Hiburu 11:1 - BAṈARA KO VAIRU AMA LEVELEVEO

¹ Oqu saṉa elo ta kai nianiio animeko ṉeamuko ko quli anime meqai keruako tu me qovo, ni kota kai nianiio ta tuvevo ama quli kio ko anime pui me qeako quli.

Hiburu 11:1 Marejeleo ya Msalaba

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

1 Koriniti 13:13

So sole erisaṉa ta kobeta eva oqu, ni keru, ni roquano, melai roquano ta kobe qulepa koa zouke azo.

2 Koriniti 11:17

Ako ko quli aṉa a qasekako erisaṉa ta pui animevo Lekasa Jisu o kaevo ko luluekako ikio; komia raurailo kalo kale aṉata aqai maba pesia nio kala sarubea lala jari.

2 Koriniti 4:18

Ako eṉeta pui ṉeqai lilitani ṉela ko kasale ama quli koko keazaivako vilu kale, melai ko pui ko keazaivako quli kio. Ako koko keazaivako quli vilu kale ta puju ama taku kale pala ko evako, melai ko pui ko keazaivako quli ta noqola ko elou.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

2 Koriniti 5:7

Melai komia miduku kale eṉeta ṉeda saeva oqu kale ni pui eṉe ṉe qeako quli kale.

2 Koriniti 9:4

Ako kake Masedonia azo aṉa ke luluelo amu ta ke mela lelou me ta pui inaina kamela ta, eṉeta ṉeda quratou inio, ni meko qurato ta palopaloasi ama ikio kota elo, ako lula ṉe matu tuvevo puemela ni ṉe rauraemela me sole!

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Taitasi 1:1

Aṉa Paula lala, Baṉara vo nabulu ni kala pado vo Jisu Karisito vo apositolo lala, ta a rikieka komia leta. Vo Baṉara ta o pitoele ni o soroele aṉa tu a dauveko voko maba poso ko oqu ni amai nianiiekiko se koa tuvevo ama nianiiekato, koko odiemo ama uri ama lotu saevo kale.

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

Hiburu 10:39

Melai animeta pui so ko maba mela tu animeta me vaitou kutumana kale tu animeta me noqola tolailou heli kale. Melai animeta animeko oqu kale me bakiziani mela.

Hiburu 11:13

Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.

Hiburu 11:27

Oqu kale inio Mosese ta o zolaike Ijipi peuru kale azo pui taka ṉalo kale vo Ijipi ala aikovakova ko korakorailo kale. Vota ota pataitake ako vota o veve jari vo mutamuta kala Baṉara sole.

Hiburu 11:7

Oqu kale inio Noa ta o viqake Baṉara ko balauvato sama pesio, so keru vo ovai bazueke keru ko nioqololo koko kilo ama ko vo pui vima sase opa kevema. Vota o zorivake vo Baṉara ni o erevake kala matula vaka sai vo ni voko saidi ke pakiovikoi. So sole vota kasa o ikake vo Baṉara ko titizimo sea so keru ama peuru ma peuru kale ama maba madu seko ruqe ama kalo kale avo, melai vo Noa ta o koe vo Baṉara ko sidopu, vota oqu sala sole.

Hiburu 2:3

So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 6:12

Meta pui lupalupato melai meta seke kovo amu vo Baṉara oma inainaekako quli jaria noqola oqu emo.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.