleo ya Msalaba

Maka 9:50

Soloti ta uri ama quli, melai kota ka mumailou koko kava roquroqu inio kota puliama kalo sama. Ni omadeuvo so jari nio meta pui me vaekou meko sarueko inio me melai kalo pidea mela. So sole vaekomo meko sarueko koko tizaekako meko bairumuo,” kiolake vo Jisu.

Luke 1:75

tu tabu me elo ni sidopu me elo voko tanama kale, kiadama ṉaniu animeko saevo kale.

Romu 12:18

Meta matu madoekomo tu meta bule kale me elou kiadamu kasi.

Romu 14:19

So sole animeta me zuatikou kiada keru ko bule ko erekako quli ni ko omadeu pizatimelo ko elo ama quli animea kiada mela.

Romu 6:22

Melai erisaṉa meta lula meda rupasia sarueko kale azo ni meta vo Baṉara ko mabaku mela inio. Ni meta tabu meda eva meko saevo kale vokasi, ni koko reketekete ta noqola kama saevo.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

1 Koriniti 13:12

Erisaṉa anime me qeako vo Baṉara ko tuveano ta omadeuvo ko parapara kama mudamuda kale ama mudamudali jari, melai tova animeta me uria velou vo o ṉaviko tanama kale. Erisaṉa animeta kama supi pala meda vai nianiia vo Baṉara, melai tova mainio animeta mevai uria nianiiovou omadeuvo vo Baṉara ta o melai uria nianiia anime jari.

2 Koriniti 6:17

Sokale avo inio vo Baṉara ta o balauvimake se Izireli amu ni so kiolake, “Erisaṉa meta vaemomo se ni meta pitasiomo sekasi azo. Meta taka papariomo ko kuna kama quli, Sokale kude inio aṉata a mela lilitou me.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Qelesia 3:21

Noi nio, vo Mosese ko Bazu ta ko pazoka vo Baṉara ko leveleveo kio? Maba pui! Ako vo Mosese ko Bazu ta ko katimela animea maba poso mela ko noqola kama saevo tea, animeta sidopu inio meda elo Baṉara ko kelokelozato kale vo Mosese ko Bazu ko lulueko kale.

Epesasi 5:5

Ni meta meqai nianiiovou ko eri: puliala maba ta opa kovou voko reketekete vo Karisito ni Baṉara ko lekasa puo kale vo o erekani ko pauvezato ni rusurusuavo puto ni vo viluloqu o evani. Ako vo viluloqu o evani ta vota voko beku o ika inio sole ko quli vo viluloqu okai evako quli.

Pilipai 3:12

Aṉata pui aqai rairizia ta aṉata lula vo Baṉara olai zariani jari a qavani lala, melai aṉata a zuatika tu Baṉara olai zariani jari a qalo, tu a qovo koa soama saevo ko reketekete, ako vo Karisito inio okai zaria tu aṉata a qovo sole. Ni Sokale avo inio vo Karisito ta o ṉavivo lala o ile aṉa.

1 Tesalonaika 3:13

So inio vota o pizatimelou me meko bulo ni saevo kale ni meta ruqe pidea mela me elou meko tabutabuo kale vo Baṉara animevo Mama ko tanama kale, so keru animevo Lekasa Jisu o vaitou keru kiadama voko maba poso sase.

1 Tesalonaika 4:7

Ako vo Baṉara ta pui opa nokaemele tu animeta me elo kuna kama quli kale melai animeta tabu me elo.

1 Tesalonaika 5:15

Balauvomo tu meta pui me besiekou ko ruqe ruqe kale, melai meta madoekomo tu erekomo ko uri kiada keru me ṉavio kude ni so jari kiadama maba poso kasi.

1 Timoti 6:11

Melai ṉo, vo Baṉara ko maba ṉa, ta taka lapase kiadama komia ruqe poso. Kai vinai ko sidopu, vo Baṉara tava paṉao kale, ni oqu kale, ni roquano kale, ni pataito kale, ni nodenode ama saevo kale.

2 Timoti 2:22

Ṉota taka soqoi se vaini amu ko ruqe ama kalo, se keka matu zariani ko pui ko korotako quli poso, ni vinaeka lulueko ko sidopu, ni oqu, ni roquano, ni bule, seke ilusivani vo Baṉara saqasaqa kama bulo samu sase.

Hiburu 12:10

Se animeko miduku kale ama mama poso ta ke sidopu puemela anime seko zolemako sidopu puto kale puju ama taku kale. Melai Baṉara ta o sidopu puemela anime koa sidopu puto kale koko tauvemelo ama anime tu animeta vo jaria bulebule me elou.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Pita 3:11

Vota o vaekou kiadama ruqe ni uri o erekou, ni o matu madoekou tu bule kale o saevou kiada keru.

1 Pita 3:13

Ni meta me matu madoekou uri ereko, ta puliala inio tapata opa imelou me.

2 Pita 3:11

So inio kiadama quli ta kota ruvurou, so sole meta noni ama maba poso mela inio me elou? Meta me jaevou tabutabuo ko saevo kale ni meva iruruputou vo Baṉara.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.

3 Jone 1:11

A baerebaere ṉa, ṉota pui lulueko ko ruqe ama kalo melai lulueka ko uri ama kalo. Ako vo o erekani uri ama quli ta vo Baṉara vo inio, melai vo o erekani ko ruqe ta pui ovai nianiiani vo Baṉara sole.