Hiburu 10:19 - BAṈARA KO VAIRU AMA LEVELEVEO

¹⁹ A visi poso, vo Karisito ko dara ko rerema voko voukale animeta lula maba rupasio meda eve tu animeta parani putole me amaqeo koa Matu Tabu ama Zaekale animeko vararaito kale.

Hiburu 10:19 Marejeleo ya Msalaba

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Epesasi 3:12

Ni animeko omadeu vati elo vo Karisito kale ni animeko vai oqu kale vo inio animeta zariekato samela tu me zio puliama ṉalo sate vo Baṉara ko tanama kale.

2 Timoti 1:7

Ako vo Baṉara ko Auvana ko lula o katimelako anime ta pui ko ṉavaemelako ikio sole, melai kota ko melai sukatika ko pizato, ni roquano ni kaitizio.

Hiburu 10:18

So sole Baṉara lula o akoeka keru maba poso ko sarueko, puliama siqasiqa ta mata kepa ka zariovou tu vota ota ma ṉamuko seko sarueko poso.

Hiburu 10:35

So sole meta pui lekuleku elo, ako piza kamela meko tuvevo puto kale ta me qovou ko matuma reketekete sole.

Hiburu 12:28

So sole animeta me ilusivou vo Baṉara, ako vota lula o zomanimela anime koa toutou kale vo okai lekasa puako, ko pui ko roveako vezokato. Animeta me ilusivou vo koa keve vo ko zolevo ama kale matuma paṉao sate.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 4:16

So sole animeta me barani puto tu me qilou vo Baṉara ko papupapu ko matu sipole sai vo o lekasa puakoi ni sai voko tauvezato sama roquano ko evakoi. Sai nio anime me qovoa koi ko sarueko poso ko akoezato ni me qeloa koi ko roquano koko tauvemelo ama anime animeko tapata keru.

Hiburu 7:25

Sokale inio vota pizato sala koko pakiemako kiada keru se maba madu seke kuevani Baṉara ko kuleto vokale kude, ako vota noqola tu o mati petao se vo Baṉara kasi.

Hiburu 9:12

So keru vo Karisito okai amaqeovi keru omadeu pado taku kale ko malezikako kiadama taku koa Matu Tabu ama Zae ta pui opa borike ko bulumakau ni qouti ko dara tu o ereko kama pado siqasiqa, melai vota o borike o ṉaviko dara ni kokale animeta me qoe ko noqola kama pakio animeko sarueko poso kale azo.

Hiburu 9:3

Koa tepe pade ko poro kale ta inovoana mata kala pado lose suma otu ala koko poro kale vasia rana ko Matu Tabu ama Zae kekai nokaekako.

1 Jone 4:17

Ni vo Baṉara ko roquano ta ko maba puratou animeko kalo kale ta, animeta pui meba ṉalou so keru Baṉara o titizimelou keru. Animeta maba pui meba ṉalou, ako komia peuru ma peuru kale ta animeko saevo ta Karisito ko saevo jari sole.