Hiburu 10:4 - BAṈARA KO VAIRU AMA LEVELEVEO

⁴ Ako bulumakau ni qouti ko dara ta maba pui ko rovea ṉamuko maba poso ko sarueko poso sole.

Hiburu 10:4 Marejeleo ya Msalaba

Maka 12:33

So sole vo maba ta o roquevou vo Baṉara kiadama voko bulo kale ni kiadama voko kerukeru kale ni kiadama voko pizato kale, ni vota o roquemou edolomu o ṉavi o roquiva jari. Ni komia omuqa bazu ta matu qulepo ama bazu tu me zorikou kobe kai paloasa ko biaṉa ko siqasiqa.”

Jone 1:29

Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

Romu 11:27

Aṉata a qatimou se aṉako leveleveo so keru aṉa ada ma akoekou keru seko sarueko poso,” kikolako.

Hiburu 10:1

Mosese ko Bazu ta omadeuvo kama pado mamola koko kasekako koa uri ama quli Karisito o kati kuevako, kota pui ko ṉavi koa tuvevo ama quli Karisito o kati kuevako. So sole se siama madu ta upo ke kati ijaeka ereko koa omadeu keve siqato kiadama sabere ma sabere poso. Koa siqato ko ereko ta maba pui ko korotima se maba poso tu seta ke zio Baṉara ko sipole sidopu amu voko tanama kale.

Hiburu 10:11

Vo Jiu ala siama ta o ereka voko koidi poso kiadama ṉaniu poso, ni vota o ereka koa omadeuma siqasiqa poso kubo taku, melai koa siqasiqa poso ta maba pui ko roveako ṉamuko se maba poso ke erekako sarueko poso ko kuiripato.

Hiburu 10:8

Koa pesio poso kale avo, vota eri kiolake kuleto, “Ṉota maba pui ṉoqa zaria ni ko zoleṉa ko siqasiqa poso ni katizato poso ni biaṉa poso koko siqaivako sara topi ni sarueko ko akoekato ko siqasiqa poso.” Vo Mosese ko Bazu ta ko soroemake se maba poso tu ke ereko kiadama koa siqasiqa poso melai vota so kiolake koa siqasiqa poso ta pui ko zoleva vo Baṉara.

Hiburu 9:9

Kiadama ko quli ta mamola pala ko kasa ko mela ikako anime vo Karisito ko iruruputo. Kota kasa ko ika anime kasi ko katizato ni biaṉa kale siqasiqa ereko Baṉara kasi ta pui ko male tu kasa va iko vo maba ko voko sarueko ta kota va akoiva.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.