Hiburu 11:6 - BAṈARA KO VAIRU AMA LEVELEVEO

⁶ Puliala maba ta o rovea zolevo vo Baṉara oqu pide ala, ako vo oka zariani kilo Baṉara kasi ta o tuvevo puevou vo Baṉara ta inevoana, ni o tuvevo puekou ta vota reketekete saṉa o imani seke vailivani vo.

Hiburu 11:6 Marejeleo ya Msalaba

Matiu 11:26

Tuvevo Mama, ko ikio ṉoko zario tu kota so ko kalo ni ṉota ṉoqai zoleiva sole.

Matiu 5:12

Melai meta matu zoleimo, ako meko reketekete aukale ama ta matu ko elou sole. Ako koa omadeuvo inio lulavo ke imevo jari se poropita madu, ni vo Baṉara ta o katimake se poropita madu matuma reketekete, so sole vota mata o katimelou me matuma reketekete.

Matiu 6:16

Nio vo Jisu ta obeta olake bazubazuto ni eri kiolake sekasi, “Ni so keru meme dabutabuovou keru meko pui vuato kale, meta pui se kekai lipalipaitani ko sidopu ke kavani jari me qalou. Seko melo ta luapiluapi amu jari ke eva, tu kiadama maba ta ke melou se, ta seta keta tabutabua kio. Melai tuvevo avole aṉata a bazuemela me, seta puliama reketekete samu Baṉara kasi, ako seta lula ke koa seko reketekete maba poso kasi sole.

Matiu 6:33

So sole meta atanaziekomo koa saevo vo Baṉara ko lekasa puo kale ama ni me erekou vo oka zariako quli, nio vota mata o katimelou kiadama quli meko saevo ko korotiko ama.

Matiu 6:5

Nio vo Jisu ta obeta olake bazubazuto ni eri kiolake sekasi, “So keru meme vararaitou keru meta pui se kekai lipalipaitani ko sidopu jari me qalou, se keka matu zariani tu vararaito ilusato ko pade kale ni matu keve tona tu kiadama maba poso ta ke melo se. Aṉata a bazuemela me, seta puliama reketekete samu vo Baṉara kasi, ako seta lula ke koa seko reketekete maba poso kasi sole.

Maka 16:17

Ni seke tuvevo puto amu ta Baṉara inio o katimou se ko pizato ni ke erekou aqasiele ama iruruputo. Ni seta ke rerikou ko ziolo poso aṉako ṉikale, ni seta kekai pesiovou azaazama pesio.

Luke 12:31

So sole meta me atanaziekou koa saevo vo Baṉara ko lekasa puo kale ama ni me erekou vo oka zariako quli, nio vota o katimelou me kiadama quli meko saevo ko korotiko ama.”

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 8:24

Sokale avo inio aṉata a bazuemela ta meta meda vouvou meko sarueko poso sate. Ako meta pui me duvevo puekou ko ‘Aṉa inio ko Aṉa lala’ kio, ta meta meda vouvou meko sarueko poso sate,” kiolake.

Romu 10:14

Melai nonia paseko inio ke elou ko tauvezato se maba madu pui tuvevo ke ivou vo ta? Ni nonia tuvevo puto inio ke elou puliako viqo ko Uri ama Bazu? Ni nonia viqo inio ke elou ko bazu pui ko pikairiovou ta?

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Hiburu 11:26

Vota o kerukerutake ta voa Pakio vo Baṉara o soroevo ala komia peuru ma peuru kale vai toraeko ko qurato ta kokai paloasa ko Ijipi ama batiro, ako vota okai zuatake ko reketekete vo Baṉara o kativo ama vo sole.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

Hiburu 4:2

Ako animeta lula me viqa ko Uri ama Bazu, lulavo kemai bazuekema jari ama. Seta ke viqe koa bazu, melai kota pui kopa tauveme se, ako so keru seke viqe keru ko, ta pui kepa ṉeamuke ni pui kepa kai oqui sole.

Hiburu 4:6

Se lulavo kuleto ke viqeni ko Uri ama Bazu ta pui kepa koe koa mamazo, ako seta pui kepa tuvevo pute sole. Melai erisana ta kama volei maba madu ta koma zarizia tu seta ke kovo ko.

Hiburu 7:19

Ako vo Mosese ko Bazu ta pui ko roveake sidopu puto Baṉara ko kelokelozato kale, melai erisaṉa vo Karisito ko siama elo kale qulepo ama keru ta me ṉeamuka anime, ko anime sipole ko imelako vo Baṉara kasi.

Hiburu 7:25

Sokale inio vota pizato sala koko pakiemako kiada keru se maba madu seke kuevani Baṉara ko kuleto vokale kude, ako vota noqola tu o mati petao se vo Baṉara kasi.

2 Pita 1:10

So sole lolo poso, Baṉara ta o nokaemele ni o pitoemele me tu o ṉavi kaqe. Sole meta matu madoekomo ni kasa ikomo ta me inio voko tuvevo ama pitopito ama maba poso mela. Ni meta me erekou ko quli ta meta maba pui meba pialou.

2 Pita 1:5

Sokale avo inio meta me matu madoekou tu uri me ikou meko saevo. Meta oqu samela, melai matu madoekomo tu kokale meta kati tuboekomo ko uri ama kalo ni ko nianiio,

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”