Hiburu 10:32 - BAṈARA KO VAIRU AMA LEVELEVEO

³² Meta kerukeruekomo lulama taku so keru me kuleto meqai nianiiovi keru vo Jisu vai oqu. Koa taku meme doraeke keru ko matuma tapata melai meta me bataite ni me bizate tapata kale.

Hiburu 10:32 Marejeleo ya Msalaba

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

2 Koriniti 4:6

Voa Baṉara vo eri kioveni “Zakaremu ta ko talolou kutumana kale!” kioveni, vo inio voa Baṉara vo o taloekikeni voko zakaremu eṉeko kerukeru kale, tu ṉe baqumuko vo Baṉara ko ṉaṉaidara eṉe ṉe qerukerueva keru vo Karisito, omadeuvo se Izireli amu ta ke paqumukake jari koa ṉaṉaidara seke keve keru vo Mosese ko loilo.

Pilipai 3:16

Melai animeta mebeta zio lulueko koa tuveano ko anime lula meqai baroako.

Kolosi 2:1

Aṉata aqa zaria bazuemelo me aṉako mela matu koidipo me, ni se Leodisia mu, ni kiadamu se pui ke toraelani aṉa.

Hiburu 12:4

Meko kati pazokinio tu tizaeko ko sarueko ta pui nio ko kati ijatinia puekinia tu meta meqai vou.

Hiburu 5:12

Erisaṉa meta lula ko male tu nianiiekato ko maba elo, melai meta pui nio me ereka. Edolomu inio kebe melai nianiiekika ko kuleto ama bazu poso vo Baṉara ko bazubazu Jisu kale avo. Meta me male kuo ko zokele ama sailao se muqaroma maba poso jari, melai meta mebeta nozuta ko susu.

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

Hiburu 6:4

Ako nonia roveo inio seke vaekani seko oqu ta tova lilizio ke elou? Puliama keve kale! Ako soama maba poso ta lula ke lojoani vo Baṉara ko zakaremu kale sole, ni seta lula ke lainikani koa katizato ko kuevako Baṉara kasi azo, ni seta lula kekai zomaneni ṉeamuvo vo Tabu ala Auvana sole.

2 Jone 1:8

So sole meta balauvomo! So inio meta pui meqai suatou koa reketekete ko eṉe lula ṉe melai bazuekema me eṉeko iruruputo kale, melai meta me qovou koa kiadama.

Kelokelozato 2:5

Kerukeruekomo meko roquelo koko okate sai me lula me biavekoi kazo! Liliziomo koa meko sarueko kale azo, ni meta kamo kuleto me qaevo jari. Ako meta pui me liliziovou meko sarueko kale azo inio aṉata a melai kilou nio me tamela kovole meko juke ko papupapu sai koko zaekale azo.

Kelokelozato 3:3

So sole kerukeruekomo koa nianiiekato ko me lula me viqema ni me ṉeamukema. Meta zorikomo ko ni liliziomo meko sarueko poso kale azo. Ako meta pui me doiratou nio aṉata ota podolo kilo a melai elou vo kuilokuilo ala maba jari, ni meta maba pui meba kai nianiiovou koa taku so keru aṉa a qilou keru mekasi sole.