Hiburu 11:4 - BAṈARA KO VAIRU AMA LEVELEVEO

⁴ Oqu kale inio vo Ebolo, Adami vo visi ala meqora, ta o kativake vo Baṉara ko siqasiqa Keini vovo kaka ko siqasiqa kokai paloasako. So sole Baṉara ta ova zoleike voa maba ni vota ova nokaekake sidopu ala, ako vota o tuvevo puevake vo sole. Baṉara ta zakaremu o ike ko anime kasi ako vota o baroekike koa katizato poso Ebolo o kativema vo sole. Voko tuvevo puto kale, Ebolo ta obeta pesia jari erisaṉa anime kasi, vota ota vovi melai.

Hiburu 11:4 Marejeleo ya Msalaba

Matiu 23:35

So inio me inio meda ka kovou koko tokaka sea sidopu ama maba poso ko vouvaemo kale avo, Ebolo ko vouvaevo kasi azo ti Zekaraia, vo Barakaea vo meqora, vo meme vouvaeveni koa Jelepade kale, koa sara ni Baṉara ko Tabu ama Zae ko tiania Jelepade ko taqo kale.

Luke 11:51

vo Ebolo ko vouvaevo keru azo ti kobeta baroi Zekaraia ko vouvaevo ko taku, vo ke vouvaeveni ko sara ni Baṉara ko Tabu Zae ko tiania Jelepade ko taqo kale. Tuvevo, aṉata a bazuemela me, komia taku kale ama maba poso mela ta o koqotaemelou vo Baṉara sea kiadamu ko vouvaemo kale avo!

Taitasi 1:16

Seko pesio kale ta seta kevai nianiia vo Baṉara kikela, melai seko iruruputo kale ta pui tuvevo ke ika. Seta matu kuvaruvarua melo o evani vo Baṉara, ni meomeo kamu, pui ke bokaovani ereko uri ama quli.

Hiburu 11:2

Ako oqu kale inio lulavo se lulamu ta ke zoleve vo Baṉara.

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Hiburu 12:24

Meta lula meda baroa vo Jisu kasi vo o pizatikeni ko vairu ama leveleveo vo Baṉara o erekema maba poso kasi. Voko dara ikio koko pirupusaima, ko kasa ko ikako akoekato sama roquano tu anime kaqe, koko taka qulepako vo Ebolo ko dara vaitotola sama.

Hiburu 5:1

Kiada keru vo ṉisa siama ta o pitoiva voko mabamu kale azo tu vota ova nabuluputo vo Baṉara sekale avo, tu vota o kativo ko siqasiqa seko sarueko poso ko akoeko kaqe.

Hiburu 9:22

Koa Bazu kikolani ta sipole kiadama quli ta dara kale inio bulebule ko eva Baṉara ko tanama kale. Sokale inio seko reretiko ko dara kale ko kiada inio Baṉara ta o rovea akoeko ko sarueko poso.

2 Pita 2:8

Ako Lote ta kala uri ala maba, melai vota o saevake sea ruqe ama maba madu sate kiadama taku Sodomo ni Qomora peuru kale. Ni vota duki ota eve voko sidopu ama bulo kale, so keru o kea keru ni o viqa keru seko ruqe ama kalo.

Jiudi 1:11

Matu ṉaloṉalo ama quli kio komai barolou se! Ako seta ke lulueka vo Keini ko keve sole. Ni takula ko kovo ko kio kale seta ke lulueka koa saruilo vo Beilami o erekema. Seta ke pikipikinio puta Kora o kaevo pikipikinio puto jari ni vo jaria vou keta eva.