Hiburu 10:29 - BAṈARA KO VAIRU AMA LEVELEVEO

²⁹ Melai matu palopaloasia tapata inio o elo avo voa maba vo o perivani vo Baṉara vo Meqora ni vo zara kerukerueko o evani vo Baṉara vo leveleveo ko dara ko vo bulebule ko ivako voko sarueko kale azo, ni vo o ruqe kasevani voa pakiezato sama roquano sala Tabu ala Auvana. Voa maba ta o tareka vo Baṉara ko koqotato ko vo o kovo ama.

Hiburu 10:29 Marejeleo ya Msalaba

Matiu 26:28

komi ta ko mamola pueka aṉako dara, koko rereovo ama tu ko pakiemo kubo maba poso tu vo Baṉara ta ota ma akoekou seko sarueko, ni komia aṉako vou kio ko vinaeko ama vo Baṉara ko leveleveo maba poso kasi.

Matiu 7:6

“Pui ṉamuko ko tabu ama lomaloma ruqe ama maba poso kasi. Soa katimo me elou ta meta me qatika jari nio ko siele tabu ama lomaloma. Ako kota ko titiziovou ni ko nanaemelou sole. Ni soa katimo me elou ta meta me risaeka jari bolo kasi meko jiku. Kota kokai lojolou ni ko niumaekou sole.

Maka 7:2

Ni seta ke meake kake voko disaipeli madu ta ke vuatake puliako pusaeko seko ṉase tabutabuo kale, sole pui ke lulueka Parese madu kekai nianiiekatako kalo.

Luke 12:10

“Vo ruqe kaselo o elo ala aṉa maba a eveni lala ta kota va akoilou koa sarueko; melai vo ruqe kasevo o elo ala vo Tabu ala Auvana ta pui kopa tava akoilou koa sarueko.”

Jone 10:36

So sole aṉa kale avo, vo Mama ta o pitoele aṉa ni o soroele aṉa peuru ma peuru kale. Sole noi nio meta eri kimela aṉata a ruqe kaseva vo Baṉara kimela, aṉako aṉata Baṉara vo Meqora lala kio kale?

Jone 17:19

Seko kio kale avo inio aṉata a qatizia ṉokasi, tu se melai ke luluekou aṉa a qavani ni tuvevo avole ke katiziovou ṉokasi.

Iruruputo 7:51

Ni Sitiveni ta obeta olake pesio ni eri ma kiolake, “Me matu meomeo kamela! Maba kutumana kamu mebeta eva meko bulo poso kale, ni puliama ka taku kale inio meqai zaria viqo vo Baṉara ko bazubazu! Meta omadeuvo meko taite poso jari meda kava, ako meta se jari kiada keru me bikoirivani mela vo Tabu ala Auvana!

Romu 16:20

Ni vo Baṉara animeko bule ko raki ta taukavole o mujarivou vo Setani meko kiti vima. Vo animevo Lekasa Jisu Karisito ko roquano ta ko elou me tona.

1 Koriniti 11:27

So sole kala maba ta o kuovou koa bereti ma o nozuekou koa vaini ko ju, ko anime mevai ilusikako animevo Lekasa Jisu, puliama voko tava paṉao sate, nio vota o sarueka vo Lekasa ko tupu ni dara kasi, ni vota koko kuiripato saṉa ota elou.

1 Koriniti 11:29

Ako vota pui o paqumukou vo Lekasa ko vou ikio ko mamola pueka koa bereti vo o kua keru ni o nozueka keru koa vaini ko ju, vota kuiripato saṉa ota eva so keru vo o vuata keru ni o nozuta keru.

1 Koriniti 15:25

Ako vo Karisito ta o lekasa puovou ti kobeta barolou so keru vo Baṉara o koqotaemou keru kiadama kana ti o vaemou keru vo Karisito ko pizato ko vima.

1 Koriniti 15:27

Ako Tabu ama Riki ta so kikola sole, “Vo Baṉara ta o vaekou kiadama quli vo Karisito ko pizato ko vima.” Uria zakaremu ko ika komia pesipesi “kiadama quli” ta vo Baṉara ta pui okai zomana, vo lula o vaekeni kiadama quli vo Karisito ko pizato ko vima.

1 Koriniti 6:11

Kake mela me ta soa mela lulali. Melai erisaṉa meta lula saqasaqa me evani mela sarueko kale azo, ni meta lula Baṉara ko tabu ama maba poso me evani mela, ni meta lula sidopu me evani mela Baṉara ko kelokelozato kale animevo Lekasa Jisu Karisito mela voukale ni vo animevo Baṉara ko Tabu ama Auvana melai elo kale me. Taka papariomo ruqe ama iruruputo ko pauveko

Epesasi 4:30

Ni meta pui duki me ivou vo Tabu ala Auvana, ako vo inio vo Baṉara vo mamola me o melai ṉeamukani sole. Ni vo Baṉara ta o katimele me voa Auvana tu kasa o ikou ta vo Baṉara ta o rupasimelou me komi ko kuevako taku kale.

Epesasi 5:26

tu kota vo Baṉara ko ko elou. Ni vo Karisito ta okai iruruputa voko Uri ama Bazu tu vota bulebule o ikou ko lotu qoqono voko pusaeko kale bapitaiso ko jukale.

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

Hiburu 12:25

So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

Hiburu 2:11

Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

Hiburu 2:3

So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

Hiburu 4:14

So sole animeta pizaka noqoe me elo ko oqu ko anime me ṉeamukako. Ako animeta kala Matu Ṉisa Siama samela sole, vo o koivini aukale Baṉara ko tanama kale, ni voa animevo Matu Ṉisa Siama inio vo Jisu, vo Baṉara vo Meqora.

Hiburu 6:4

Ako nonia roveo inio seke vaekani seko oqu ta tova lilizio ke elou? Puliama keve kale! Ako soama maba poso ta lula ke lojoani vo Baṉara ko zakaremu kale sole, ni seta lula ke lainikani koa katizato ko kuevako Baṉara kasi azo, ni seta lula kekai zomaneni ṉeamuvo vo Tabu ala Auvana sole.

Hiburu 6:6

Seta lula kebe kai nianiiake kiadama ko quli poso, melai keta epezake vai oqu vo Baṉara! So sole seta pui ke rovea tova lilizio, ako seta ke tova vouvaeva jari vo Baṉara vo Meqora ni kevai kedua vo ubutiana sole.

Hiburu 9:13

Seta ke koa ko qouti ni bulumakau ko dara, ni vairu ama bulumakau lula ke siqaekako ko pari, ju sate ke valuvaluekako, ni kemai pirupusaeka se pui nio bulebule ke evani maba poso tu seta bulebule ke elo vo Baṉara ko kelokelozato kale.

Hiburu 9:20

So keru vo o pirupusaeka keru koa dara koa buka ni se topi vota eri kiolake, “Komi kio koa dara ko vinavina ko ikako ko leveleveo vo Baṉara lula o melai bazuekema me tu meta me lulueko ko,” kiolake.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo